Vauld crypto exchange : ‘క్రిప్టో’ పెట్టుబడిదారులకు భారీ షాక్​..

Vauld crypto exchange : దారుణంగా కరెక్ట్​ అవుతున్న పోర్ట్​ఫోలియోతో బెంబేలెత్తిపోతున్న క్రిప్టో కరెన్సీ పెట్టుబడిదారులకు మరో షాక్​ తగిలింది. సింగపూర్​కు చెందిన క్రిప్టోకరెన్సీ ఎక్స్​ఛైంజీ 'వాల్డ్​'.. ట్రేడింగ్​, డిపాజిట్లను పూర్తిగా నిలిపివేసింది. అంతేకాకుండా.. విత్​డ్రాలను కూడా నిలిపివేయడంతో పెట్టుబడిదారులు ఆందోళనకు గురవుతున్నారు. వాల్డ్​ తీసుకున్న ఈ నిర్ణయం ఇప్పటికే అమల్లోకి వచ్చింది.

సంస్థను పునర్​నిర్మించే చర్యల్లో భాగంగా ఈ నిర్ణయం తీసుకున్నట్టు వాల్డ్​ ఓ ప్రకటనలో పేర్కొంది. ఈ చర్యలతో ఆర్థిక, న్యాయపరమైన ప్రత్యర్థులతో పోటీ పడేందుకు మరింత శక్తి లభిస్తుందని ఆశిస్తున్నట్టు వెల్లడించింది. సంస్థ ఆర్థిక పరిస్థితి దారుణంగా ఉందని వాల్డ్​ వెల్లడించింది.

భారీ పతనం..

క్రిప్టో మార్కెట్లకు గడ్డు కాలం నడుస్తోంది! ప్రపంచవ్యాప్తంగా క్రిప్టో కరెన్సీ మార్కెట్లు దారుణంగా పతనమవుతున్నాయి. ప్రపంచంలోనే అతిపెద్ద క్రిప్టోకరెన్సీగా పేరొందిన బిట్​కాయిన్​.. ఆల్​టైమ్​ హై(69వేల డాలర్లు) నుంచి 70శాతం మేర పడిపోయింది.

వాల్డ్​ సంస్థను వాలర్​, పాంతేరా కాయిన్​బేస్​, సీఎంటీ డిజిటల్​ సంస్థలు నడిపిస్తున్నాయి. కాగా.. మోరటోరియం కోసం దరఖాస్తు చేసుకునేందుకు సింగపూర్​ కోర్టుకు వెళ్లాలని వాల్డ్​ ఆలోచిస్తోంది.