ఇండియాలో నెం.1 ఫ్యామిలీ ఎలక్ట్రిక్​ స్కూటర్​ ధర పెరుగుతోంది- ముందే కొంటే డబ్బులు ఆదా!

ఇండియాలో బెస్ట్​ సెల్లింగ్​ ఫ్యామిలీ ఎలక్ట్రిక్​ స్కూటర్​గా కొనసాగుతోంది ఏథర్​ రిజ్టా. 2024 తొలినాళ్లల్లో లాంచ్​ అయిన ఈ ఈ-స్కూటర్​ ధరలను తొలిసారి పెంచుతోంది సంస్థ. జనవరి 1, 2025 నుంచి కొత్త రిజ్టా ధర పెరుగుతుందని డీలర్లు హెచ్​టీ ఆటోకు స్పష్టం చేశారు. ప్రస్తుత ధరల కంటే రూ.5,000 నుంచి 6,000 వరకు పెరిగే అవకాశం ఉందని వివరించారు. ప్రస్తుతం మార్కెట్​లో ఏథర్​ రిజ్టా ఎలక్ట్రిక్​ స్కూటర్​ రూ .1.10 లక్షలు- రూ .1.46 లక్షల (ఎక్స్-షోరూమ్) మధ్యలో ఉంది. ధరల పెంపునకు ముందే కొనుగోలు చేస్తే డబ్బులు ఆదా చేసుకోవచ్చు. ఈ నేపథ్యంలో ఈ వెహికిల్​ ఫీచర్స్​, రేంజ్​ వంటి వివరాలను ఇక్కడ తెలుసుకోండి..

ఏథర్ రిజ్టా బ్యాటరీ- రేంజ్​..

ఏథర్ రిజ్టా మూడు వేరియంట్లలో లభిస్తుంది. అవి.. ఎస్, జెడ్ (2.9 కిలోవాట్), జెడ్ (3.7 కిలోవాట్). రిజ్టా ఎస్, జెడ్ వేరియంట్లలోని 2.9 కిలోవాట్ల బ్యాటరీ ప్యాక్​ను ఒక్కసారి ఛార్జ్ చేస్తే 123 కిలోమీటర్లు (ఐడీసీ) రేంజ్​ని ఇస్తాయి. టాప్-స్పెక్ రిజ్టా జెడ్ ఎలక్ట్రిక్​ స్కూటర్​ 159 కిలోమీటర్ల (ఐడీసీ) రేంజ్​తో 3.9 కిలోవాట్ల బ్యాటరీ ప్యాక్ పొందుతుంది. 5.7 బీహెచ్​పీ పవర్​ని, 22 ఎన్​ఎం టార్క్​ని జనరేట్​ చేయగలిగే 4.3 కిలోవాట్ల మోటర్​ ఇందులో ఉంటుంది.

ఇక ఈ ఏథర్​ రిజ్టా ఫ్యామిలీ ఎలక్ట్రిక్​ స్కూటర్​ 0-40 కిలోమీటర్ల వేగాన్ని 4.7 సెకన్లలో అందుకుంటుంది. అన్ని వేరియంట్లలో టాప్​ స్పీడ్​ గంటకు 80 కిలోమీటర్లు.

ఏథర్ రిజ్టా ఫీచర్స్​..

కుటుంబ సభ్యులందరి అవసరాలకు అనుగుణంగా ఏథర్ రిజ్టాను రూపొందించడం జరిగింది. సెగ్మెంట్లోనే పొడవైన సీటుతో విశాలమైన స్కూటర్​గా ఇది గుర్తింపు తెచ్చుకుంది. ఇది పెద్ద 34 లీటర్ల అండర్-సీట్ స్టోరేజ్ స్పేస్​ని కూడా పొందుతుంది. అయితే యాక్సెసరీ స్టోరేజ్ సామర్థ్యం 22 లీటర్లుగా ఉంది. ఈ-స్కూటర్ రెండు వైపులా 12 ఇంచ్​ అల్లాయ్ వీల్స్​ని పొందింది.

ఎస్ ట్రిమ్​లో 7 ఇంచ్​ ఎల్​సీడీ స్క్రీన్, హై జెడ్ వేరియంట్లలో 7 ఇంచ్​ టీఎఫ్​టీ డిస్​ప్లే అందుబాటులో ఉన్నాయి. ఈ రెండింటికీ బ్లూటూత్ కనెక్టివిటీ, టర్న్ బై టర్న్ నావిగేషన్ లభిస్తాయి. ఎలక్ట్రిక్ స్కూటర్ వాట్సాప్ నోటిఫికేషన్లు, అలెక్సా వాయిస్ అసిస్టెన్స్​తో పాటు మరెన్నో కీలక ఫీచర్స్​ ఉన్నాయి. 

రిజ్టా ఎలక్ట్రిక్​ స్కూటర్​లోని ఇతర ఫీచర్లలో స్కిడ్ కంట్రోల్ ఉంది. ఇది అవసరమైన ట్రాక్షన్ కంట్రోల్, టాప్ వేరియంట్​లో మ్యాజిక్ ట్విస్ట్ ఫీచర్ మరింత నియంత్రిత రీజనరేటివ్​ బ్రేకింగ్​ని తీసుకువస్తుంది. ప్రీమియం ఫీచర్లు రూ.13,000 నుంచి రూ.20,000 వరకు ఉన్న ప్రో ప్యాక్​ ద్వారా లభిస్తాయి.

టీవీఎస్ ఐక్యూబ్, ఓలా ఎస్ 1 ప్రో, బజాజ్ చేతక్ వంటి ఎలక్ట్రిక్​ స్కూటర్స్​కి ఈ ఏథర్​ రిజ్టా గట్టి పోటీనిస్తోంది. వీటన్నింటికీ, రాబోయే హోండా యాక్టివా ఎలక్ట్రిక్​ స్కూటర్​ నుంచి తీవ్ర పోటీ తప్పదని మార్కెట్​ వర్గాలు భావిస్తున్నాయి. మరీ ఈ సమయంలో ఏథర్​ సంస్థ రిజ్టా ధరలను పెంచడం గమనార్హం.