Volkswagen Taigun facelift : వోక్స్​వ్యాగన్​ టైగన్​ ఫేస్​లిఫ్ట్​ వర్షెన్​.. వచ్చేస్తోంది!

2024 Volkswagen Taigun : ఇండియన్​ రోడ్ల మీద వోక్స్​వ్యాగన్​ టైగన్​ రెండేళ్లుగా సక్సెస్​ఫుల్​గా పరుగులు పెడుతోంది. ఇక ఇప్పుడు.. ఈ మోడల్​కు ఫేస్​లిఫ్ట్​ వర్షెన్​ను తీసుకొచ్చేందుకు ఈ జర్మన్​ సంస్థ ప్రణాళికలు రచిస్తున్నట్టు తెలుస్తోంది. 2024 వోక్స్​వ్యాగన్​ టైగన్​ మోడల్​.. ఇప్పటికే టెస్ట్​ డ్రైవ్​ దశలో ఉన్నట్టు సమాచారం.

2024 వోక్స్​వ్యాగన్​ టైగన్ ఇలా..!

2021లో టైగన్​ను ఇండియాలో లాంచ్​ చేసింది వోక్స్​వ్యాగన్​ సంస్థ. ఎంక్యూబీ-ఏఓ-ఐఎన్​ ప్లాట్​ఫామ్​ మీద రూపొందించింది. ఇండియా 2.0 స్ట్రాటజీలో భాగంగా టైగన్​ను తీసుకొచ్చింది. ఈ ఎస్​యూవీకి గ్లోబల్​- ఎన్​సీఏపీ క్రాష్​ టెస్ట్​లో 5 స్టార్​ రేటింగ్​ దక్కింది. ఇక ఇప్పుడు దీని ఫేస్​లిఫ్ట్ వర్షెన్​ రాబోతోంది.

Volkswagen Taigun facelift : 2024 వోక్స్​వ్యాగన్​ టైగన్​లో డిజైన్​ ప్రస్తుత మోడల్​లానే ఉండే అవకాశం ఉంది. పెద్దగా మార్పులు ఉండకపోవచ్చు. ఇందులో రీడిజైన్డ్​ బంపర్స్​, మస్క్యులర్​ బానెట్​, స్లీక్​ గ్రిల్​, ప్రాజెక్టర్​ ఎల్​ఈడీ హెడ్​లైట్స్​, స్కిడ్​ ప్లేట్స్​, రూఫ్​ రెయిల్స్​, ఓఆర్​వీఎంలు, ఫ్లేర్డ్​ వీల్​ ఆర్చీస్​, డిజైనర్​ అలాయ్​ వీల్స్​ ఉంటాయి. రేర్​లో ఫుల్​- విడ్త్​ ఎల్​ఈడీ టెయిల్​లైట్స్​, షార్క్​- ఫిన్​ యాంటీనా, రూఫ్​- మౌంటెడ్​ స్పాయిలర్​ ఉండనున్నాయి.

వోక్స్​వ్యాగన్​ టైగన్ ఫేస్​లిఫ్ట్​ వర్షెన్​ ఇంటీరియర్​లో ఎలాంటి మార్పులు చేస్తున్నారు? అన్న విషయంపై ప్రస్తుతం స్పష్టత లేదు. అయితే.. ఇందులో డ్యూయెల్​ టోన్​ డాష్​బోర్డ్​, ప్రీమియం అప్​హోలిస్ట్రీ, యాంబియెంట్​ లైటింగ్​, ఎలక్ట్రిక్​ సన్​రూఫ్​, వయర్​లెస్​ ఛార్జర్​, ఆటోమెటిక్​ క్లైమేట్​ కంట్రోల్​, ఫుల్లీ- డిజిటల్​ ఇన్​స్ట్రుమెంట్​ క్లస్టర్​, పెద్ద ఇన్​ఫోటైన్​మెంట్​ ప్యానెల్​ వంటివి ఉండొచ్చు.

ప్యాసింజర్​ సేఫ్టీ కింద 6 ఎయిర్​బ్యాగ్స్​, ఏబీఎస్​, ఈఎస్​సీ వంటి ఫీచర్స్​ వస్తున్నాయి.

వోక్స్​వ్యాగన్​ టైగన్ ఫేస్​లిఫ్ట్​ వర్షెన్​ ఇంజిన్​..

2024 Volkswagen Taigun launch in India :2024 వోక్స్​వ్యాగన్​ టైగన్​లో 1.0 లీటర్​, 3 సిలిండర్​, టీఎస్​ఐ ఇంజిన్​ ఉండే అవకాశం ఉంది. ఇది 113.4 హెచ్​పీ పవర్​ను, 178 ఎన్​ఎం టార్క్​ను జనరేట్​ చేస్తుంది. మరోవైపు 1.5 లీటర్​ ఇన్​లైన్​-4 టీఎస్​ఐఈవీఓ మోటార్​ ఆప్షన్​ కూడా ఉంది. ఇది 148 హెచ్​పీ పవర్​ను, 250 ఎన్​ఎం టార్క్​ను జనరేట్​ చేస్తుంది.

2024 వోక్స్​వ్యాగన్​ టైగన్ ధర..

వోక్స్​వ్యాగన్​ టైగన్ ఫేస్​లిఫ్ట్​ వర్షెన్​ ధరకు సంబంధించిన వివరాలు తెలియాల్సి ఉంది. కాగా.. ఈ మోడల్​ ఎక్స్​షోరూం ధరలు రూ. 11.56లక్షలు - రూ. 18.96లక్షల మధ్యలో ఉండొచ్చు.