Hyundai Grand i10 Nios facelift : హ్యుందాయ్​ గ్రాండ్​ ఐ10 నియోస్​ ఫేస్​లిఫ్ట్ వర్షెన్​ వచ్చేసింది!

Hyundai Grand i10 Nios facelift version unveiled : హ్యుందాయ్​ మోటార్​ జోరు మీద ఉంది. గ్రాండ్​ ఐ10 నియోస్​ హ్యాచ్​బ్యాక్​ మోడల్​కు ఫేస్​లిఫ్ట్​ వర్షెన్​ను తీసుకొచ్చింది. తన అధికారిక వెబ్​సైట్​లో ఈ ఫేస్​లిఫ్ట్​ వర్షెన్​ను ఆవిష్కరించింది ఈ కొరియన్​ ఆటోమేకర్​. బుకింగ్స్​ని కూడా ప్రారంభించేసింది. ఆన్​లైన్​లో రూ. 11వేల టోకెన్​ అమోంట్​తో ఈ 2023 హ్యుందాయ్​ గ్రాండ్​ ఐ10 నియోస్​ను బుక్​ చేసుకోవచ్చు. త్వరలో ప్రారంభంకానున్న 2023 ఆటో ఎక్స్​పోలో ఈ మోడల్​ను హ్యుందాయ్​ లాంచ్​ చేయనుంది.

గ్రాండ్​ ఐ10 నియోస్ ఫేస్​లిఫ్ట్​..

2023 గ్రాండ్​ ఐ10 నియోస్ ఫేస్​లిఫ్ట్​ వర్షెన్​​లో కొత్త ఫీచర్స్​ కనిపిస్తున్నాయి. సేఫ్టీ ఫీచర్స్​ కూడా పెరిగినట్టు తెలుస్తోంది. డిజైన్​ పరంగానూ కొన్ని మార్పులు చేసింది హ్యుందాయ్​. బ్లాక్​ రేడియేటర్​ గ్రిల్​, ఎల్​ఈడీ డీఆర్​ఎల్​లలో మార్పులు చూడవచ్చు. 15 ఇంచ్​ అలాయ్​ వీల్స్​ వచ్చాయి. కొత్తగా వచ్చిన టెయిల్​లైట్​ యూనిట్​ రిఫ్రెషింగ్​గా ఉంది.

Hyundai Grand i10 Nios facelift launch : గ్రాండ్​ ఐ10 నియోస్ ఫేస్​లిఫ్ట్​ వర్షెన్​ను మరిన్ని రంగుల్లో అందుబాటులో ఉంచనుంది హ్యుందాయ్​. స్పార్క్​ గ్రీన్​ సహా మొత్తం ఆరు ఆప్షన్లు ఇప్పుడు ఉన్నాయి. ఈ ఫేస్​లిఫ్ట్​ వర్షెన్​లో 1.2 లీటర్​ కప్పా పెట్రోల్​ ఇంజిన్​ ఉంటుంది. మేన్యువల్​, ఆటోమెటిక్​ ట్రాన్స్​మిషన్​ ఆప్షన్స్​ ఉన్నాయి. ఇది.. 83 పీఎస్​ పవర్​ను, 113.8 ఎన్​ఎం టార్క్​ను జనరేట్​ చేస్తుంది. మేన్యువల్​ గేర్​బాక్స్​తో సీఎన్​జీ వర్షెన్​ను కూడా ఆఫర్​ చేస్తోంది హ్యుందాయ్​. గ్రాండ్​ ఐ10 నియోస్​ సీఎన్​జీ వర్షెన్​.. 69 పీఎస్​ పవర్​ను, 95.2 ఎన్​ఎం టార్క్​ను జనరేట్​ చేస్తుంది.

2023 MG Hector facelift వర్షెన్​ పూర్తి వివరాల కోసం ఇక్కడ క్లిక్​ చేయండి.

ఇక ఇంటీరియర్​ విషయానికొస్తే.. కొత్త ఇన్​స్ట్రుమెంట్​ క్లస్టర్​, అడిషనల్​ యూఎస్​బీ- సీ ఛార్జింగ్​ పోర్ట్స్​, 8 ఇంచ్​ టచ్​స్క్రీన్​ ఇన్​ఫోటైన్​మెంట్​ డిస్​ప్లే, వయర్​లెస్​ ఛార్జింగ్​తో పాటు మరిన్ని ఫీచర్స్​ లభిస్తున్నాయి.

Hyundai Grand i10 Nios facelift price : గ్రాండ్​ ఐ10 నియోస్ ఫేస్​లిఫ్ట్​ వర్షెన్​లో క్రూయిజ్​ కంట్రోల్​, ఈఎస్​సీ, హిల్​ స్టార్ట్​ అసిస్ట్​ కంట్రోల్​, టైర్​ ప్రెజర్​ మానిటరింగ్​ సిస్టెమ్​ వంటివి కొత్తగా చేరాయి. 4 ఎయిర్​బ్యాగ్స్​ స్టాండర్డ్​గాను, 6 ఎయిర్​బ్యాగ్స్​ ఆప్షనల్​గాను ఇస్తోంది హ్యుందాయ్​. పిల్లల సేఫ్టీ కోసం రేర్​లో ఐఎస్​ఓఎఫ్​ఐఎక్స్​ ఫీచర్​ను అదనంగా జోడించింది ఈ దిగ్గజ ఆటో సంస్థ.

Grand i10 Nios 2023 : ఈ మోడల్​కు సంబంధించిన ధరతో పాటు పూర్తి వివరాలు.. కొన్ని రోజుల్లో అందుబాటులోకి వచ్చే అవకాశం ఉంది. ప్రస్తుతం.. హ్యుందాయ్​ గ్రాండ్​ ఐ10 నియోస్​ ధర రూ. 5.54లక్షలు- రూ. 8.55లక్షల (ఎక్స్​షోరూం) మధ్యలో ఉంది.