పదునైన కత్తితో ప్రియుడి మర్మాంగాన్ని కోసేసిన మహిళ..!

UP crime news : ఉత్తర్​ప్రదేశ్​లో.. ఓ మహిళ తన ప్రియుడి మర్మాంగాన్ని కోసేసింది. తన కూతురిపై అత్యాచార యత్నం చేసినందుకు అతడికి ఈ విధంగా బుద్ధిచెప్పింది.

ఇదీ జరిగింది..

భర్తకు మద్యం అలవాటు ఉండటంతో.. అతడిని విడిచిపెట్టేసింది ఓ మహిళ. అనంతరం తన ప్రియుడితో కలిసి లఖింపూర్​ ఖేరీలోని మహేవగంజ్​ ప్రాంతంలో రెండేళ్లుగా నివాసముంటోంది.

ఆ 36ఏళ్ల మహిళకు.. 14ఏళ్ల కూతురు ఉంది. కాగా.. ఆ బాలికపై.. ఆ మహిళ ప్రియుడి కన్ను పడింది.

ఆ 32ఏళ్ల వ్యక్తి.. బాలికపై అత్యాచారానికి ప్రయత్నించాడు. ఈ క్రమంలోనే అతడి మర్మాంగాన్ని కోసేసింది ఆ బాలిక తల్లి.

"ఈ ఘటన బుధవారం జరిగింది. నేను పొలం పని మీద బయటకు వెళ్లాను. కొద్ది సేపటికి ఇంటికి తిరిగొచ్చాను. సరిగ్గా అదే సమయానికి అతను నా బిడ్డను అత్యాచారం చేసేందుకు ప్రయత్నించాడు. నేను అతడిని రెడ్​హ్యాండెడ్​గా పట్టుకున్నాను," అని ఆ మహిళ వెల్లడించింది.

Woman cuts lover's penis : అత్యాచార యత్నాన్ని అడ్డుకుంది ఆ మహిళ. కొంపం పెంచుకున్న ఆ వ్యక్తి.. ఆమెను కొట్టేందుకు వెంబడించాడు. ఈ క్రమంలోనే.. అతడి నుంచి తప్పించుకుని వంటింట్లోకి వెళ్లిన మహిళ.. ఓ కత్తితో బయటకొచ్చింది. ఆ కత్తితోనే అతడి మర్మాంగాన్ని కోసేసింది. అతడు నొప్పితో విలవిలలాడాడు.

ఘటనపై సమాచారం అందుకున్న పోలీసులు.. ఘటనాస్థలానికి వెళ్లారు. అతడిని అరెస్ట్​ చేసి ఆసుపత్రికి తరలించారు. ప్రస్తుతం అతడి పరిస్థితి విషమంగా ఉన్నట్టు సమాచారం. ఘటనపై పోలీసులు కేసు నమోదు చేసుకున్నారు.

ఈ ఏడాది మే నెలలో ఇలాంటి ఘటనే ఒకటి వెలుగులోకి వచ్చింది. ఆంధ్రప్రదేశ్​ తెనాలిలో.. తల్లి ప్రేమిస్తున్న వ్యక్తి మర్మాంగాన్ని ఓ మహిళ కోసేసింది. మరో ఘటనలో.. 27ఏళ్ల పొరుగింటి వ్యక్తి మర్మాంగాన్ని కత్తితో కోసేసింది ఈ 47ఏళ్ల మహిళ. అతను తనని వేధిస్తున్నట్టు చెప్పుకొచ్చింది.