UGC Fake Universities : దేశంలో 20 ఫేక్ యూనివర్సిటీలు, ఏపీలో రెండు- యూజీసీ ప్రకటన
02 August 2023, 21:30 IST
- UGC Fake Universities : దేశవ్యాప్తంగా 20 నకిలీ యూనివర్సిటీలను యూజీసీ గుర్తించింది. వీటిల్లో ఏపీకి చెందిన 2 యూనివర్సిటీలు ఉన్నాయి. దిల్లీలో అత్యధికంగా 8 ఫేక్ వర్సిటీలు ఉన్నాయి.
ఫేక్ యూనివర్సిటీలు
UGC Fake Universities : యూనివర్సిటీ గ్రాంట్స్ కమిషన్ (UGC) బుధవారం దేశంలోని 20 విశ్వవిద్యాలయాలను "నకిలీ"గా గుర్తించి ప్రకటించింది. ఈ సంస్థలకు విద్యార్థులకు ఎలాంటి డిగ్రీలు మంజూరు చేయడానికి అధికారం లేదని వెల్లడించింది. 20 ఫేక్ విశ్వవిద్యాలయాలలో... అత్యధిక సంఖ్యలో (ఎనిమిది) దిల్లీలోనే ఉన్నాయి. గుర్తింపు లేని, మోసపూరిత సంస్థల ఉచ్చులో పడకుండా విద్యార్థులను రక్షించడమే తమ లక్ష్యమని UGC పేర్కొది. విద్యార్థులు, వారి తల్లిదండ్రులు యూనివర్సిటీల్లో నమోదు చేసుకునే ముందు ఆ విశ్వవిద్యాలయాల అక్రిడిటేషన్ స్థితిని చెక్ చేసుకోవాలని సూచించారు.
Sushil Modi death : బీజేపీ సీనియర్ నేత సుశీల్ కుమార్ మోదీ కన్నుమూత..
Viral : ఆటగాడివే! ఒకేసారి ఇద్దరు గర్ల్ఫ్రెండ్స్.. దొరికిపోయి- చివరికి..
Southest Monsoon : గుడ్ న్యూస్.. ఇంకొన్ని రోజుల్లో దేశాన్ని తాకనున్న నైరుతి రుతుపవనాలు!
PM Modi : ‘పాకిస్థాన్కి నేను గాజులు తొడుగుతా..’- ప్రధాని మోదీ కామెంట్స్ వైరల్!
"UGC చట్టంలోని నిబంధనలకు విరుద్ధంగా అనేక సంస్థలు డిగ్రీలు అందిస్తున్నట్లు UGC దృష్టికి వచ్చింది. అటువంటి విశ్వవిద్యాలయాలు అందించే డిగ్రీలు ఉన్నత విద్య లేదా ఉద్యోగ ప్రయోజనాల కోసం చెల్లుబాటు కావు. ఇవి విశ్వవిద్యాలయాలు కాదు. వీటికి డిగ్రీని ప్రదానం చేసే అధికారం లేదు’’ అని యూజీసీ కార్యదర్శి మనీష్ జోషి ఒక ప్రకటనలో తెలిపారు.
UGC విడుదల చేసిన నకిలీ విశ్వవిద్యాలయాల జాబితా
ఏపీలోని గుంటూరు కాకుమానివారితోటలోని క్రైస్ట్ న్యూ టెస్టమెంట్ డీమ్డ్ యూనివర్సిటీ, విశాఖలోని బైబిల్ ఓపెన్ యూనివర్సిటీ ఆఫ్ ఇండియాలను నకిలీవిగా యూజీసీ గుర్తించింది. పశ్చిమబెంగాల్‌లో ఇండియన్‌ ఇన్‌స్టిట్యూట్‌ఆఫ్‌ ఆల్టర్నేటివ్‌ మెడిసిన్‌, ఇన్‌స్టిట్యూట్‌ ఆఫ్ ఆల్టర్నేటివ్‌ మెడిసిన్‌ అండ్‌ రీసెర్చ్ సంస్థలను యూజీసీ నకిలీ వర్సిటీలుగా గుర్తించింది. అలాగే కర్ణాటకలోని బదగాన్వి సర్కార్ వరల్డ్ ఓపెన్ యూనివర్సిటీ ఎడ్యుకేషన్ సొసైటీ, కేరళలో సెయింట్‌ జాన్స్‌ యూనివర్సిటీ, మహారాష్ట్రలో రాజా అరబిక్‌ యూనివర్సిటీ, పుదుచ్చేరిలో శ్రీ బోధి అకాడమీ ఆఫ్ హయ్యర్‌ ఎడ్యుకేషన్ యూనివర్సిటీలు ఫేక్ అని యూజీసీ ప్రకటించింది. దిల్లీలో 8 ఫేక్ యూనివర్సిటీల జాబితాలో ఆల్‌ ఇండియా ఇన్‌స్టిట్యూట్‌ ఆఫ్ పబ్లిక్ అండ్‌ ఫిజికల్‌ హెల్త్‌ సైన్సెస్‌, కమర్షియల్‌ యూనివర్సిటీ లిమిటెడ్‌- దర్యాగంజ్‌, యునైటెడ్‌ నేషన్స్‌ యూనివర్సిటీ, వొకేషనల్‌ యూనివర్సిటీ, ఏడీఆర్‌ సెంట్రిక్‌ జ్యూరిడికల్‌ యూనివర్సిటీ, ఇండియన్‌ ఇన్‌స్టిట్యూషన్‌ ఆఫ్ సైన్సెస్‌ అండ్‌ ఇంజినీరింగ్‌, విశ్వకర్మ ఓపెన్ యూనివర్సిటీ ఫర్‌ సెల్ఫ్‌ ఎంప్లాయిమెంట్‌, ఆధ్యాత్మిక్‌ విశ్వవిద్యాలయ ఉన్నాయని యూజీసీ పేర్కొంది. యూపీలో గాంధీ హిందీ విద్యాపీఠ్‌, నేషనల్‌ యూనివర్సిటీ ఆఫ్ ఎలక్ట్రో కాంప్లెక్స్‌ హోమియోపతి, నేతాజీ సుభాష్ చంద్రబోస్‌ యూనివర్సిటీ (Open University), భారతీయ శిక్షా పరిషత్‌ నకిలీ ఉన్నట్టు తెలిపింది.
గత ఏడాది 21 ఫేక్ వర్సిటీలు
గతేడాది 21 యూనివర్సిటీల జాబితాను ‘నకిలీ’గా యూజీసీ గుర్తించింది. ఈ ఏడాది కూడా మరో 20 యూనివర్సిటీలు ఈ జాబితాలో చేరాయి. UGC ప్రకారం, విశ్వవిద్యాలయాలు సెంట్రల్, స్టేట్/ప్రావిన్షియల్ చట్టం ప్రకారం స్థాపించబడినట్లయితే లేదా వాటిని డీమ్డ్-టు-బి-యూనివర్శిటీలుగా గుర్తించినట్లయితే మాత్రమే డిగ్రీలు మంజూరు చేయడానికి అధికారం కలిగి ఉంటాయి. పార్లమెంట్ చట్టం ద్వారా ప్రత్యేకంగా అధికారం పొందిన సంస్థలు విద్యార్థులకు డిగ్రీలను ప్రదానం చేసే అధికారాన్ని కలిగి ఉంటాయి. డిగ్రీలు మంజూరు చేసే సంస్థలు విద్యా ప్రమాణాలను నిర్వహించడానికి, విద్యార్థులకు చట్టబద్ధమైన అర్హతలను అందించడానికి అవసరమైన చట్టపరమైన అధికారాన్ని కలిగి ఉంటాయని యూజీసీ తెలిపింది.