BMW S 1000 RR : బీఎండబ్ల్యూ నుంచి మరో స్పోర్ట్స్​ బైక్​.. ధర ఎంతంటే..!

BMW S 1000 RR : బీఎండబ్ల్యూ ఎస్​ 1000 ఆర్​ఆర్​ బైక్​ను ఇండియాలో లాంచ్​ చేసింది బీఎండబ్ల్యూ మోటారాడ్​. ఈ ఫ్లాగ్​షిప్​ స్పోర్ట్స్​ బైక్​ ధర రూ. 20.25లక్షలు- రూ. 24.45లక్షల(ఎక్స్​షోరూం) మధ్యలో ఉంటుంది. గతంలో ఉన్న వర్షెన్స్​తో పోల్చుకుంటే.. ఈ 2023 బీఎండబ్ల్యూ ఎస్​ 1000 ఆర్​ఆర్​ బైక్​ను మరింత పవర్​ఫుల్​గా తీర్చిదిద్దారు. ఈ స్పోర్ట్స్​ బైక్​కు కాస్మొటిక్​ పరమైన మార్పులు చేయడంతో పాటు ఎయిరోడైనమిక్​ అప్డేట్స్​ కూడా ఇచ్చారు. పైగా.. స్టాండర్డ్​, ప్రో, ప్రో ఎం స్పోర్ట్​  వంటి మూడు వేరియంట్లలో ఈ బైక్​ లభిస్తోంది.

ఇక బీఎండబ్ల్యూ ఎస్​ 1000 ఆర్​ఆర్ ఇంజిన్​ విషయానికొస్తే.. ఇందులో 999 సీసీ, ఇన్​ లైన్​ 4 సిలిండర్​ ఉంటుంది. ఇది 13,750 ఆర్​పీఎం వద్ద 206బీహెచ్​పీ పవర్​ను, 113ఎన్​ఎం టార్క్​ను జనరేట్​ చేస్తుంది. ఈ బైక్​ 14,600 ఆర్​పీఎం వరకు కూడా వెళ్లగలదు. ఇంటేక్​ ఫన్నెల్స్​ డిజైన్​లో మార్పులు చేసి.. పవర్​ ఔట్​పుట్​ను పెంచారు. ఇందులో బీఎండబ్ల్యూ షిఫ్ట్​క్యామ్​ టెక్నాలజీ కూడా ఉంటుంది.

BMW S 1000 RR price : కాస్మొటిక్​ పరంగా బీఎండబ్ల్యూ ఎస్​ 1000 ఆర్​ఆర్​కు కొత్త లివెరీస్​ వచ్చాయి. 10కేజీల డౌన్​ఫోర్స్​ను జనరేట్​ చేయగలిగే వింగ్లెట్స్​ను ఏర్పాటు చేశారు. ఇక రేర్​ సెక్షన్​ విషయానికొస్తే.. బైక్​ను రీడిజైన్​ చేసినట్టుగా ఉంటుంది. స్పోర్టీ లుక్​ వస్తోంది. నెంబర్​ ప్లేట్​ హోల్డర్​ మరింత చిన్నగా ఉంది. యాక్ససరీస్​లో భాగంగా హంప్​ కవర్​, ఎండ్యూరెన్స్​ సీట్​ను ఇస్తోంది సంస్థ.

ఈ బీఎండబ్ల్యూ ఎస్​ 1000 ఆర్​ఆర్​లో యూఎస్​బీ ఛార్జింగ్​ సాకెట్​, ఎం బ్యాటరీ వస్తాయి. ఇందులో 6.5ఇంచ్​ టీఎఫ్​టీ స్క్రీన్​ ఉంటుంది. లెఫ్ట్​ హ్యాండిల్​ బార్​పై ఉన్న మల్టీ కంట్రోలర్​తో టీఎఫ్​టీ స్క్రీన్​ను ఆపరేట్​ చేయవచ్చు. ఇందులో ఏబీఎస్​ ప్రో, బ్రేక్​ స్లైడ్​ అసిస్ట్​, స్లిక్​ సెట్టింగ్​ ఫంక్షన్స్​ కూడా వస్తున్నాయి.

బీఎండబ్ల్యూ ఎక్స్​ఎం..

BMW XM price in India : బీఎండబ్ల్యూ ఎస్​ 1000 ఆర్​ఆర్​తో పాటు ఎక్స్​ఎం ఎస్​యూవీని కూడా లాంచ్​ చేసింది లగ్జరీ వాహనాల తయారీ సంస్థ. దీని ఎక్స్​షోరూం ధర రూ. 2.60కోట్లుగా ఉంది. 'ఎం' బ్రాండ్​ నుంచి వస్తున్న రెండో స్టాండెలోన్​ మోడల్​గా ఈ బీఎండబ్ల్యూ ఎక్స్​ఎం గుర్తింపు పొందింది. తొలి వాహనం ఎం1.. 1978లో లాంచ్​ అయ్యింది. ఇక ప్లగ్​-ఇన్​ హైబ్రీడ్​ టెక్నాలజీతో ఎం బ్రాండ్​ నుంచి వస్తున్న తొలి వాహనం ఈ బీఎండబ్ల్యూ ఎక్స్​ఎం. పూర్తి వివరాల కోసం ఇక్కడ క్లిక్​ చేయండి.