How to take care of car paint : మీ కారు పెయింట్​ను ఇలా జాగ్రతగా చూసుకోండి..

How to take care of car paint : కారు కొనడం అనేది చాలా మందికి ఓ కల. ఇక ఈ కలను సాకారం చేసుకునే సమయంలో.. బడ్జెట్​కు తగ్గట్టు రకరకాల ఆప్షన్స్​ చూస్తుంటారు. ఇంజిన్​ నుంచి కంఫ్టర్ట్​, సేఫ్టీ వరకు అన్ని విషయాలను ఆరా తీస్తారు. నచ్చిన రంగులో కారును తీసుకోవాలని ఆర్డర్​ ఇస్తారు. కాస్త లేట్​ అయినా ఫర్లేదు.. ఆ కలర్​ కారు వచ్చేంత వరకు వెయిట్​ చేసే వారు చాలా మందే ఉన్నారు. అంతా వచ్చాక.. కొన్ని రోజులకే కారు పెయింట్​ పోతో? ఫేడ్​ అయిపోతే? బాధపడక తప్పదు. పెయింట్​ వేయించడం భారీ ఖర్చుతో కూడుకున్న విషయం. మరి కారు పెయింట్​ను ఎలా జాగ్రత్తగా కాపాడుకోవాలి? అన్న విషయాన్ని ఇక్కడ తెలుసుకుందాము..

కారును తరచూ వాష్​ చేయండి..

కారును నీరు, వాష్​ సోప్​, స్పాంజ్​తో తరచూ కడగడం అన్నది పెయింట్​ను కాపాడుకోవడంలో ముఖ్యమైన విషయం. అంతేకాకుండా.. కారు హైజీన్​గా ఉండాలంటే కడుగుతూ ఉండాలి. కారును తరచూ శుభ్రం చేస్తే.. దాని మీద ఉన్న డస్ట్​, చెత్త, దుమ్ము, మట్టి పోతాయి. కారును వాష్​ చేసిన తర్వాత దానిని సరిగ్గా డ్రై కూడా చేయాలి. సాఫ్ట్​ మైక్రోఫైబర్​ టవెల్​తో డ్రై చేయాల్సి ఉంటుంది. అలా కాకుండా.. కారును కడిగి గాలికి వదిలేస్తే.. నీటిలోని మినరల్స్​..​ కారు మీద ఉండిపోతాయి. అవి పెయింట్​కి మంచిది కాదు!

వాక్సింగ్​ చేయండి..

Car paint protection : కారును వాష్​ చేసిన తర్వాత.. దానిని వాక్సింగ్​ చేయించండి. ఫలితంగా పెయింట్​ మీద దమ్ము, కాలుష్యం, నీరుతో పాటు హానికరమైన పదార్థాలు పడకుండా ప్రొటెక్షన్​ లభిస్తుంది. వాక్స్​ బాగా చేస్తే చిన్నపాటి స్క్రాచ్​లు కూడా కవర్​ అయిపోతాయి. సరైన టెక్నిక్​లు వాడి కొన్ని నెలలకి ఓసారి వాక్సింగ్​ చేస్తే మంచిది.

ఇదీ చదవండి:- Tips to improve car mileage : ఏ గేర్​లో నడిపితే కారు మైలేజ్​ పెరుగుతుంది?

సన్​లైట్​ తగలకుండా చూసుకోండి..

సూర్యుడి నుంచి వచ్చే యూవీ కిరణాలు.. మనిషి చర్మానికే కాదు.. కారు పెయింట్​కి కూడా మంచిది కాదు! అల్ట్రావాయలెంట్​ రేస్​ వల్ల ఆక్సిడైజ్​ అయ్యి పెయింట్​ ఫేడ్​ అయ్యే ప్రమాదం ఉంటుంది. ఫలితంగా.. కారు పాతదిగా కనిపిస్తుంది. అందుకే.. డైరక్ట్​ సన్​లైట్​లో కారును ఉంచకపోవడం శ్రేయస్కరం. నీడలో పార్కు చేయాలి. అలా జరగలేని పక్షంలో.. కారుకు కవర్​ కప్పేయాలి. ఈ విధంగా మీ కేబిన్​ కూడా చల్లగా ఉంటుంది.

సిరామిక్​ కోటింగ్​ వాడండి..

car paint protection tips : వాక్స్​కు ప్రత్యామ్నాయంగా సిరామిక్​ కోటింగ్​ను వాడొచ్చు. కారు పెయింట్​కు ఇది రక్షణ కల్పిస్తుంది. వాహనంపై వాక్స్​ కన్నా ఇది ఎక్కువ కాలం ఉండటం గమనార్హం. సరిగ్గా వాడితే ఇది ఏడాది కాలం వరకు ఉంటుంది. నాణ్యమైన సిరామిక్​ కోటింగ్​తో మీ కారు కొత్తగా కనిపిస్తుంది.

పెయింట్​ ప్రొటెక్షన్​ ఫిల్మ్​ని ఉపయోగించండి..

Car paint protection film : కారు పెయింట్​ను స్క్రాచ్​లు, సన్​లైట్​, ఇతర హానికరమైన పదార్థాల నుంచి కాపాడేందుకు పీపీఎఫ్​ (పెయింట్​ ప్రొటెక్షన్​ ఫిల్మ్​) ఉపయోగపడుతుంది. ఇది చాలా ఖర్చుతో కూడుకున్న వ్యవహారం. కానీ ఎఫెక్టివ్​గా ఉంటుంది. సిరామిక్​, వాక్స్​ కన్నా ఇది చాలా ఎక్కువ కాలం నడుస్తుంది. పైగా.. ప్రొఫెషనల్స్​ మాత్రమే దీనిని కారుకు వేయగలరు!