Auto Expo 2023 : ఆటో ఎక్స్​పో 2023కి సర్వం సిద్ధం.. డేట్స్​​, వెన్యూ వివరాలివే!

Auto Expo 2023 India : బైక్స్​, కార్స్​ ప్రియులను ఎంతగానో ఆకర్షించే ఈవెంట్​ "ఆటో ఎక్స్​పో 2023" త్వరలోనే ప్రారంభంకానుంది. దేశంలోని అనేక ఆటో సంస్థలు.. కొత్త కొత్త లాంచ్​లు, ఆవిష్కరణల కోసం అన్ని ఏర్పాట్లు పూర్తి చేసుకున్నాయి. దేశంలోనే అతిపెద్ద ఆటో ఈవెంట్​ డేట్స్​, వెన్యూతో పాటు పూర్తి వివరాలను ఇక్కడ తెలుసుకోండి.

ఏంటి ఈ ఆటో ఎక్స్​పో?

ఇండియాలో ఆటో ఎక్స్​పోను ప్రతి రెండేళ్లకోసారి నిర్వహిస్తారు. చివరిగా 2020లో ఆటో ఎక్స్​పో జరిగింది. కొవిడ్​ కారణంగా 2022లో జరగాల్సిన ఆటో ఎక్స్​పో ఈవెంట్​ వాయిదా పడింది. అంటే.. మూడేళ్ల తర్వాత వస్తున్న ఈ ఆటో ఎక్స్​పో 2023పై భారీ అంచనాలే ఉన్నాయి. అందుకు తగ్గట్టుగానే ఆటో సంస్థలు కూడా సిద్ధమవుతున్నట్టు తెలుస్తోంది.

Auto Expo 2023 dates : ఏసీఎంఏ(ఆటోమోటివ్​ కాంపోనెంట్స్​ మేన్యుఫ్యాక్చరింగ్​ అసోసియేషన్​ ఆఫ్​ ఇండియా), సీఐఐ (కాన్ఫెడరషన్​ ఆఫ్​ ఇండియన్​ ఇండస్ట్రీస్​) మద్దతుతో.. ఈ ఆటో ఎక్స్​పోను నిర్వహిస్తోంది ఎస్​ఐఏఎం (సొసైటీ ఆఫ్​ ఇండియన్​ ఆటోమొబైల్​ మేన్యుఫ్యాక్చర్స్​). 1986లో తొలి ఆటో ఎక్స్​పోను నిర్వహించారు. అంటే.. 2023 ఆటో ఎక్స్​పో అనేది 15వ ఎడిషన్​ అవుతుంది. వివిధ ఆటో సంస్థలు తమ లేటెస్ట్​, బెస్ట్​ మోడల్స్​తోపాటు.. భవిష్యత్తు కార్యచరణలు, ఆకర్షణీయమైన వేరియంట్​లను ఇక్కడ ప్రదర్శిస్తూ ఉంటాయి.

Auto Expo 2023 timings : 15వ ఆటో ఎక్స్​పో.. ఈ నెల 13 నుంచి 18 వరకు జరుగుతుంది. ఈసారి రెండు వేదికల్లో ఈ ఈవెంట్​ను నిర్వహిస్తున్నారు. ఆటో ఎక్స్​పో కాంపోనెంట్​ షో.. ప్రగతి మైదాన్​లో, ఆటో ఎక్స్​పో- మోటార్​ షో.. ఇండియా ఎక్స్​పో మార్ట్​ (గ్రేటర్​ నోయిడా)లో ఏర్పాటు చేశారు.

ఆటో ఎక్స్​పో 2023- టైమింగ్స్​, టికెట్​ ధర..

జనవరి 13:- ఉదయం 11 గంటల నుంచి రాత్రి 7 గంటల వరకు, ధర రూ. 750

జనవరి 14:- ఉదయం 11 గంటల నుంచి రాత్రి 8 గంటల వరకు, ధర రూ. 475

2023 Auto Expo details : జనవరి 15:- ఉదయం 11 గంటల నుంచి రాత్రి 8 గంటల వరకు, ధర రూ. 475

జనవరి 16:- ఉదయం 11 గంటల నుంచి రాత్రి 7 గంటల వరకు, ధర రూ. 350

జనవరి 17:- ఉదయం 11 గంటల నుంచి రాత్రి 7 గంటల వరకు, ధర రూ. 350

జనవరి 18:- ఉదయం 11 గంటల నుంచి సాయంత్రం 6 గంటల వరకు, ధర రూ. 350

ఆటో ఎక్స్​పో 2023 డిస్​ప్లే..

ఈ దఫా ఆటో ఎక్స్​పోలో ఎంయూవీలు/ఎస్​యూవీలు, టీ వీలర్​, 3 వీలర్​, స్పెషల్​ వెహికిల్స్​, కాన్సెప్ట్​ వెహికిల్స్​, కమర్షియల్​ వెహికిల్స్​, వింటేజ్​ కార్స్​, సూపర్​ కార్స్​, బైక్స్​, టైర్స్​- ట్యూబ్స్​, ఆటోమోటివ్​ డిజైన్స్​- టెక్నికల్​ కాన్సెప్ట్స్​, ఇంజినీరింగ్​- ఐటీ ఆటోమొబైల్​ కంపెనీస్​కు చెందిన పరికరాలు ప్రదర్శనకు వస్తాయి.

Auto Expo 2023 vehicles : ఈ ఆటోఎక్స్​పో 2023లో మారుతీ సుజుకీ, హ్యుందాయ్​ మోటార్​ ఇండియా, టాటా మోటార్​, టయోటా కిర్లోస్కర్​ మోటార్​, కియా ఇండియా, ఎంజీ మోటార్​ ఇండియా, రెనాల్ట్​కు చెందిన పలు మోడల్స్​ను ఆవిష్కరించనున్నారు. ఇంకొన్ని మోడల్స్​ లాంచ్​ అవుతాయి.

వీటితో పాటు అనేక ఎలక్ట్రిక్​ కార్లును కూడా ఆవిష్కరించనున్నారు. బీవైడీ ఇండియా, టార్క్​ మోటార్​, ఒకినావా ఆటోటెక్​, హీరో ఎలక్ట్రిక్​, లాగ్​9 మెటీరియల్​, ఈఎల్​మోటో, మాటర్​ మోటోవర్క్స్​తో పాటు మరికొన్ని సంస్థలు ఈ ఈవెంట్​లో పాల్గొననున్నాయి.