Mahindra XUV 3XO : గంటలో 50వేల బుకింగ్స్​.. ఇదీ మహీంగ్స్​ ఎక్స్​యూవీ 3ఎక్స్​ఓ క్రేజ్​!-mahindra xuv 3xo registers over 50 000 bookings within 60 minutes ,బిజినెస్ న్యూస్
తెలుగు న్యూస్  /  బిజినెస్  /  Mahindra Xuv 3xo : గంటలో 50వేల బుకింగ్స్​.. ఇదీ మహీంగ్స్​ ఎక్స్​యూవీ 3ఎక్స్​ఓ క్రేజ్​!

Mahindra XUV 3XO : గంటలో 50వేల బుకింగ్స్​.. ఇదీ మహీంగ్స్​ ఎక్స్​యూవీ 3ఎక్స్​ఓ క్రేజ్​!

Sharath Chitturi HT Telugu
May 17, 2024 06:15 AM IST

Mahindra XUV 3XO bookings : మహీంద్రా కొత్త ఎస్​యూవీ.. ఎక్స్​యూవీ 3ఎక్స్​ఓకి అదిరిపోయే డిమాండ్​ కనిపిస్తోంది! బుకింగ్స్​ మొదలైన 60 నిమిషాల్లోనే.. ఏకంగా 50వేల బుకింగ్స్​ రావడం విశేషం.

మహీంద్రా ఎక్స్​యూవీ 3ఎక్స్​ఓ
మహీంద్రా ఎక్స్​యూవీ 3ఎక్స్​ఓ

Mahindra XUV 3XO price : ఇండియన్​ ఆటోమొబైల్​ మార్కెట్​ ఎస్​యూవీ సెగ్మెంట్​లో రారాజుగా కొనసాగుతున్న మహీంద్రా అండ్​ మహీంద్రా.. మరో హిట్​ కొట్టింది! మహీంద్రా ఎక్స్​యూవీ300కి ఫేస్​లిఫ్ట్​ వర్షెన్​గా లాంచ్​ చేసిన మహీంద్రా ఎక్స్​యూవీ 3ఎక్స్​ఓను కస్టమర్ల ఎగబడి కొంటున్నారు. బుకింగ్స్​ మొదలైన గంటకే.. 5ంవేలకుపైగా మంది కస్టమర్లు.. ఈ కొత్త ఎస్​యూవీని బుక్​ చేసుకోవడం విశేషం! అంటే ప్రతి సెకనుకు 833 యూనిట్లు బుక్ అయినట్టు అర్థం! ఇక మే 26 నుంచి ఈ ఎస్​యూవీ డెలివరీలు ప్రారంభంకానున్నాయి. మహీంద్రా ఇప్పటికే.. 10వేల ఎక్స్​యూవీ 3ఎక్స్​ఓ యూనిట్లను ఉత్పత్తి చేసిందని, సబ్ కాంపాక్ట్ ఎస్​యూవీ కోసం నెలకు 9,000 యూనిట్ల తయారీ సామర్థ్యాన్ని కలిగి ఉందని సమాచారం. వినియోగదారులు సంస్థ అధికారిక వెబ్​సైట్​ లేదా సంబంధిత డీలర్​షిప్​ ,షోరూమ్​కు వెళ్లి రూ .21,000 టోకెన్​ అమౌంట్​ని చెల్లించడం ద్వారా ఈ మహీంద్రా ఎక్స్​యూవీ 3ఎక్స్​ఓను బుక్ చేసుకోవచ్చు.

మహీంద్రా ఎక్స్​యూవీ 3ఎక్స్​ఓను తొమ్మిది వేరియంట్లలో అందిస్తోంది సంస్థ. వీటి ధర రూ.7.49 లక్షల నుంచి ప్రారంభమై రూ.15.49 లక్షల వరకు ఉంది. రెండు ధరలు ఎక్స్-షోరూమ్. టాటా నెక్సాన్, హ్యుందాయ్ వెన్యూ, కియా సోనెట్, మారుతీ సుజుకీ బ్రెజా, స్కోడా నుంచి రాబోయే సరికొత్త కాంపాక్ట్ ఎస్​యూవీలు.. ఎక్స్​యూవీ 3ఎక్స్​ఓ ప్రధాన ప్రత్యర్థులు.

మహీంద్రా ఎక్స్​యూవీ 3ఎక్స్​ఓ విశేషాలు..

Mahindra XUV 3XO on road price Hyderabad : దేశీయ తయారీదారు ఎక్స్​యూవీ 3ఎక్స్​ఓకు మూడు ఇంజిన్ ఆప్షన్స్​ ఇచ్చింది. 1.2-లీటర్ టర్బో పెట్రోల్ ఇంజిన్, 1.2-లీటర్ టర్బో పెట్రోల్ విత్ డైరెక్ట్-ఇంజెక్షన్ ఇంజిన్, 1.5-లీటర్ డీజిల్ ఇంజిన్ ఉన్నాయి.

స్టాండర్డ్​గా.. మూడు ఇంజిన్​లు 6-స్పీడ్ మ్యాన్యువల్ గేర్ బాక్స్​ను పొందుతాయి. డీజిల్ ఇంజిన్ మాత్రమే 6-స్పీడ్ ఏఎమ్​టీని పొందుతుంది. పెట్రోల్ ఇంజిన్లు ఇప్పుడు కొత్త 6-స్పీడ్ టార్క్ కన్వర్టర్ ఆటోమేటిక్ ట్రాన్స్మిషన్​తో వస్తాయి.

మహీంద్రా ఎక్స్​యూవీ 3ఎక్స్​ఓ ఎస్​యూవీకి కొన్ని సెగ్మెంట్-ఫస్ట్ ఫీచర్లను జోడించింది సంస్థ. తద్వారా ఇది సెగ్మెంట్లో పోటీని మరింత పెంచుతుంది. 360 డిగ్రీ పార్కింగ్ కెమెరా, డ్యూయెల్ జోన్ క్లైమేట్ కంట్రోల్, స్టీరింగ్ మోడ్స్, లెవల్ 2 ఏడీఏఎస్ వంటి ఫీచర్లు ఇందులో ఉన్నాయి.

‘మేము సిద్ధంగా ఉన్నాము..’

Mahindra XUV 3XO on road price : ఎం అండ్ ఎం లిమిటెడ్ ఆటోమోటివ్ డివిజన్ ప్రెసిడెంట్ వీజయ్ నక్రా మాట్లాడుతూ.. “ఎక్స్​యూవీ 3ఎక్స్ ఓ ప్రారంభించిన కొద్దిసేపటికే 50000 బుకింగ్​లను అందుకున్నట్లు ప్రకటించడానికి మేము చాలా గర్విస్తున్నాము, ఇది మా వినియోగదారులు మాపై ఉంచిన నమ్మకానికి నిదర్శనం. ఇటువంటి సృజనాత్మకత, అంచనాలకు మించి విలువను అందించడంలో మా నిబద్ధతను పునరుద్ఘాటిస్తుంది. 'ఎవ్రీథింగ్ యూ వాంట్ అండ్ మోర్' అందించడానికి రూపొందించిన ఎక్స్​యూవీ 3ఎక్స్​ఓ భవిష్యత్తు దిశగా ఒక ముఖ్యమైన ముందడుగు. ఈ అద్భుతమైన డిమాంట్​ని తీర్చడానికి, మా వినియోగదారులకు ఎక్స్​యూవీ 3ఎక్స్​ఓను డెలివరీ చేయడం ప్రారంభించడానికి మేము సిద్ధంగా ఉన్నాము,” అని చెప్పారు.

WhatsApp channel

సంబంధిత కథనం