Maruti Suzuki Fronx bookings : ఫ్రాంక్స్​, జీమ్నీ- కొత్త ఎస్​యూవీలతో మారుతీ సుజుకీ హిట్​ కొట్టిందా?

Maruti Suzuki Fronx booking : ఎస్​యూవీ సెగ్మెంట్​లో తన బలాన్ని పెంచుకునేందుకు గత కొంతకాలంగా కృషిచేస్తోంది దేశీయ దిగ్గజ ఆటో సంస్థ మారుతీ సుజుకీ. శ్రమకు తగిన ఫలితం లభిస్తున్నట్టు కనిపిస్తోంది! ఆ సంస్థ ఇటీవలే ఆవిష్కరించిన మారుతీ ఫ్రాంక్స్​, మారుతీ జిమ్నీలకు మంచి డిమాండ్​ కనిపిస్తోంది. బుకింగ్స్​ పరంగా ఈ రెండు వాహనాలు దూసుకెళుతుండటం విశేషం.

ఎస్​యూవీ సెగ్మెంట్​ హిట్​..!

బ్రెజా, గ్రాండ్​ విటారా వంటి ఎస్​యూవీ మోడల్స్​ను ఇప్పటికే విక్రయిస్తోంది మారుతీ సుజుకీ. కాగా.. ఆటో ఎక్స్​పో 2023లో ఫ్రాంక్స్​, జిమ్నీ ఎస్​యూవీలను ఆవిష్కరించింది. అప్పటి నుంచి ఇప్పటివరకు మారుతీ సుజుకీ జిమ్నీకి 11వేలకుపైగా బుకింగ్స్​ వచ్చాయి. రోజుకు సుమారు 1000 బుకింగ్స్​ లభిస్తున్నట్టు సంస్థ చెప్పింది. ఇక మారుతీ ఫ్రాంక్స్​ను దాదాపు 4వేల మంది ఇప్పటికే బుక్​ చేసుకున్నట్టు స్పష్టం చేసింది.

Maruti Suzuki Jimny price : "జిమ్నీ, ఫ్రాంక్స్​కు గొప్ప డిమాండ్​ కనిపిస్తోంది. రోజుకు 1000 వరకు జిమ్మీకి బుకింగ్స్​ వస్తున్నాయి. జిమ్మీ బుకింగ్స్​ సంఖ్య 11వేలు దాటింది," అని మారుతీ సుజుకీ ఇండియా లిమిటెడ్​ మార్కెటింగ్​ అండ్​ సేల్స్​ సీనియర్​ ఎగ్జిక్యూటివ్​ ఆఫీసర్​ శశాంక్​ శ్రీవాస్తవ వెల్లడించారు.

డిమాండ్​తో పాటు వెయిటింగ్​ పీరియడ్​ కూడా!

మారుతీ జమ్నీ, మారుతీ ఫ్రాంక్స్​లు ఈ ఏడాదిలో లాంచ్​కానున్నాయి. అయితే.. ఇప్పటికే మారుతీ సుజుకీ ఆర్డర్​ బుక్​లో చాలా కార్లు పెండింగ్​లో ఉన్నాయి. ఇక కొత్త ఎస్​యూవీలకు లభిస్తున్న డిమాండ్​తో 'పెండింగ్​' ఇంకా ఎక్కువగా పెరగనుంది. ఫలితంగా పలు వాహనాల వెయిటింగ్​ పీరియడ్​ ఇంక పెరగొచ్చు!

Maruti Suzuki Fronx price : మారుతీ సుజుకీ ఫ్రాంక్స్​లో రెండు పెట్రోల్​ ఇంజిన్​ ఆప్షన్స్​, 5 వేరియంట్లు ఉంటాయి. 1.2 లీటర్​ పెట్రోల్​ యూనిట్​.. 6000 ఆర్​పీఎం వద్ద 88 బీహెచ్​పీ పవర్​ను, 113 ఎన్​ఎం పీక్​ టార్క్​ను జనరేట్​ చేస్తుంది. ఇందులో 5 స్పీడ్​ మేన్యువల్​ గేర్​బాక్స్​/ 5 స్పీడ్​ ఏఎంటీ ఉంటుంది. 1లీటర్​ బూస్టర్​ జెట్​ ఇంజిన్​.. 5500 ఆర్​పీఎం వద్ద 98 బీహెచ్​పీ పవర్​ను, 147 ఎన్​ఎం పీక్​ టార్క్​ను జనరేట్​ చేస్తుంది. ఇందులో 5 స్పీడ్​ మేన్యువల్​ గేర్​బాక్స్​ లేదా 6 స్పీడ్​ టార్క్​ కన్వర్టర్​ ఆటోమెటిక్​ ట్రాన్స్​మిషన్​ ఉంటుంది.

థార్​కు పోటీగా మారుతీ జిమ్నీ..

Maruti Suzuki Jimny price in Hyderabad : 5 డోర్​ జిమ్నీపై మారుతీ భారీగా ఆశలు పెట్టుకుంది. అందుకు తగ్గట్టుగానే డిమాండ్​ కనిపిస్తుండటం విశేషం. ఇందులో 1.5 లీటర్​ కే15బీ పెట్రోల్​ ఇంజిన్​ ఉంటుంది. ఇది 103 బీహెచ్​పీ పవర్​ను ,134ఎన్​ఎం టార్క్​ను జనరేట్​ చేస్తుంది. 5 స్పీడ్​ మేన్యువల్​ గేర్​బాక్స్​, 4 స్పీట్​ టార్క్​ కన్వర్ట్​ ఆటోమెటిక్​ ట్రాన్సిమిషన్​ ఉంటుంది. ఈ మారుతీ సుజుకీ జిమ్నీ.. మహీంద్రా థార్​కు గట్టిపోటీనిస్తుందని మార్కెట్​లో అంచనాలు ఉన్నాయి.

Maruti Jimny vs Mahindra Thar : మారుతీ జిమ్నీ వర్సెస్​ మహీంద్రా థార్​.. ది బెస్ట్​ ఏది? అన్న విషయం తెలుసుకునేందుకు ఇక్కడ క్లిక్​ చేయండి.