చావుని అత్యంత దగ్గరగా చూసిన మహిళ.. వీడియో వైరల్
04 September 2022, 19:10 IST
- Woman escapes from accident : రోడ్డు మీద అనేక ప్రమాదాలు జరుగుతూ ఉంటాయి. ఈ మహిళకు కూడా ఇదే ఎదురైంది. కానీ లక్తో బయటపడింది. ఒళ్లుగగుర్పొడిచే దృశ్యాలను ఇక్కడ చూడండి.
చావుని అత్యంత దగ్గరగా చూసిన మహిళ.. వీడియో వైరల్
Woman escapes from accident : చావును అత్యంత దగ్గరగా చూసిన ఓ మహిళకు సంబంధించిన వీడియో.. ప్రస్తుతం సామాజిక మాధ్యమాల్లో వైరల్గా మారింది. ఓ కారు మరో ఆటోను ఢీకొట్టి.. ఆ రెండు ఆ మహిళవైపు దూసుకెళ్లడం ఆ వీడియోలో కనిపించింది.
ఈ వీడియోను ఐపీఎస్ అధికారి వీ సజ్జనార్ తన ట్విట్టర్ ఖాతాలో షేర్ చేశారు. వీడియోలో ఓ మహిళ.. రోడ్డు పక్కన నడుచుకుంటూ వెళుతోంది. అక్కడ ఓ ఆటో కనిపిస్తోంది.
కొన్ని క్షణాల తర్వాత.. ఆ ఆటోను వెనక నుంచి ఓ కారు ఢీకొట్టింది. ఆ రెండు గాలిలోకి ఎగిరాయి. ఆ మహిళవైపు దూసుకెళ్లాయి. కానీ ఆ మహిళకు చాలా లక్ ఉంది! దాదాపు ఢీకొట్టినంత సమయంలో.. ఆ రెండు వాహనాలు ఆ మహిళ పక్క నుంచి వెళ్లాయి. అలా ఆ మహిళ.. ప్రమాదం నుంచి తప్పించుకుంది.
"చివరి నిమిషంలో ఆ మహిళ తప్పించుకుంది. కానీ.. ఇలా ఇంకెంత కాలం లక్ మీద ఆధాపడి ఉంటాము? రోడ్డు మీద డ్రైవింగ్ చేసేడప్పుడు బాధ్యతాయుతంగా ప్రవర్తించండి," అని వీడియో కింద రాసుకొచ్చారు సజ్జనార్.
ఈ వీడియో సామాజిక మాధ్యమాల్లో ఒక్కసారిగా వైరల్ అయ్యింది. "డ్రైవింగ్తో పాటు రోడ్డు మీద నడవడం కూడా బాధ్యతాయుతంగానే ఉండాలి. అసలు రోడ్డు మీద వెళుతుంటేనే జాగ్రత్తగా ఉండాలి. ప్రభుత్వం ఎన్ని చర్యలు చేపట్టినా.. ప్రమాదాలనేవి రోడ్డు మీదే ఆధారపడి ఉంటుంది," అని ఓ నెటిజన్ రాసుకొచ్చారు.
"ట్రాఫిక్ రూల్స్ను ఉల్లంఘిస్తున్న వారిపై ప్రభుత్వం కఠిన చర్యలు తీసుకోవాలి. అప్పుడే బుద్ధి వస్తుంది," అని ఇంకో నెటిజన్ పేర్కొన్నారు.