JEE Mains 2024 result : రేపు జేఈఈ మెయిన్స్ సెషన్ 1 ఫలితాలు- ఇలా చెక్ చేసుకోండి..
11 February 2024, 13:53 IST
- JEE Mains 2024 results date : జేఈఈ మెయిన్స్ 2024 సెషన్ 1కి సంబంధించిన ఫలితాలు సోమవారం వెలువడతాయని సమాచారం. రిజల్ట్స్ని ఎలా చెక్ చేసుకోవాలో ఇక్కడ తెలుసుకోండి..
రేపు జేఈఈ మెయిన్స్ సెషన్ 1 ఫలితాలు- ఇలా చెక్ చేసుకోండి..
JEE Mains 2024 result : జేఈఈ మెయిన్స్ 2024 (జాయింట్ ఎంట్రెన్స్ ఎగ్జామినేషన్) సెషన్ 1 ఫలితాలు ఎప్పుడెప్పుడు వస్తాయా అని విద్యార్థులు ఎదురుచూస్తున్నారు. ఈ నేపథ్యంలో.. ఓ కీలక వార్త బయటకి వచ్చింది. జేఈఈ మెయిన్స్ 2024 సెషన్ 1 ఫలితాలను ఎన్టీఏ (నేషనల్ టెస్టింగ్ ఏజెన్సీ).. రేపు, అంటే సోమవారం విడుదల చేసే అవకాశం ఉందని తెలుస్తోంది. అధికారిక బ్రోచర్ ప్రకారం.. జేఈఈ మెయిన్స్ సెషన్ 1 ఫలితాలు.. 2024 ఫిబ్రవరి 12న ప్రకటించనున్నట్టు ఉంది. ఎన్టీఏ.. ఫలితాలను ప్రకటించిన తర్వాత, విద్యార్థులు జేఈఈ మెయిన్స్ అధికారిక వెబ్సైట్కి వెళ్లి (jeemain.nta.nic.in) ఫలితాలను చెక్ చేసుకోవాల్సి ఉంటుంది.
Woman muscular photo: కండలు తిరిగిన యువతిపై ట్రోలింగ్.. అబ్బాయిలకు దిమ్మతిరిగే జవాబు ఇచ్చిన కోచ్
Diabetes medicine price cut: గుండెజబ్బులు, డయాబెటిస్ మందుల ధరలను తగ్గించిన ప్రభుత్వం
Uber ride horror: కారులో ఉబర్ డ్రైవర్ హస్తప్రయోగం; భయాందోళనలకు గురైన మహిళ
Monsoon: దేశంలోకి రుతుపవనాలు ప్రవేశించడంపై కీలక ప్రకటన చేసిన ఐఎండీ
ఫిబ్రవరి 9న జేఈఈ మెయిన్స్ ఆన్సర్ కీ ఛాలెంజ్ విండోను ఎన్టీఏ మూసివేసింది. అభ్యంతరాలు తెలిపేందుకు ఫిబ్రవరి 8 చివరి తేదీగా ఉండగా, ఆ తర్వాత ఫిబ్రవరి 9కి మార్చింది. జనవరి 27, 29, 30, 31, ఫిబ్రవరి 1 తేదీల్లో పేపర్-1 పరీక్షలు జరిగిన విషయం తెలిసిందే. పేపర్-2 పరీక్ష జనవరి 24న జరిగింది.
JEE Mains 2024 session 1 result date : ఈ ఏడాది జేఈఈ మెయిన్స్ రెండు పేపర్లకు మొత్తం 12 లక్షల మంది విద్యార్థులు రిజిస్టర్ చేసుకోగా, వారిలో 11.70 లక్షల మంది పరీక్ష రాశారు.
జేఈఈ మెయిన్స్ సెషన్ 1 ఫలితలను ఇలా చెక్ చేసుకోండి..
స్టెప్ 1:- ఎన్టీఏకి చెందిన జేఈఈ అధికారిక వెబ్సైట్ jeemain.nta.nic.in లోకి వెళ్లండి.
స్టెప్ 2:- హోమ్ పేజీలో.. ‘జేఈఈ మెయిన్స్ 2024 సెషన్ 1 రిజల్ట్’ అని కనిపించే యాక్టివేటెడ్ లింక్పై క్లిక్ చేయండి.
How to check JEE Mains 2024 results : స్టెప్ 3:- ఇప్పుడు.. మీ దరఖాస్తు నంబర్, పుట్టిన తేదీని వివరాలను ఎంటర్ చేసి సబ్మీట్ చేయండి.
స్టెప్ 4:- జేఈఈ మెయిన్స్ 2024 సెషన్ 1 ఫలితాలు స్క్రీన్పై కనిపిస్తాయి. వాటిని చూసుకోండి.
స్టెప్ 5:- స్క్రీన్పై కనిపించే ఫలితాలను డౌన్లోడ్ చేసుకోండి.
జేఈఈ మెయిన్స్ తర్వాత ఏంటి?
JEE Mains 2024 : దేశంలోని ప్రముఖ ఐఐటీలు, ఎన్ఐటీల్లో ఇంజినీరింగ్ విద్య కోసం నిర్వహించేదే ఈ జేఈఈ. కాగా.. ఇందులో రెండు విభాగాలు ఉంటాయి. మొదటిది.. జేఈఈ మెయన్స్. రెండోది జేఈఈ అడ్వాన్స్డ్. జేఈఈ మెయిన్స్లో ఉత్తీర్ణత సాధించిన వారు.. అడ్వాన్స్డ్ పరీక్షకు అర్హత సాధిస్తారు. అందులో కూడా పాసై, మంచి ర్యాంక్ తెచ్చుకోగలిగితే.. ఐఐటీలు, ఎన్ఐటీల్లో సీట్ వస్తుంది.