Citroen C3 Aircross price : సిట్రోయెన్​ సీ3 ఎయిర్​క్రాస్​ ధర ఎంతంటే..!

Citroen C3 Aircross price : సీ3 ఎయిర్​క్రాస్​ను ఇండియాలోకి​ తీసుకొచ్చేందుకు ప్రణాళికలు రచిస్తోంది సిట్రోయెన్​ సంస్థ. ఇదొక కాంపాక్ట్​ ఎస్​యూవీ! తాజాగా.. ఈ మోడల్​ బుకింగ్స్​ ప్రారంభమయ్యాయి. రూ. 25వేల టోకెన్​ అమౌంట్​తో.. ఈ సిట్రోయెన్​ సీ3 ఎయిర్​క్రాస్​ను సంస్థకు చెందిన డీలర్​షిప్​ షోరూమ్స్​లో బుక్​ చేసుకోవచ్చు. డెలివరీలు.. 2023 అక్టోబర్​ 15 నుంచి మొదలవుతాయని తెలుస్తోంది. ఈ నేపథ్యంలో ఈ మోడల్​ విశేషాలను ఇక్కడ తెలుసుకుందాము..

సిట్రోయెన్​ సీ3 ఎయిర్​క్రాస్​కి గట్టి పోటీ​..

ఇండియా ఆటోమొబైల్​ మార్కెట్​పై ఫోకస్​ చేసిన సిట్రోయెన్​ సంస్థ.. ఇప్పటికే సీ3, ఈసీ3 వంటి మోడల్స్​ను లాంచ్​ చేసింది. తాజాగా.. సి3 ఎయిర్​క్రాస్​ను ప్లాన్​ చేస్తోంది. ఈ ఎస్​యూవీలో ఉన్న 90శాతానికిపైగా ఫీచర్స్​ను దేశీయంగానే రూపొందించినట్టు సంస్థ వెల్లడించింది. ఇక ఈ సీ3 ఎయిర్​క్రాస్​కు మార్కెట్​లో గట్టిపోటీయే ఉంది. కియా సెల్టోస్​, హ్యుందాయ్​ క్రేటా, వోక్స్​వ్యాగన్​ టైగున్​, స్కోడా కుషాక్​, మారుతీ సుజుకీ గ్రాండ్​ విటారా, టయోటా అర్బన్​ క్రూజ్​ హైరైడర్​, హోండా ఎలివేట్​ వంటి మోడల్స్​ ఉన్న సెగ్మెంట్​లోనే ఈ సిట్రోయెన్​ వెహికిల్​ సైతం లాంచ్​ అవుతోంది.

"సిట్రోయెన్​ సీ3 ఎయిక్రాస్​ను ఈ ఏడాది ఏప్రిల్​లో రివీల్​ చేశాము. అప్పటి నుంచి దీనికి మంచి స్పందన లభిస్తోంది. ఇక ఇప్పుడు ప్రీ-బుకింగ్స్​ను ప్రారంభించాము. భారతీయుల అవసరాలను దృష్టిలో పెట్టుకుని ఈ మోడల్​ను రూపొందించాము. ఇది ప్రజలను ఆకర్షిస్తుందని నమ్మకంగా ఉంది," అని సిట్రోయెన్​ ఎండీ రోలాండ్​ బౌచర వెల్లడించారు.

ఇదీ చూడండి:- Maruti Suzuki Dzire : కాంపాక్ట్​ సెడాన్​ సెగ్మెంట్​లో 50శాతం మార్కెట్​ షేర్​ ఉన్న కారు ఇదే!

ఇక ఈ సిట్రోయెన్​ సీ3 ఎయిర్​క్రాస్​లో 10 ఇంచ్​ టచ్​స్క్రీన్​ ఇన్​ఫోటైన్​మెంట్​ సిస్టెమ్​, డిజిటల్​ ఇన్​స్ట్రుమెంట్​ కన్సోల్​, ఎలక్ట్రికల్లీ అడ్జెస్టెబుల్​ ఓఆర్​వీఎంలు, టీపీఎంఎస్​, రేర్​ వైపర్​ విత్​ వాషర్​, రివర్స్​ పార్కింగ్​ సెన్సార్స్​, 2-3 రోలకు రూఫ్​ మౌంటెడ్​ ఎయిర్​ కాన్​ వెంట్స్​, రేర్​ డీఫాగర్​ వంటివి వస్తున్నాయి. 6 ఎయిర్​బాగ్స్​ దీని సొంతం.

ఈ కాంపాక్ట్​ ఎస్​యూవీలో 2 సీటింగ్​ (5సీటర్​, 7 సీటర్​) కాన్ఫిగరేషన్​ ఉంది. ఇంజిన్​ మాత్రం.. ఈ రెండింటికీ ఒకటే! ఇందులో 1.2 లీటర్​ టర్బో పెట్రోల్​ ఇంజిన్​ ఉంటుంది. ఇది 1008 హెచ్​పీ పవర్​ను, 190ఎన్​ఎం టార్క్​ను జనరేట్​ చేస్తుంది.

ఈ మోడల్​ ధర ఎంతంటే..

ఈ సిట్రోయెన్​ సీ3 ఎయిర్​క్రాస్​ ప్రారంభ ఎక్స్​షోరూం ధర రూ. 9.99లక్షలుగా ఉంది. మోనోటోన్​, డ్యూయెల్​ టోన్​ సహా మొత్తం 10 రంగుల్లో ఈ ఎస్​యూవీ అందుబాటులో ఉండనుంది.