OnePlus 13 : త్వరలో వన్​ప్లస్​ 13 లాంచ్​- కీలక ఫీచర్స్​ లీక్​!

చైనాలో వన్​ప్లస్ 13 లాంచ్ ఈవెంట్​కు కేవలం నెల రోజుల సమయం మాత్రమే ఉంది. రాబోయే ఫ్లాగ్​షిప్ స్మార్ట్​ఫోన్​ గురించి లీకులు అభిమానుల్లో చాలా ఆసక్తిని రేకెత్తిస్తున్నాయి. ఈ గ్యాడ్జెట్​ ఇండియాలో 2025 జనవరిలో లాంచ్​ అవ్వొచ్చు. దీని స్పెసిఫికేషన్లు, డిజైన్, ఫీచర్లు చాలా వరకు చైనా వేరియంట్​ని పోలి ఉంటాయి. ఈ స్మార్ట్​ఫోన్​ గురించి లీకులు వెలువడుతున్నందున, వన్​ప్లస్​ 13 24 జీబీ LPDDR5X ర్యామ్​తో అందించవచ్చని, ఇది మరింత స్టోరేజ్, పర్ఫార్మెన్స్​ సామర్థ్యాన్ని అందిస్తుందని కొత్త పుకారు వెల్లడించింది. వన్​ప్లస్​ 13 గురించి ఇప్పటివరకు ఉన్న వివరాలను ఇక్కడ తెలుసుకోండి..

ప్లస్ 13 స్టోరేజ్- ర్యామ్..

టిప్​స్టర్​ డిజిటల్ చాట్ స్టేషన్ వీబోలో రాబోయే వన్​ప్లస్​ 13 చైనా వేరియంట్ 24 జీబీ LPDDR5X ర్యామ్​ని అందిస్తుందని పేర్కొంటూ ఒక పోస్ట్​ని పంచుకున్నారు.

గత ఏడాది వన్​ప్లస్​ 12 కూడా ఇదే తరహాలో అందించడంతో ఇది గరిష్ట మెమరీ స్పేస్ అవుతుందని భావిస్తున్నారు. ర్యామ్​తో పాటు, వన్ ప్లస్ 13 అందించే గరిష్ట స్టోరేజ్ కెపాసిటీ 1 టీబీ అని కూడా వెల్లడైంది. అదనంగా, ఈ సంవత్సరం వన్​ప్లస్​ 13 అత్యధిక స్టోరేజ్ వేరియంట్ ధరను మునుపటితో పోలిస్తే పెంచే విషయాన్ని కూడా వన్​ప్లస్​ పరిశీలిస్తోందని తెలుస్తోంది.

వన్​ప్లస్​ 13 క్వాల్కమ్ స్నాప్​డ్రాగన్ 8 జెన్ 4 చిప్సెట్ లేదా మీడియాటెక్ డైమెన్సిటీ 9400 చిప్​సెట్​తో పనిచేస్తుందని భావిస్తున్నారు.

ఈ రూమర్స్​ నిజమవుతాయా? లేదా? అన్నది తెలియాలంటే వన్​ప్లస్​ 13 లాంచ్​ వరకు ఎదురుచూడాలి.

వన్​ప్లస్ 13 స్పెసిఫికేషన్లు, ఫీచర్లు (అంచనా)

వన్​ప్లస్ 13 స్మార్ట్​ఫోన్​ 6.82 ఇంచ్​ ఎల్టిపిఓ బీఓఈ ఎక్స్ 2 మైక్రో-కర్వ్డ్ ఓఎల్​ఈడీ డిస్​ప్లేని 2 కే రిజల్యూషన్​తో కలిగి ఉంటుంది. వన్​ప్లస్​ 13లో సోనీ ఎల్వైటీ 808 సెన్సార్​తో 50 మెగాపిక్సెల్ ప్రధాన కెమెరా, సోనీ ఎల్వైటీ 600 సెన్సార్​తో 50 మెగాపిక్సెల్ పెరిస్కోప్ లెన్స్, 50 మెగాపిక్సెల్ అల్ట్రావైడ్ లెన్స్​తో ట్రిపుల్ కెమెరా సెటప్ ఉండనుంది. 100వాట్ వైర్డ్, 50వాట్ వైర్లెస్ ఛార్జింగ్ సపోర్ట్ చేసే 6,000 ఎంఏహెచ్ బ్యాటరీ ఈ స్మార్ట్​ఫోన్​ ఉండనుంది.

అయితే, పైన పేర్కొన్న సమాచారం లీకులు, ఊహాగానాలపై ఆధారపడి ఉందని గమనించండి. అదనంగా, భారతీయ వన్​ప్లస్​ 13 ప్రేక్షకుల అవసరాలను తీర్చడానికి విభిన్న స్పెసిఫికేషన్లు, ఫీచర్లతో వచ్చే అవకాశం లేకపోలేదు. పూర్తి వివరాలు లాంచ్​ టైమ్​ నాటికి అందుబాటులోకి వస్తాయి.

ఇంకో విషయం! హెచ్​టీ తెలుగు ఇప్పుడు వాట్సాప్​ ఛానెల్స్​లో అందుబాటులో ఉంది. టెక్​ ప్రపంచం నుంచి లేటెస్ట్​ అప్డేట్స్​ కోసం వాట్సాప్​లో హెచ్​టీ తెలుగు ఛానెల్​ని ఫాలో అవ్వండి..