Alto 800 discontinued : ఆల్టో 800కు మారుతీ సుజుకీ గుడ్​ బై.. ప్రొడక్షన్​ నిలిపివేత..!-maruti suzuki alto 800 discontinued company halts production full details here ,బిజినెస్ న్యూస్
తెలుగు న్యూస్  /  Business  /  Maruti Suzuki Alto 800 Discontinued, Company Halts Production Full Details Here

Alto 800 discontinued : ఆల్టో 800కు మారుతీ సుజుకీ గుడ్​ బై.. ప్రొడక్షన్​ నిలిపివేత..!

Sharath Chitturi HT Telugu
Apr 01, 2023 11:58 AM IST

Maruti Suzuki Alto 800 discontinued : మారుతీ సుజుకీ ఆల్టో 800 ప్రొడక్షన్​ నిలిచిపోయింది. ఈ మోడల్​ను డిస్కంటిన్యూ చేయాలని సంస్థ నిర్ణయించుకున్నట్టు తెలుస్తోంది.

ఆల్టో 800కు మారుతీ సుజుకీ గుడ్​ బై.. ప్రొడక్షన్​ నిలిపివేత!
ఆల్టో 800కు మారుతీ సుజుకీ గుడ్​ బై.. ప్రొడక్షన్​ నిలిపివేత!

Maruti Suzuki Alto 800 discontinued : ఇండియా ఆటోమొబైల్​ మార్కెట్​లో ఓ వెలుగు వెలిగిన 'ఆల్టో 800'కు మారుతీ సుజుకీ గుడ్​ బై చెప్పేసినట్టు తెలుస్తోంది! ఈ మోడల్​ ప్రొడక్షన్​ ఇప్పటికే నిలిచిపోయినట్టు.. ఆల్టో 800ను సంస్థ డిస్కంటిన్యూ చేసేసినట్టు సమాచారం.

ట్రెండింగ్ వార్తలు

కారణాలు ఇవే..!

మారుతీ సుజుకీ పోర్ట్​ఫోలియోలోని హ్యాచ్​బ్యాక్​ మోడల్స్​లో ఈ ఆల్టో 800కి అత్యధిక సేల్స్​ నెంబర్లు ఉండేవి. కానీ.. బీఎస్​6 ఫేజ్​ 2 నార్మ్స్​కు తగ్గట్టుగా ఈ మోడల్​ను అప్​గ్రేడ్​ చేస్తే.. ఆర్థికపరమైన ఇబ్బందులు ఎదురవుతాయని మారుతీ సుజుకీ భావించినట్టు తెలుస్తోంది. అందుకే ప్రొడక్షన్​ను కూడా నిలిపివేసినట్టు సమాచారం.

Maruti Suzuki Alto 800 latest news : ఈ వ్యవహారంపై ఓ జాతీయ మీడియాతో మాట్లాడారు మారుతీ సుజుకీ మార్కెటింగ్​ అండ్​ సేల్స్​ సీనియర్​ ఎగ్జిక్యూటివ్​ ఆఫీసర్​ శశాంక్​ శ్రీవాస్తవ.

"ఆల్టో 800 ఒక ఎంట్రీ లెవెల్​ హ్యాచ్​బ్యాక్​ మోడల్​. ఈ సెగ్మెంట్​లో కార్యకలాపాలు, సేల్స్​ ప్రతియేటా తగ్గిపోతున్నాయి. మోడల్స్​ ధరలు పెరగడంతో వాల్యూమ్స్​ పడిపోయాయి. ధరలు పెరుగుతున్నంతగా.. కస్టమర్ల సంఖ్య పెరగడం లేదు. అదే సమయంలో ఆల్టో కే10కి మంచి డిమాండ్​ కనిపిస్తోంది. అందుకే ఆల్టో 800ని డిస్కంటిన్యూ చేయాలని నిర్ణయించుకున్నాము," అని శ్రీవాస్తవ వెల్లడించారు.

బై.. బై.. ఆల్టో 800..!

Maruti Suzuki Alto 800 : ఆల్టో 800 తప్పుకోవడంతో.. మారుతీ సుజుకీకి ఎంట్రీ లెవల్​ హ్యాచ్​బ్యాక్​ మోడల్​గా కే10 నిలువనుంది. దీని ఎక్స్​షోరూం ధర రూ. 3.99లక్షలు- రూ. 5.94లక్షల మధ్యలో ఉంటుంది. కాగా.. మారుతీ సుజుకీ ఆల్టో 800 ఎక్స్​షోరూం ధర రూ. 3.54లక్షలు- రూ. 5.13లక్షల మధ్యలో ఉండేది.

Maruti Suzuki Alto 800 on road price in Hyderabad : మారుతీ సుజుకీ ఆల్టో 800లో 796సీసీ పెట్రోల్​ ఇంజిన్​ ఉంటుంది. ఇది 48 పీఎస్​ పవర్​ను, 69 ఎన్​ఎం పీక్​ టార్క్​ను జనరేట్​ చేస్తుంది. 2000లో ఇది ఇండియాలో లాంచ్​ అయ్యింది. 2010 నాటికి.. మొత్తం మీద 18,00,000 ఆల్టో 800 యూనిట్స్​ అమ్ముడుపోయాయి. ఆ తర్వాత ఆల్టో కే10 ఇండియా ఆటోమొబైల్​ మార్కెట్​లోకి ఎంట్రీ ఇచ్చింది. ఆ సమయం నుంచి ఇప్పటివరకు.. 17,00,000 ఆల్టో 800 యూనిట్లను, 9,50,000 ఆల్టో కే10 కార్లను విక్రయించింది.

దేశప్రజలకు.. ముఖ్యంగా మధ్యతరగతి వారికి ఈ ఆల్టో 800తో ప్రత్యేక అనుబంధం ఉంది. ఎందరో ప్రజలు.. తమ తొలి కారుగా దీనిని కొనుగోలు చేశారు.

WhatsApp channel

సంబంధిత కథనం