UK flight: అత్యుత్సాహంతో విమానం టాయిలెట్లో జంట శృంగారం; చివరకు..

UK flight: విమానంలో వింత వింత ఘటనలు ఈ మధ్య ఎక్కువయ్యాయి. సహ ప్రయాణికులపై మూత్ర విసర్జన చేయడం, ప్రయాణికులు ఒకరిపై ఒకరు దాడులు చేసుకోవడం, విమాన సిబ్బందితో దురుసుగా ప్రవర్తించడం.. వంటి ఘటనలు తరచుగా జరుగుతున్నాయి. కానీ, యూకేలో ఒక విమానంలో చోటు చేసుకున్న ఈ ఘటన మాత్రం చాలా అరుదైనదిగా భావించవచ్చు.

టాయిలెట్లో శృంగారం..

సెప్టెంబర్ 8వ తేదీన యూకేలోని ఈజీ జెట్ ఎయిర్ లైన్స్ కు చెందిన ఫ్లైట్ లో ఒక జంట అత్యుత్సాహంతో విమానంలోని టాయిలెట్లోనే శృంగారం చేయడం ప్రారంభించారు. విమాన సిబ్బంది ఈ విషయాన్ని గుర్తించారు. ఒక ఫ్లైట్ అటెండెంట్ టాయిలెట్ డోర్ తీయగానే.. ఆ జంట నగ్నంగా శృంగారం చేస్తూ కనిపించారు. ఈ వీడియో ఇప్పుడు వైరల్ గా మారింది. గమ్యస్థానం చేరగానే ఆ జంటను విమానం సిబ్బంది పోలీసులకు అప్పగించారు. నెటిజన్లు రకరకాల కామెంట్లతో దీనిపై స్పందిస్తున్నారు. ఈ వీడియో ట్విటర్ లో దాదాపు 50 లక్షల షేర్లను సొంతం చేసుకుంది. ఒక ఫ్లైట్ అటెండెంట్ విమానంలోని టాయిలెట్ డోర్ తీయడం, టాయిలెట్ లోపల నగ్నంగా ఆ జంట ఉండడం ఆ వీడియోలో కనిపిస్తుంది.

నెటిజన్ల స్పందన..

కమాన్ అనే కామెంట్స్, క్యాబిన్ లో నుంచి నవ్వులు ఆ వీడియో బ్యాక్ గ్రౌండ్ లో వినిపిస్తుంది. అనంతరం, ఆ క్యాబిన్ లోని అందరూ గట్టిగా నవ్వుతూ, సిగ్గుపడుతూ కనిపిస్తారు. యూకేలోని ల్యూటన్ నుంచి ఇబాజాకు ఈ విమానం వెళ్తుండగా ఈ ఘటన చోటు చేసుకుందని ఈజీ జెట్ ఎయిర్ లైన్స్ అధికార ప్రతినిధి తెలిపారు. విమానం ఇబాజాకు చేరుకున్న తరువాత ఆ జంటను పోలీసులకు అప్పగించామన్నారు. అయితే, ఆ జంటపై పోలీసులు ఏ చర్యలు తీసుకున్నారనేది తెలియరాలేదు. యూకే చట్టాల ప్రకారం పబ్లిక్ టాయిలెట్లలో లైంగిక చర్యలకు పాల్పడడం నేరం. అయితే, విమానంలోని టాయిలెట్ల పబ్లిక్ టాయిలెట్ల కిందకు వస్తాయా? రావా? అనే విషయంలో స్పష్టమైన వివరాలు ఏ చట్టంలోనూ లేవని నెటిజన్లు వ్యాఖ్యానిస్తున్నారు.