TVS Scooters : మీ భార్యకు స్కూటీ గిఫ్ట్ ఇవ్వాలనుకుంటే ఈ టీవీఎస్ స్కూటర్లపై ఓ లుక్కేయండి

మీ భార్యకు స్కూటీ గిఫ్ట్‌గా ఇవ్వాలని అనుకుంటున్నారా? అయితే ఇంకెందుకు ఆలస్యం ఏది ఇవ్వాలో తెలుసుకోండి. మీరు ఇచ్చే స్కూటీతో ఆమె ఫీదా అయిపోవాలి. మీరిద్దరూ కలిసి వెళ్తుంటే ఆమె హ్యాపిగా ఫీలవ్వాలి. అయితే ఏ స్కూటీ ఇవ్వాలా అని మీరు ఆలోచిస్తుంటే.. మీ కోసం కొన్ని ఆప్షన్స్ ఉన్నాయి. అందులో ఏదో ఒకటి ప్లాన్ చేయవచ్చు.

టీవీఎస్ మోటార్ భారతదేశంలో ప్రసిద్ధ ద్విచక్ర వాహన తయారీదారుగా గుర్తింపు పొందింది. దేశీయ మార్కెట్‌లో కంపెనీ వివిధ బైక్‌లు, స్కూటర్‌లను విక్రయిస్తోంది. సరసమైన ధరకే వీటిని కొనుగోలు చేసేందుకు అందుబాటులో ఉండడంతో అధిక సంఖ్యలో వినియోగదారులు కూడా ఆసక్తి చూపిస్తున్నారు. మీరు మీ భార్యకు స్కూటర్‌ను బహుమతిగా ఇవ్వాలనుకుంటే టీవీఎస్‌లో కొన్ని ఉన్నాయి. వాటి గురించి తెలుసుకోండి..

టీవీఎస్ స్కూటీ పెప్ ప్లస్

టీవీఎస్ స్కూటీ పెప్ ప్లస్ మహిళలకు ఇష్టమైన స్కూటర్. ఇది రూ.63,060 నుండి రూ.66,160 (ఎక్స్-షోరూమ్) ధర వద్ద కొనుగోలు చేయడానికి అందుబాటులో ఉంది. ఇది 5.43 PS పవర్, 6.5 Nm గరిష్ట టార్క్‌ను ఉత్పత్తి చేసే 87.8 cc పెట్రోల్ ఇంజన్‌ని కలిగి ఉంది. 50 kmpl వరకు మైలేజీని అందిస్తుంది.

కొత్త స్కూటీ పెప్ ప్లస్ స్కూటర్‌లో మంచి ఫీచర్లు ఉన్నాయి. ఇందులో హాలోజన్ హెడ్‌లైట్, LED డేటైమ్ రన్నింగ్ లైట్లు (DRL), అనలాగ్ ఇన్‌స్ట్రుమెంట్ కన్సోల్, సైడ్ స్టాండ్ అలారం ఉన్నాయి. భద్రత కోసం, ఇది డ్రమ్ బ్రేక్ ఎంపికను, 10-అంగుళాల అల్లాయ్ వీల్స్‌ను పొందుతుంది.

టీవీఎస్ జూపిటర్

మహిళలకు వాడేందుకు టీవీఎస్ జూపిటర్ 125 స్కూటర్ బాగుంటుంది. ఇది చాలా సరసమైన ధరలో వినియోగదారులకు అందుబాటులో ఉంది. వేరియంట్‌లను బట్టి దీని ధర రూ.89,155 నుండి రూ.99,805 ఎక్స్-షోరూమ్‌గా ఉంది. ఇది LED హెడ్‌ల్యాంప్, LED టెయిల్ ల్యాంప్, డిజిటల్ ఇన్‌స్ట్రుమెంట్ కన్సోల్, USB ఛార్జింగ్ వంటి అనేక ఫీచర్లు వస్తాయి.

ఈ TVS ​​జూపిటర్ స్కూటర్‌లో 124.8 cc సింగిల్-సిలిండర్ ఎయిర్-కూల్డ్ పెట్రోల్ ఇంజన్ కలదు. ఇది గరిష్టంగా 8.2 PS శక్తిని, 10.5 Nm గరిష్ట టార్క్‌ను విడుదల చేస్తుంది. ఇది 57.27 kmpl వరకు మైలేజీని ఇస్తుంది. భద్రత కోసం డిస్క్, డ్రమ్ బ్రేక్‌లను కలిగి ఉంది. ఇందులో 5.1 లీటర్ కెపాసిటీ గల ఇంధన ట్యాంక్ ఉంది.

టీవీఎస్ స్కూటీ జెస్ట్

TVS Scooty Zest చాలా సరసమైన ధరలో అందుబాటులో ఉంది. దీని ధర రూ.72,594 నుండి రూ.72,996 ఎక్స్-షోరూమ్‌గా నిర్ణయించారు. ఇందులో 109.7 cc పెట్రోల్ ఇంజన్ కలదు, ఇది 7.8 PS పవర్, 8.8 Nm గరిష్ట టార్క్‌ను ఉత్పత్తి చేస్తుంది. 48 kmpl వరకు మైలేజీని అందిస్తుంది.

TVS NTORQ 125

TVS NTORQ 125 విషయానికొస్తే దీని ధర రూ. 87,271 నుండి రూ. 1.08 లక్షల ఎక్స్-షోరూమ్‌గా ఉంది. ఇది 9.38 PS గరిష్ట శక్తిని, 10.6 Nm గరిష్ట టార్క్‌ను విడుదల చేసే 124.8 cc ఎయిర్-కూల్డ్ సింగిల్-సిలిండర్ పెట్రోల్ ఇంజన్‌ను పొందుతుంది. ఇది 47 kmpl మైలేజీని ఇస్తుంది.