BMW India : 8 వారాలు- 8 కొత్త లాంచ్​లు! బీఎండబ్ల్యూ ఇండియా సూపర్​ ప్లాన్​!

BMW India : 2022.. బీఎండబ్ల్యూ ఇండియాకు కలిసి వచ్చింది! ఈ ఏడాది ఇండియాలో సంస్థ వ్యాపారం జోరందుకుంది. 2023లో కూడా దీనిని కొనసాగించేందుకు ఈ లగ్జరీ వాహనాల తయారీ సంస్థ ఇప్పటికే ప్రణాళికలు రచించింది. ఐ7 ఎలక్ట్రిక్​ సెడాన్​తో పాటు.. వచ్చే ఏడాదిలో వివిధ వాహనాలను లాంచ్​ చేసేందుకు సన్నద్ధమవుతోంది. రానున్న 8 వారాల్లో 8 ప్రాడక్ట్​లను లాంచ్​ చేయనున్నట్టు చెప్పింది.

2022లో కనిపించిన జోరు.. 2023లో కూడా కొనసాగుతుందా? అన్న ప్రశ్నకు.. 'కొనసాగుతుందన్న నమ్మకం మాకు ఉంది,' అని బదులిచ్చారు బీఎండబ్ల్యూ ఇండియా ప్రెసిడెంట్​ విక్రమ్​ పవాహ్​.

BMW India lineup : "దేశీయ వాహనాల మార్కెట్​ సానుకూల దశలో ఉంది. 2023లో కూడా ఇది కొనసాగవచ్చు. ఇంత కాలం కలలు కన్న కార్లను తీసుకునేందుకు కుటుంబాలు మొగ్గు చూపుతున్నాయి. అందుకే భవిష్యత్తులో కూడా అమ్మకాల జోరు ఉంటుందని ఆశిస్తున్నాము," అని విక్రమ్​ పవాహ్​ అన్నారు.

బీఎండబ్ల్యూ నుంచి ఇండియాకు తొలి ఎలక్ట్రిక్ స్కూటర్‌.. పూర్తి వివరాల కోసం ఇక్కడ క్లిక్​ చేయండి.

ద్రవ్యోల్బణం, వడ్డీ రేట్ల పెంపు వంటి ప్రతికూల అంశాలు ఉన్నప్పటికీ.. రానున్న రోజుల్లో కొత్త ప్రాడక్టుల లాంచ్​తో పరిస్థితులు మెరుగుపడతాయని ఆశాభావం వ్యక్తం చేశారు బీఎండబ్ల్యూ గ్రూప్​ ఇండియా ప్రెసిడెంట్​ విక్రమ్​ పవాహ్​.

BMW India new launches : 2022లో.. బీఎండబ్ల్యూతో పాటు మిని బ్రాండ్​ ప్రాడక్టులు 40శాతం(ఇయర్​ ఆన్​ ఇయర్​) వృద్ధి చెందినట్టు చెప్పారు విక్రమ్​. ఇప్పటికే బెస్ట్​ సేల్స్​ నెంబర్​ను నమోదుచేసినట్టు వివరించారు.

2018లో ఇండియాలో 10,405 వాహనాలను విక్రయించింది బీఎండబ్ల్యూ. సంస్థకు ఇండియాలో ఇప్పటివరకు ఇదే అత్యధిక నెంబర్​. గతేడాది 8,236 బీఎండబ్ల్యూలు, 640 మినీ యూనిట్​లను విక్రయించింది.

ఇక రానున్న ప్రాడక్ట్​లపై మాట్లాడుతూ.. 'బీఎండబ్ల్యూ ఎలక్ట్రిక్​ వెహికిల్​ పోర్ట్​ఫోలియో చాలా మెరుగ్గా ఉంది. రానున్న 8 వారాల్లో పోర్ట్​ఫోలియోను మరింత శక్తివంతంగా తీర్చిదిద్దుతాము. వచ్చే ఏడాది తొలినాళ్లల్లోనే ఐ7 ఎలక్ట్రిక్​ వాహనాన్ని లాంచ్​ చేసేందుకు ప్రయత్నిస్తున్నాము,' అని బీఎండబ్ల్యూ గ్రూప్​ ఇండియా ప్రెసిడెంట్​ విక్రమ్​ పవాహ్ అన్నారు.

ఇండియాలో బీఎండబ్ల్యూ ఎక్స్​ఎం లాంచ్..

BMW XM launch in India : ఇండియా మార్కెట్​లోకి మరో బీఎండబ్ల్యూ వాహనం అడుగుపెట్టింది. ఫ్లాగ్​షిప్​ ఎస్​యూవీ బీఎండబ్ల్యూ ఎక్స్​ఎం ఇటీవలే లాంచ్​ అయ్యింది. దీని ఎక్స్​షోరూం ధర రూ. 2.60కోట్లుగా ఉంది. 'ఎం' బ్రాండ్​ నుంచి వస్తున్న రెండో స్టాండెలోన్​ మోడల్​గా ఈ బీఎండబ్ల్యూ ఎక్స్​ఎం గుర్తింపు పొందింది. తొలి వాహనం ఎం1.. 1978లో లాంచ్​ అయ్యింది. ఇక ప్లగ్​-ఇన్​ హైబ్రీడ్​ టెక్నాలజీతో ఎం బ్రాండ్​ నుంచి వస్తున్న తొలి వాహనం ఈ బీఎండబ్ల్యూ ఎక్స్​ఎం. పూర్తి వివరాల కోసం ఇక్కడ క్లిక్​ చేయండి.