Maha Shivratri 2023 : శివరాత్రికి చంద్రుడి పూజ చేయాలి.. మంత్రం ఇదే

ఫిబ్రవరి 18న మహాశివరాత్రి(Mahashivaratri) నాడు, ప్రజలు శివునితో పాటు చంద్రుడి(Chandra Dev)ని పూజించడం శుభప్రదం. ఆరోజున శ్రావణ నక్షత్రం, చంద్రుడు మకరరాశిలో ఉంటాడు. ఈ రోజున చంద్రుడిని పూజించడం వల్ల మనసు ప్రశాంతంగా ఉంటుంది. శ్రవణ నక్షత్రానికి చంద్రుడు అధిపతి. శివుడి తల మీద చంద్రుడు ఉంటాడు. ఈ కారణాలతో మహా శివరాత్రి రోజున శివునితో పాటు, చంద్రదేవుడిని కూడా పూజించాలి.

శివుని నుదుటిపై చంద్రుడు ఉండటం వల్ల భగవంతుడికి ప్రశాంతత చేకూరుతుందని చెబుతారు. పాత కథల ప్రకారం, చంద్రదేవుడు(Chandra Devudu).. దక్ష ప్రజాపతి 27 మంది కుమార్తెలను వివాహం చేసుకున్నాడు. అయితే చంద్రుడు రోహిణిపై మాత్రమే ఎక్కువ శ్రద్ధ చూపేవాడు. ఇది ఇతర 26 మంది భార్యలకు మింగుడు పడలేదు. అందుచేత వారందరూ చంద్రదేవుని గురించి తండ్రి దక్షునికి మొరపెట్టుకున్నారు.

తన కుమార్తెల ఫిర్యాదులను విన్న దక్షుడు చంద్రదేవునిపై కోపించి అతన్ని శపించాడు. దక్షుడు ఇచ్చిన శాపంతో చంద్రుడు ఇబ్బందులు పడతాడు. ఆ సమయంలో శివుడిని పూజిస్తేనే మంచి జరుగుతుందని చెబుతారు. దీంతో చంద్రుడు శివుడికి పూజ చేస్తాడని అంటారు. శివుడిని పూజించిన వారికి అన్ని రోగాలు నయమవుతాయని, వారి ఆరోగ్యం ఎల్లప్పుడూ బాగుంటుందని నమ్ముతారు.

మహాశివరాత్రి(Mahashiva Ratri) రోజు ఉదయాన్నే లేవాలని చెబుతారు. స్నానం చేసిన తర్వాత గణేశుడిని పూజించి, శివుడిని పూజించి, చివరగా చంద్రదేవుడిని పూజించాలి. చంద్రదేవుని విగ్రహానికి పాలతో అభిషేకం చేయాలి. చంద్రదేవుని విగ్రహం లేకపోతే, శివుని తలపై కూర్చున్న చంద్రుడిని పూజించవచ్చు.

ఈ రోజున ప్రజలు పాలతో చేసిన తీపి పదార్థాలను పెడతారు. ధూపం, దీపాలను వెలిగించి హారతి చేస్తారు. చంద్ర పూజ చేస్తున్నప్పుడు 'ఓం సోం సోమాయ నమః' మంత్రాన్ని జపిస్తారు. చంద్ర పూజతో పాటు, ప్రజలు ఈ పవిత్రమైన రోజున అవసరమైన వారికి పాలను దానం చేస్తారు.