Electric Scooter Discount : ఈ ఎలక్ట్రిక్ స్కూటర్‌పై 30 వేలు డిస్కౌంట్.. ఇంతకంటే మంచి ఛాన్స్ రాదు!

ప్రముఖ ఎలక్ట్రిక్ స్కూటర్ కంపెనీలలో ఒకటైన క్వాంటమ్ ఎనర్జీ తన ప్రసిద్ధ స్కూటర్లపై దీపావళి ఆఫర్లను ప్రకటించింది. భారతీయ వినియోగదారులకు ఎలక్ట్రిక్ వాహనాలను మరింత సరసమైన ధరగా మార్చేందుకు ఈ ప్రత్యేక ఆఫర్‌ను ప్రవేశపెట్టారు. పండుగ ఆఫర్ అక్టోబర్ 18 నుండి అక్టోబర్ 31, 2024 వరకు ఉంటుంది. ఈ ఆఫర్లు అన్ని క్వాంటమ్ ఎనర్జీ షోరూమ్‌లలో అందుబాటులో ఉంటాయని కంపెనీ తెలిపింది.

క్వాంటమ్ ఎనర్జీ వెబ్‌సైట్ ద్వారా కస్టమర్‌లు ఆన్‌లైన్‌లో టెస్ట్ రైడ్‌ని షెడ్యూల్ చేయవచ్చు. భారతదేశంలోని ఏదైనా షోరూమ్‌ని సందర్శించవచ్చు.

కంపెనీ మొత్తం మూడు స్కూటర్లపై తగ్గింపును అందిస్తోంది. ప్లాస్మా ఎక్స్ స్కూటర్ అసలు ధర రూ.1,29,150 కాగా ఇప్పుడు కేవలం రూ.99,999 ఆఫర్ ధరతో కొనుగోలు చేయవచ్చు. అదేవిధంగా ప్లాస్మా ఎక్స్ఆర్ బేస్ ధర రూ.1,09,999 కాగా ఆఫర్ ధర కింద రూ.89,095 వద్ద కొనుగోలు చేయవచ్చు. మిలన్ స్కూటర్ బేస్ ధర రూ.85,999 ఇప్పుడు రూ.79,999 వద్ద కొనొచ్చు.

ప్రస్తుతం విక్రయిస్తున్న అన్ని మోడల్‌లు అధునాతన సాంకేతికతను కలిగి ఉన్నాయి. మంచి పనితీరు, సామర్థ్యాన్ని అందిస్తాయి. ప్లాస్మా ఎక్స్ స్కూటర్ శక్తివంతమైన 1500W మోటార్‌తో 65 km/h గరిష్ట వేగాన్ని అందుకోగలదు. ఈ స్కూటర్ ఒక్కసారి ఛార్జింగ్ చేస్తే 120 కి.మీ రేంజ్ ఇస్తుంది.

ప్లాస్మా ఎక్స్ఆర్ స్కూటర్ కూడా ప్లాస్మా ఎక్స్ మాదిరిగానే అదే శక్తివంతమైన 1500W మోటారును కలిగి ఉంది. గరిష్టంగా 60 kmph వేగాన్ని అందుకోగలదు. ఇది ఒక్కసారి ఛార్జింగ్ చేస్తే 100 కి.మీ. మిలన్ స్కూటర్ 1000W మోటార్‌తో వస్తుంది. దీని గరిష్ట వేగం గంటకు 60 కి.మీ. ఒక్క ఛార్జ్‌తో 100 కిమీ వరకు నడవగలదు.

'దీపావళి పండుగ జరుపుకొనే సమయంలో క్వాంటమ్ ఎనర్జీ ద్వారా ఈ ఫీచర్లతో ఎలక్ట్రిక్ వాహనాలకు మారే అవకాశాన్ని అందించడానికి సంతోషిస్తున్నాం. మా ఎలక్ట్రిక్ స్కూటర్లు పనితీరు, విశ్వసనీయత, అందించడానికి తయారు అయ్యాయి. ఈ పండుగ ఆఫర్‌లు మరింత మందిని కొనేందుకు ప్రోత్సహిస్తాయని ఆశిస్తున్నాం. ఈ ప్రయాణంలో మాకు మద్దతు ఇస్తున్న ఉద్యోగులు, పంపిణీదారులు, కస్టమర్లకు ధన్యవాదాలు.' అని క్వాంటమ్ ఎనర్జీ లిమిటెడ్ డైరెక్టర్ చేతన చుక్కపల్లి అన్నారు.