Personal loan interest rates : పర్సనల్​ లోన్​పై వడ్డీ రేట్లు- ఏ బ్యాంకులో ఎలా ఉన్నాయి?

డబ్బు అవసరం ఉండి మీరు పర్సనల్​ లోన్​ తీసుకోవాలని చూస్తున్నారా? అయితే ఇది మీకోసమే! పర్సనల్​ లోన్​ వడ్డీ రేటు అనేది ఒక్కో బ్యాంక్​లో ఒక్కో విధంగా ఉంటుంది. ఈ నేపథ్యంలో ప్రస్తుతం, దేశంలోని వివిధ ముఖ్యమైన బ్యాంకులు పర్సనల్​ లోన్​పై తీసుకుంటున్న వడ్డీ రేట్ల వివరాలను ఇక్కడ తెలుసుకోండి..

పర్సనల్​ లోన్​పై బ్యాంకులు వసూలు చేసే వడ్డీ రేట్లు ఇవే..

ఎస్​బీఐ: అతిపెద్ద ప్రభుత్వ రంగ బ్యాంకు ఎస్​బీఐలో శాలరీ అకౌంట్ ఉన్నవారికి 12.60 శాతం నుంచి 14.60 శాతం, 11.45 శాతం నుంచి 11.95 శాతం మధ్య వడ్డీ రేటును వసూలు చేస్తుంది.

హెచ్​డీఎఫ్​సీ బ్యాంక్: అతిపెద్ద ప్రైవేట్ రుణదాత వ్యక్తిగత రుణాలపై 10.85 శాతం నుంచి 24 శాతం వరకు వడ్డీని వసూలు చేస్తుంది. రుణంపై ప్రాసెసింగ్ ఛార్జీలు రూ .6,500 + దానిపై జీఎస్​టీ కూడా ఉంటుంది.

ఐసీఐసీఐ బ్యాంక్: ఈ ప్రైవేట్ బ్యాంక్ ఏడాదికి 10.85 నుంచి 16.25 శాతం వరకు వసూలు చేస్తుంది.

(మూలం: సంబంధిత బ్యాంకు వెబ్​సైట్లు)

ఫెడరల్ బ్యాంక్: ప్రైవేట్ రుణదాత ఫెడరల్​ బ్యాంక్​ తన వ్యక్తిగత రుణాలపై 11.49 నుంచి 14.49 శాతం వరకు వసూలు చేస్తుంది.

కోటక్ మహీంద్రా బ్యాంక్: ఇది వ్యక్తిగత రుణాలపై 10.99 శాతం నుంచి 16.99 శాతం వరకు వడ్డీ రేటును వసూలు చేస్తుంది.

పంజాబ్ నేషనల్ బ్యాంక్ (పీఎన్​బీ): పర్సనల్ లోన్ వడ్డీ రేటు ఏడాదికి 12.5 నుంచి 14.50 శాతం మధ్య ఉంటుంది.

యాక్సిస్ బ్యాంక్: ఇది సంవత్సరానికి 10.49 నుంచి 22.50 శాతం వరకు వసూలు చేస్తుంది.

పర్సనల్​ లోన్​ తీసుకోవాలా? గోల్డ్​ లోన్​ తీసుకోవాలా?

మార్కెట్​లో చాలా రకాల లోన్స్​ అందుబాటులో ఉన్నాయి. వాటిల్లో పర్సనల్​ లోన్​, గోల్డ్​ లోన్​ ముఖ్యమైనవి. మరి ఈ రెండింటిలో ఏది ఎంచుకోవాలి? ఏది పిక్​ చేసుకుంటే మనకి లాభం చేకూరుతుంది?

వడ్డీ రేట్లు:- సాధారణంగా గోల్డ్ లోన్​ని తక్కువ వడ్డీ రేటుకు (9-10 శాతం) అందిస్తారు. కానీ పర్సనల్ లోన్ వడ్డీ రేట్లు 11 నుంచి 18 శాతం వరకు ఉంటాయి. పూర్తి వివరాల కోసం ఇక్కడ క్లిక్​ చయండి.