Beauty of Tirumala: శేషగిరులే హిమాద్రిగా మారినవేళ.. ఎటు చూసిన ఆహ్లాదమే!

ఏడు కొండలపై ప్రకృతి అందాలను చూస్తే భూలోక స్వర్గం అనాల్సిందే. ఆధ్యాత్మికత్వంతో పాటు.. ఆహ్లాదం మనసును కట్టిపడేస్తోంది. తుపాన్ ఎఫెక్ట్ తో తాజాగా వర్షాలు.. మరోవైపు మంచు తుంపరలతో తిరుమల అందం రెట్టింపు అయ్యింది.  

 వర్షాల దాటికి జలపాతాలు పొంగుతున్నాయి. కపీలతీర్థం వద్ద జలపాతం పరవళ్లు తొక్కుతోంది. మరోవైపు శ్రీవారి భక్తులు ప్రకృతి అందాలకు ఫిదా అయిపోతున్నారు.

నిత్యం ఆహ్లాదంగానే కనిపిస్తుంది తిరుమల. ఏడుకొండలపై ఉన్న శ్రీవారిని దర్శించుకునేందుకు భారీగా తరలివస్తుంటారు భక్తులు. వర్షాలతో తిరుమల గిరులు మరింత ఆహ్లాదాన్ని సంతరించుకున్నాయి.   

తిరుమలలోని ఆకాశగంగా, పాపనాశం, గోగర్భం డ్యాం, కుమార ధర , పసుపుధార జలాశయాలు జలకళతో ఉట్టి పడుతున్నాయి.
 

ఎంత్తైన కొండచరియల నుండి ఎగసిఎగసి పడుతున్న ఈ జలపాతాలను తిలకించడానికి భక్తులు ఎంతో ఉత్సుకతను ప్రదర్శిస్తున్నారు. పచ్చని చీర కట్టినట్టు అందాలు మరో లోకానికి తీసుకెళ్లాలా చేస్తున్నాయి.