iOS 18 release date : ఈ ఐఫోన్స్కి మాత్రమే ఐఓఎస్ 18 అప్డేట్! లిస్ట్లో మీ గ్యాడ్జెట్ ఉందా?
ఇండియాలో ఐఓఎస్ 18 అప్డేట్పై కీలక అప్డేట్! ఈ ఐఓఎస్ 18 సోమవారం భారత కస్టమర్స్కి అందుబాటులోకి వస్తుంది. టైమ్తో పాటు ఏ గ్యాడ్జెట్స్లో ఈ సాఫ్ట్వేర్ని డౌన్లోడ్ చేసుకోవచ్చు? కొత్త సాఫ్ట్వేర్ ఫీచర్స్ ఏంటి? వంటి వివరాలను ఇక్కడ తెలుసుకోండి..
ఐఓఎస్ 18 కొత్త సాఫ్ట్వేర్ అప్డేట్ కోసం ఎదురుచూస్తున్న ఐఫోన్ కస్టమర్స్కి అలర్ట్. ఐఫోన్ 16 సిరీస్ లాంచ్ సమయంలో యాపిల్ సంస్థ ప్రకటించినట్టుగానే ఐఓఎస్ 18 అప్డేట్ సోమవారం లాంచ్ కానుంది. అయితే ఏ ఐఫోన్స్కి ఈ అప్డేట్ ఉంటుంది? అనేది తెలుసుకోవడం చాలా ముఖ్యం. దానితో పాటు సరికొత్త ఐఓఎస్ 18 ఫీచర్స్ వంటి వివరాలను ఇక్కడ తెలుసుకోండి..
ఇండియాలో ఐఓఎస్ 18 అప్డేట్ టైమ్..
ఐఫోన్ 16 సిరీస్ని ఈ నెల 9న యాపిల్ సంస్థ లాంచ్ చేసిన విషయం తెలిసిందే. కొత్త సిరీస్ లాంచ్ అయిన వారం రోజులకు సాఫ్ట్వేర్ అప్డేట్ రిలీజ్ అవుతుందని సంస్థ స్వయంగా ప్రకటించింది. ఫలితంగా ఇండియాలో కూడా సెప్టెంబర్ 16న ఐఓఎస్ 18 అప్డేట్ లాంచ్ అవుతుంది. భారతదేశంలోని ఐఫోన్ వినియోగదారులు సెప్టెంబర్ 16 రాత్రి 10:30 గంటలకు కొత్త ఐఓఎస్ 18 ను డౌన్లోడ్ చేసుకోవచ్చని తెలుస్తోంది. డబ్ల్యూడబ్ల్యూడీసీ 2024లో ఆవిష్కరించిన ఐఓఎస్ 18 జూన్ నుంచి డెవలపర్లు, బీటా టెస్టర్లకు అందుబాటులోకి వచ్చింది. ఇది కొత్త ఫీచర్లు, అనేక అప్డేట్స్తో వస్తోంది.
ఈ ఐఫోన్స్కి మాత్రమే ఐఓఎస్ 18 అప్డేట్..
ఐఫోన్ 15, ఐఫోన్ 15 ప్లస్, ఐఫోన్ 15 ప్రో మ్యాక్స్, ఐఫోన్ 14, ఐఫోన్ 14 ప్లస్, ఐఫోన్ 14 ప్రో, ఐఫోన్ 14 ప్రో మ్యాక్స్, ఐఫోన్ 13, ఐఫోన్ 13 మినీ, ఐఫోన్ 13 ప్రో, ఐఫోన్ 13 ప్రో మ్యాక్స్, ఐఫోన్ 12, ఐఫోన్ 12 మినీ, ఐఫోన్ 12 ప్రో, ఐఫోన్ 12 ప్రో మ్యాక్స్, ఐఫోన్ 11, ఐఫోన్ 11 ప్రో మ్యాక్స్, ఐఫోన్ ఎక్స్ఎస్, ఐఫోన్ ఎక్స్ఎస్ వంటి మోడళ్లు సెప్టెంబర్ 16 రాత్రి 10:30 గంటలకు భారతదేశంలో ఐఓఎస్ 18ని పొందుతాయి.
కొత్తగా లాంచ్ అయిన ఐఫోన్ 16 సిరీస్ ఏఐ ఆధారిత ఐఓఎస్ 18 ఆపరేటింగ్ సిస్టంపై పనిచేయనుంది.
ఐఓఎస్ 18 ఫీచర్స్ ఇవే..
హోమ్ స్క్రీన్ కస్టమైజేషన్: వినియోగదారులు తమకు కావాల్సిన చోట యాప్ ఐకాన్ల స్థానాన్ని మార్చుకునేలా యాపిల్ హోమ్ స్క్రీన్కు పలు కస్టమైజెబుల్ ఫీచర్లను ప్రవేశపెట్టింది. అంతేకాకుండా యూజర్లు తమ వాల్ పేపర్ లేదా కలర్ కాంట్రాస్ట్కు సరిపోయేలా యాప్ ఐకాన్ కలర్ను కూడా మార్చుకోవచ్చు.
కంట్రోల్ సెంటర్ కస్టమైజేషన్: ఐఓఎస్ 18తో ఐఫోన్ యూజర్లు తమ సౌలభ్యం, వినియోగం ఆధారంగా కొత్త కంట్రోల్స్ను యాక్సెస్ చేసుకోవచ్చు. అదనంగా, వినియోగదారులు మల్టిపుల్ పేజీలను కంట్రోల్ చేసేందుకు స్వైప్ ఫీచర్ వస్తోంది.
ప్రైవసీ ఫీచర్లు: యాపిల్ యాప్ లాక్ వంటి అధునాతన ప్రైవసీ కంట్రోల్స్ని ప్రవేశపెట్టింది సంస్థ. ఇది యూజర్ ఫేస్ ఐడి లేదా పాస్వర్డ్ ద్వారా మాత్రమే యాక్సెస్ చేయగలదు. ఇప్పుడు, వినియోగదారులు తమ సున్నితమైన యాప్స్ హైడ్ చేయవచ్చు లేదా వారి యాప్స్, ఇతర బ్లూటూత్-కనెక్టెడ్ పరికరాలకు సమాచార యాక్సెస్ని కంట్రోల్ నిర్వహించవచ్చు.
సరికొత్త ఐఓఎస్ 18 పూర్తి ఫీచర్స్ తెలుసుకునేందుకు ఇక్కడ క్లిక్ చేయండి.
