Kia Seltos facelift : కియా సెల్టోస్​ ఫేస్​లిఫ్ట్​ వర్షెన్​.. ఆగస్ట్​లో లాంచ్​!

Kia Seltos facelift launch date India : 2023 మచ్​ అవైటెడ్​ వాహనాల్లో కియా సెల్టోస్​ ఫేస్​లిఫ్ట్​ వర్షెన్​ ఒకటి. ఇండియాలో కియా మోటార్స్​కు బెస్ట్​ సెల్లింగ్​ మోడల్​గా ఉన్న ఈ ఎస్​యూవీ లేటెస్ట్​ వర్షెన్​.. ఈ ఏడాది ఆగస్ట్​లో లాంచ్​ అవుతుందని తెలుస్తోంది. దేశవ్యాప్తంగా ఈ 2023 మోడల్​ బుకింగ్స్​ను సంస్థ ప్రారంభించింది. రూ. 25వేల రీఫండెబుల్​ టోకెన్​ అమౌంట్​తో సంస్థకు చెందిన డీలర్​షిప్​ షోరూమ్స్​లో ఈ కియా సెల్టోస్​ ఫేస్​లిఫ్ట్​ వర్షెన్​ను బుక్​ చేసుకోవచ్చు. ఈ నేపథ్యంలో ఈ మోడల్​పై ఇప్పటివరకు ఉన్న సమాచారాన్ని ఇక్కడ తెలుసుకుందాము..

కొత్త వర్షెన్​లో ఏముంటుంది..?

అప్డేటెడ్​ కియా సెల్టోస్​లో డిజైన్​ పరంగా పెద్దగా మార్పులు లేవు. కానీ లుక్​ మరింత బోల్డ్​గా మారింది. ఇందులో స్కల్ప్​టెడ్​ బానెట్​, క్రోమ్​ సరౌండెడ్​ టైగర్​ నోస్​ గ్రిల్​, ఇంటిగ్రేడెట్​ డీఆర్​ఎల్స్​తో కూడిన స్లీక్​ ఎల్​ఈడీ హెడ్​లైట్స్​, రివైజ్డ్​ బంపర్స్​, సిల్వర్డ్​ స్కిడ్​ ప్లేట్స్​, రూఫ్​ రెయిల్స్​, ఓఆర్​వీఎంలు, ఫ్లేర్డ్​ వీల్​ ఆర్చీస్​, డిజైనర్​ డ్యూయెల్​- టోన్​ అలాయ్​ వీల్స్​ వంటి ప్రీమియం ఫీచర్స్​ ఉన్నాయి.

ఇక రేర్​లో రూఫ్​ మౌంటెడ్​ స్పాయిలర్​, వ్రాప్​ అరౌండ్​ ఎల్​ఈడీ టెయిల్​లైట్స్​, షార్క్​ ఫిన్​ యాంటీనాలు వస్తున్నాయి.

2023 కియా సెల్టోస్​ ఫీచర్స్​ ఇవే..!

ఈ ఎస్​యూవీలోని 5 సీటర్​ కేబిన్​.. స్పెషియస్​గా ఉంటుంది. పానారోమిక్​ సన్​రూఫ్​, ఆటోమెటిక్​ క్లైమేట్​ కంట్రోల్​, వెంటిలేటెడ్​ ఫ్రెంట్​ సీట్స్​, కనెక్టెడ్​ కార్​ టెక్నాలజీ, మల్టీఫంక్షనల్​ స్టీరింగ్​ వీల్​, డ్యూయెల్​ 10.25 ఇంచ్​ స్క్రీన్​ సెటప్​ వంటివి వస్తున్నాయి.

ఇదీ చూడండి:- Honda Elevate vs Kia Seltos : ఎలివేట్​ వర్సెస్​ సెల్టోస్​.. స్పెసిఫికేషన్స్​లో ఏది బెస్ట్​?

6 ఎయిర్​బ్యాగ్స్​, ఏడీఏఎస్​ టెక్నాలజీతో పాటు ఇతర సేఫ్టీ ఫీచర్స్​ ఈ కియా సెల్టోస్​ ఫేస్​లిఫ్ట్​ వర్షెన్​ సొంతం.

ఇంజిన్​.. ధర..

త్వరలో లాంచ్​కానున్న 2023 కియా సెల్టోస్​ ఎస్​యూవీలో సరికొత్త 1.5 లీటర్​ టర్బో పెట్రోల్​ ఇంజిన్​, 1.5 లీటర్​ నేచురల్లీ ఆస్పిరేటెడ్​ పెట్రోల్​ ఇంజిన్​, 1.5 లీటర్​ సీఆర్​డీఐ డీజిల్​ ఇంజిన్​ ఉండే అవకాశం ఉంది. ఇవి.. 160 హెచ్​పీ పవర్​- 253 ఎన్​ఎం టార్క్​, 113.4 హెచ్​పీ పవర్​- 244 ఎన్​ఎం టార్క్​, 113.4 హెచ్​పీ పవర్​- 250 ఎన్​ఎం టార్క్​ను జనరేట్​ చేస్తాయి.

ఇక ఈ ఎస్​యూవీకి సంబంధించిన ధరతో పాటు ఇతర వివరాలు లాంచ్​ సమయంలో అందుబాటులోకి వచ్చే అవకాశం ఉంది. అయితే.. ఈ ప్రీమియం కారు ఎక్స్​షోరూం ధర రూ. 10.89లక్షలు- రూ. 19.65లక్షల మధ్యలో ఉండొచ్చని మార్కెట్​లో అంచనాలు ఉన్నాయి.

ఇక లాంచ్​ అనంతర 2023 కియా సెల్టోస్​.. హ్యుందాయ్​ క్రేటా, మారుతీ సుజుకీ గ్రాండ్​ విటారాకు గట్టిపోటీనిస్తుందని అంచనాలు ఉన్నాయి.