MG Windsor EV : ఎంజీ విండ్సర్​ ఈవీ వేరియంట్లు- వాటి ఫీచర్స్​..

దిగ్గజ ఆటోమొబైల్​ సంస్థ ఎంజీ మోటార్స్​ ఎట్టకేలకు విండ్సర్ ఈవీని భారత మార్కెట్​లో లాంచ్​ చేసింది. దీని ప్రారంభ ఎక్స్-షోరూమ్ ధర రూ .9.99 లక్షలు. సరసమైన ధర, ఫీచర్ లోడెడ్ ఎలక్ట్రిక్ వాహనం కోసం చూస్తున్న కొనుగోలుదారులకు ఈ కొత్త ఎలక్ట్రిక్ ఎస్​యూవీ మంచి ఆప్షన్​గా కనిపిస్తుంది. అయితే దీని ధరలో ఒక ట్విస్ట్ ఉంది! బ్యాటరీని కారు బేస్ ప్రైజ్​లో చేర్చలేదు. బ్యాటరీని రెంట్​కి తీసుకుంటే కిలోమీటరుకు రూ.3.5 యూసేజ్ చార్జీ చెల్లించాల్సి ఉంటుంది. ఈ విధానంతో ప్రారంభ ఓనర్​షిప్​ కాస్ట్​- బ్యాటరీ వినియోగ ఖర్చుల మధ్య ఆసక్తికరమైన సమతుల్యతను అందిస్తుంది.

విండ్సర్​ ఈవీలో బేస్​ స్పెక్​ వేరియంట్​ చూస్తేనే ఈ ఎలక్ట్రిక్​ వెహికిల్​పై అంచనాలు మరింత పెరుగుతాయి. కాగా మిడిల్-స్పెక్ డ్రైవ్​కి గణనీయమైన ఆనందాన్ని ఇస్తుంది. టాప్-స్పెక్ వేరియంట్ పేపర్​పై నాలుగు లక్షణాలను మాత్రమే జోడిస్తుంది. కానీ అవి కూడా చాలా మెరుగ్గా ఉంటాయి. ఈ నేపథ్యంలో ఎంజీ విండ్సర్​ ఈవీ వేరియంట్లు, వాటి ఫీచర్ల వివరాల గురించి ఇక్కడ తెలుసుకుందాము..

ఎంజీ విండ్సర్ ఈవీ: ఎగ్జైట్​..

ఎంజీ విండ్సర్ ఈవీ బేస్-స్పెక్ వేరియంట్ ఎగ్జైట్ అనేక రకాల ఫీచర్లను అందిస్తుంది. బేస్ స్పెక్ నుంచే విండ్సర్ ఈవీ ఎల్​ఈడీ ప్రొజెక్టర్ హెడ్ ల్యాంప్స్, ఎల్​ఈడీ డీఆర్ఎల్స్​, 17-ఇంచ్​ వీల్స్​ పొందుతారు. అయితే ఇవి కవర్లతో కూడిన స్టీల్ వీల్స్! ఫ్లష్ డోర్ హ్యాండిల్స్ ద్వారా ఎక్ట్సీరియర్ డిజైన్​ను మరింత మెరుగుపరిచింది సంస్థ. క్యాబిన్ లోపల ఫ్యాబ్రిక్ సీట్లు, 60:40 స్ప్లిట్ రేర్​ సీట్​ ఉన్నాయి. ఇన్ఫోటైన్​మెంట్ సిస్టెమ్ వైర్ లెస్ యాపిల్ కార్​ప్లే, ఆండ్రాయిడ్ ఆటోతో కూడిన 10.1-ఇంచ్​ టచ్​స్క్రీన్ యూనిట్, స్టీరింగ్ మౌంటెడ్ ఆడియో కంట్రోల్స్, మల్టీ యుఎస్​బీ పోర్ట్​లు, 12వీ పవర్ అవుట్​లెట్ కూడా అందుబాటులో ఉన్నాయి.

వెనుక ప్రయాణీకుల కోసం రేర్​ ఏసీ వెంట్లు ఉన్నాయి. అదనపు సౌకర్యం కోసం వెనుక సీటును రిక్లైన్ చేయవచ్చు. 7 ఇంచ్​ డిజిటల్ డ్రైవర్ డిస్​ప్లే అవసరమైన సమాచారాన్ని అందిస్తుంది. కీలెస్ ఎంట్రీ, ఆటోమేటిక్ క్లైమేట్ కంట్రోల్ సౌలభ్యాన్ని పెంచుతాయి. క్రూయిజ్ కంట్రోల్, హిల్ స్టార్ట్, హిల్-డిసెంట్ అసిస్ట్, ఆరు ఎయిర్ బ్యాగులు, ఆల్-డిస్క్ బ్రేక్స్, ఎలక్ట్రానిక్ పార్కింగ్ బ్రేక్, ఎలక్ట్రానిక్ స్టెబిలిటీ కంట్రోల్, ఆటో హెడ్ ల్యాంప్స్, ఐసోఫిక్స్ చైల్డ్ సీట్ మౌంట్స్, రెయిన్ సెన్సింగ్ వైపర్స్ వంటి సేఫ్టీ ఫీచర్లు సైతం ఉన్నాయి.

ఎంజీ విండ్సర్ ఈవీ: ఎక్స్​క్లూజివ్

ఎంజీ విండ్సర్ ఈవీ ఎక్స్​క్లూజివ్ వేరియంట్.. ఎగ్జైట్​ వేరియంట్​లోని ఫీచర్స్​తో పాటు మరిన్ని ప్రీమియం ఫీచర్లతో వస్తుంది. డ్యాష్​బోర్డ్, డోర్ ప్యాడ్స్, 18 ఇంచ్​ డైమండ్ కట్ అల్లాయ్ వీల్స్, స్మార్ట్ ఫ్లష్ డోర్ హ్యాండిల్స్, లెదర్ సీట్లు, సాఫ్ట్ టచ్ ఫినిష్ ఉన్నాయి. 15.6 ఇంచ్​ టచ్​స్క్రీన్ ఇన్ఫోటైన్​మెంట్ సిస్టమ్, 8.8 ఇంచ్​ డిజిటల్ డ్రైవర్ డిస్​ప్లే, సిక్స్ వే అడ్జెస్టెబుల్ పవర్ డ్రైవర్ సీట్లు, వైర్​లెస్ ఫోన్ ఛార్జర్ వంటి ప్రత్యేకతలున్నాయి.

ఎంజీ విండ్సర్ ఈవీ ఎక్స్​క్లూజివ్ వేరియంట్​లో ఆటో ఫోల్డింగ్ ఓఆర్​వీఎంలు, కప్ హోల్డర్లతో కూడిన రేర్​ సెంటర్ ఆర్మ్ రెస్ట్, 360 డిగ్రీల కెమెరా, ఎల్​ఈడీ కార్నరింగ్ లైట్లు, టైర్ ప్రెజర్ మానిటరింగ్ సిస్టమ్ (టిపిఎంఎస్), ఆటో-డిమ్మింగ్ ఐఆర్​వీఎమ్, రేర్​ డీఫాగర్, కనెక్టెడ్ కార్ టెక్నాలజీ ఉన్నాయి.

ఎంజీ విండ్సర్ ఈవీ: ఎసెన్స్

ఇది ఎంజీ విండ్సర్ ఈవీ టాాప్​ ఎండ్​ వేరియంట్​. ఎక్స్​క్లూజివ్ ట్రిమ్​లోని ఫీచర్స్​తో పాటు ఎసెన్స్​లో మరిన్ని ఫీచర్స్​ ఉంటాయి. మల్టీ-కలర్ యాంబియంట్ లైటింగ్, ప్రీమియం నైన్ స్పీకర్ ఇన్ఫినిటీ ఆడియో సిస్టెమ్, పానోరమిక్ గ్లాస్​రూఫ్, వెంటిలేటెడ్ ఫ్రంట్ సీట్లు, క్యాబిన్ లోపల మెరుగైన ఎయిర్​ క్వాలిటీ కోసం ఎయిర్ ప్యూరిఫైయర్ ఉన్నాయి.