Honda Elevate SUV : ‘ఎలివేట్​’ ఎస్​యూవీని త్వరలోనే రివీల్​ చేయనున్న హోండా..!

Honda Elevate launch date : ఇండియాలో ఎస్​యూవీ సెగ్మెంట్​కు మంచి డిమాండ్​ కనిపిస్తోంది. ఈ డిమాండ్​ను అందిపుచ్చుకునేందుకు ఆటోమొబైల్​ సంస్థలు క్యూ కడుతున్నాయి. వివిధ ఎస్​యూవీ మోడల్స్​ను లాంచ్​ చేసి కస్టమర్లను ఆకర్షిస్తున్నాయి. ఇక ఇప్పుడు.. ప్రముఖ వాహన తయారీ సంస్థ హోండా కూడా ఓ కొత్త ఎస్​యూవీని ఇండియా మార్కెట్​లోకి తీసుకొస్తోంది. దీని పేరు ఎలివేట్​ అని ఇటీవలే ప్రకటించింది. వచ్చే నెల 6వ తేదీనా హోండా ఎలివేట్​ను ఆవిష్కరించనున్నట్టు సంస్థ తాజాగా ప్రకటించింది. ఈ మేరకు ఎస్​యూవీని పాక్షికంగా రివీల్​ చేసింది.

హోండా ఎలివేట్​ ఎస్​యూవీ..

హోండా ఎలివేట్​ ఎస్​యూవీ టీజర్​ను విడుదల చేసింది ఆటోమొబైల్​ సంస్థ. ఇందులో పానారోమిక్​ సన్​రూఫ్​ ఉండదని టీజర్​ త్వారా స్పష్టమైంది. రూఫ్​ రెయిల్స్​, షార్క్​ ఫిన్​ యాంటీనా, బాడీ కలర్డ్​ ఓఆర్​వీఎంలు కనిపిస్తున్నాయి. రేర్​లో ఎల్​ఈడీ స్ట్రిప్​ కనెక్టింగ్​ టెయిల్​లైట్స్​, ఎలివేట్​ బ్యాడ్జింగ్​ వంటివి వస్తాయి.

Honda Elevate SUV : హోండా ఎలివేట్​కు చెందిన డిజైన్​ను గతంలో షేర్​ చేసింది సంస్థ. లుక్స్​ చాలా షార్ప్​గా ఉన్నాయి. సీఆర్​-వీ మోడల్​ ఆధారంగా ఈ ఎస్​యూవీని తయారు చేస్తున్నట్టు తెలుస్తోంది. గ్రిల్​ భారీగా ఉండటంతో.. ఎస్​యూవీకి మస్క్యులర్​ లుక్​ వస్తుందని. అపియరెన్స్​ కూడా డైనమిక్​గా ఉంటుంది. ఈ ఎస్​యూవీలో 16 ఇంచ్​ మల్టీ స్పోక్​ అలాయ్​ వీల్స్​ ఉండనున్నాయి.

ఎలివేట్​కు సంబంధించిన ఇతర వివరాలను హోండా సంస్థ ఇంకా ప్రకటించలేదు. అయితే.. ఇండియా స్టాండర్డ్స్​కు తగ్గట్టు ఇందులో సరికొత్త ఫీచర్స్​ ఉంటాయని అంచనాలు ఉన్నాయి.

ఇదీ చదవండి:- Tata Punch EV news : ఇదిగో టాటా పంచ్​ ఈవీ.. 300కి.మీ రేంజ్​? లాంచ్​ ఎప్పుడు?

ఇంజిన్​ ఆప్షన్స్​ ఏంటి..?

Honda Elevate price in India : మరోవైపు ఎలివేట్​లో 1.5 లీటర్​ 4 సిలిండర్​ పెట్రోల్​ ఇంజిన్​ ఉంటుందని తెలుస్తోంది. న్యూ జనరేషన్​ హోండా సిటీలోనూ ఇదే ఇంజిన్​ ఉంది. ఈ ఇంజిన్​ 120 బీహెచ్​పీ పవర్​ను జనరేట్​ చేస్తుంది. ఇందులో హైబ్రీడ్​ వేరియంట్​ కూడా ఉండొచ్చు! టాప్​ ఎండ్​ మోడల్స్​కు ఏడీఏఎస్​ వంటి సేఫ్టీ ఫీచర్స్​ కూడా రావొచ్చు.

ఇండియా ఎస్​యూవీ సెగ్మెంట్​లో హోండా నుంచి ఎలాంటి మోడల్​ ప్రస్తుతం మార్కెట్​లో లేదు. ఎలివేట్​ ఆ సంస్థకు తొలి ఎస్​యూవీ కానుంది. సీఆర్​-వీ, డబ్ల్యూఆర్​-వీ మోడల్స్​ను ఇండియాలో డిస్కంటిన్యూ చేసింది హోండా. ఫలితంగా.. ఎస్​యూవీ సెగ్మెంట్​లో చోటు దక్కించుకోవాలని భావిస్తున్న సంస్థ.. ఈ ఎలివేట్​పై భారీ ఆశలు పెట్టుకుంది.

జూన్​ 6న జరిగే ఈవెంట్​లో హోండా ఎలివేట్​ను రివీల్​ చేయడంతో పాటు లాంచ్​ డేట్​ను కూడా సంస్థ ప్రకటించే అవకాశం ఉంది. ఇక లాంచ్​ తర్వాత ఈ ఎస్​యూవీ.. హ్యుందాయ్​ క్రేటా, కియా సెల్టోస్​, మారుతీ సుజుకీ గ్రాండ్​ విటారా వంటి మోడల్స్​కు గట్టిపోటీనిస్తుందని మార్కెట్​లో అంచనాలు ఉన్నాయి.