Jio New Year Welcome Plan: జియో నుంచి కొత్తగా ‘న్యూ ఇయర్ వెల్‌కమ్ ప్లాన్’.. ప్రయోజనాలు ఇవే..

Jio New Year Welcome Plan: పలు ఉత్తేజకరమైన ప్రయోజనాలతో రూ. 2025 ‘న్యూ ఇయర్ వెల్‌కమ్ ప్లాన్’ను జియో తీసుకువచ్చింది. రిలయన్స్ జియో తన వినియోగదారుల కోసం సాటిలేని విలువతో 2025 కిక్‌స్టార్ట్ చేయడానికి ప్రత్యేక ‘న్యూ ఇయర్ వెల్‌కమ్ ప్లాన్ రూ. 2025’ని ప్రారంభించింది. ఈ ప్లాన్ ను డిసెంబర్ 11, 2024 నుండి జనవరి 11, 2025 మధ్య రీచార్జ్ చేసినవారికి ప్రత్యేక ప్రయోజనాలు లభిస్తాయి.

జియో న్యూ ఇయర్ వెల్‌కమ్ ప్లాన్ వివరాలు

• ఈ ప్లాన్ ధర రూ. 2025.

• ఈ ప్లాన్ తో 200 రోజుల పాటు అపరిమిత 5G యాక్సెస్ లభిస్తుంది.

• 500 GB 4G డేటా (2.5 GB/రోజు) లభిస్తుంది.

• అపరిమిత వాయిస్ కాల్‌లు, SMSలు లభిస్తాయి.

• అదనంగా, రూ. 2150 విలువైన పార్ట్ నర్ కూపన్స్.

రూ.349తో సమానమైన నెలవారీ ప్లాన్‌తో పోలిస్తే, హై-స్పీడ్ కనెక్టివిటీ, ఆకర్షణీయమైన ఆదాతో రూ. 468 ల విలువైన ప్రయోజనాలను పొందవచ్చు.

ప్రత్యేక భాగస్వామి కూపన్లు

రూ. 2025 ప్లాన్ తో సబ్‌స్క్రైబ్ చేసుకున్నవారు రూ. 2150 విలువైన పార్ట్ నర్ కూపన్స్ లభిస్తాయి. వాటిని ఆయా స్టోర్స్ లేదా సైట్స్ లో రీడీమ్ చేసుకోవచ్చు. ఆ కూపన్స్ ఇవే..

1.రూ.500 AJIO కూపన్: అజియో లో రూ.2500 లేదా అంతకంటే ఎక్కువ కొనుగోళ్లపై రీడీమ్ చేసుకోవచ్చు.

2. Swiggyపై రూ. 150 తగ్గింపు: రూ. 499 ఆర్డర్‌పై రూ. 150 డిస్కౌంట్ కూపన్.

3. EaseMyTripపై రూ. 1500 తగ్గింపు: మొబైల్ యాప్ లేదా వెబ్‌సైట్ ద్వారా విమాన బుకింగ్‌లకు చెల్లుబాటు అవుతుంది.

ఈ ప్లాన్ కు లాస్ట్ డేట్

ఈ ఆఫర్ పరిమిత కాల వ్యవధిలో అందుబాటులో ఉంటుంది. డిసెంబర్ 11, 2024 నుండి జనవరి 11, 2025 వరకు ఈ ప్లాన్ అందుబాటులో ఉంటుంది. ఈ ప్రత్యేక ప్లాన్‌ను పొందేందుకు కస్టమర్‌లు Jio వెబ్‌సైట్, యాప్ లేదా అధీకృత రిటైలర్‌ల ద్వారా రీఛార్జ్ చేసుకోవచ్చు.