Maruti Suzuki price hike : మారుతీ సుజుకీ వాహనాల ధరల పెంపు.. నేటి నుంచే అమల్లోకి

Maruti Suzuki price hike : మారుతీ సుజుకీ వాహనాలు మరింత ప్రియంకానున్నాయి. గతంలో చెప్పినట్టుగానే.. వాహనాల ధరలను పెంచింది ఈ దేశీయ దిగ్గజ ఆటో సంస్థ. పెంచిన ధరలు నేటి నుంచే అమల్లోకి వస్తాయని ఓ ప్రకటన విడుదల చేసింది.

వాహనాల ధరలు ఎంత పెరిగాయంటే..

నూతన ఏడాది తొలి నెలలో వాహనాల ధరలను పెంచుతున్నట్టు.. డిసెంబర్​లోనే స్పష్టం చేసింది మారుతీ సుజుకీ. ఫలితంగా.. ఇవాలో, రేపో.. ధరల పెంపు ప్రకటన వస్తుందని మార్కెట్​ వర్గాలు భావించాయి. మొత్తానికి.. ధరల పెంపు విషయంపై ప్రకటన చేసేసింది మారుతీ సుజుకీ. మోడల్​పై వేరియంట్​కు తగ్గట్టు ధరలను గరిష్ఠంగా 1.1శాతం పెంచింది.

Maruti Suzuki price hike today : "ఖర్చుల తగ్గించుకునేందుకు సంస్థ చాలా కృషిచేసింది. కస్టమర్లపై ధరల భారం వేయాలని అనుకోలేదు. కానీ ద్రవ్యోల్బణం కారణంగా ముడిసరకు ధరలు భారీగా పెరగడంతో.. వాహనాల ధరలను పెంచక తప్పడం లేదు," అని గతంలోనే వెల్లడించింది మారుతీ సుజుకీ.

Mahindra Scorpio N ధరలు భారీగా పెరిగాయి. పూర్తి వివరాల కోసం ఇక్కడ క్లిక్​ చేయండి.

ప్యాసింజర్​ వెహికిల్​ సెగ్మెంట్​లో మారుతీ సుజుకీకి మంచి డిమాండ్​ ఉంది. అయితే.. టాటా మోటార్స్​, మహీంద్రా అండ్​ మహీంద్రా నుంచి ఈ సంస్థకు గట్టి పోటీ ఎదురవుతోంది. ఇంకా చెప్పాలంటే.. ఈ రెండు ఆటో సంస్థలతో పోల్చుకుంటే.. మారుతీ సుజుకీ కాస్త వెనకపడినట్టు మార్కెట్​లో అభిప్రాయాలు వ్యక్తమవుతున్నాయి.

Maruti Suzuki price hike news : టాటా మోటార్స్​, మహీంద్రా అండ్​ మహీంద్రా సంస్థలకు బలమైన ఎస్​యూవీ పోర్ట్​ఫోలియో ఉంది. కాగా.. మారుతీ సుజుకీ ఇప్పటికీ చిన్న కార్లపైనే ఆశలు పెట్టుకుంది. ఈ విషయాన్ని గ్రహించిన ఈ దేశీయ దిగ్గజ ఆటో సంస్థ.. చిన్న కార్లతో పాటు ఎస్​యూవీలపైనా దృష్టిసారించింది. బ్రెజా, గ్రాండ్​ విటారాలతో పాటు మరిన్ని ఎస్​యూవీలను తీసుకొచ్చేందుకు ఏర్పాట్లు చేస్తోంది. 5 డోర్​ జిమ్నీ, ఫ్రాంక్స్​ వంటి మోడల్స్​ను ఆటో ఎక్స్​పో 2023లో ప్రదర్శించింది. ఇవి త్వరలోనే ఇండియా రోడ్ల మీద అడుగుపెడతాయని అంచనాలు ఉన్నాయి.

ధైర్యం చేస్తున్న సంస్థలు..!

దేశంలోని ప్రముఖ ఆటో సంస్థలన్నీ.. ఒక్కొక్కటిగా వాహనాల ధరలను పెంచుతున్నాయి. మారుతీ సుజుకీతో పాటు టాటా మోటార్స్​ కూడా ఈ జాబితాలో చేరాల్సి ఉంది. రేపో, మాపో ప్రకటన వెలువడే సూచనలు కనిపిస్తున్నాయి. ఆర్డర్​ బుక్​ బలంగా ఉండటం, వాహనాలకు డిమాండ్​ పెరుగుతుండటంతో.. భారీగా ధరలను పెంచేందుకు ధైర్యం చేస్తున్నాయి ఆయా సంస్థలు. అందుకే.. గతేడాది భారీగా ధరలు పెంచడంతో పాటు 2023లోనూ ప్రైజ్​ హైక్​ తీసుకోవాలని చూస్తున్నాయి.