Tuesday Motivation : ఏజ్ ఈజ్ ఏ జస్ట్ నెంబర్.. అనుకుంటే చాలు హ్యాపీగా ఉండడానికి..
28 June 2022, 8:17 IST
- మీరు మీ జీవితాన్ని సంతోషంగా గడపాలనుకుంటే.. వయస్సు గురించి ఆలోచించకండి. వయస్సు అనేది ఒక సంఖ్య తప్ప మరొకటి కాదని పరిగణించండి. మనలో చాలా మంది జీవితాన్ని ఆస్వాదించేటప్పుడు మన వయసేంటి.. మనం ఇది ఇప్పుడు చేయవచ్చా అని ఆలోచిస్తారు. కానీ వయసును పక్కన పెడితే మీరు మరింత సంతోషంగా ఉంటారు.
కోట్ ఆఫ్ ద డే
Tuesday Motivation : కొన్నిసార్లు లైఫ్లో వయసుకు మించి కష్టపడిపోతాము. తీరా సుఖంగా అనుభవించాలి అనుకునే టైమ్కి వయసైపోతుంది. కానీ సంతోషాన్ని పొందాలంటే.. మీరు వయసు గురించి ఆలోచించడం మానేస్తేనే మంచిది. వయసైపోతే.. మన జీవితంలోని వివిధ కోణాలను అన్వేషించలేము అనే అపోహలో బతికేస్తారు చాలామంది. కానీ మీరు తగినంత అంకితభావంతో ఉంటే.. మీ ఇష్టం ప్రకారం మీ జీవితాన్ని గడపకుండా ఎవరూ ఆపలేరు. మీ విలువల ఆధారంగా మీ జీవితాన్ని గడపడానికి మీరు మానసికంగా బలంగా ఉన్నారని మీరు నిర్థారించుకోవాలి.
ప్రతిదీ మీ మనస్తత్వం, మానసిక సామర్థ్యంపై ఆధారపడి ఉంటుంది. మీరు మానసికంగా దృఢంగా ఉంటే.. మీ వయసైనప్పటికీ.. మీ జీవితంలో కోరుకున్న లక్ష్యాన్ని సాధించవచ్చు. మీ వయస్సు మీ జీవిత లక్ష్యాన్ని ప్రభావితం చేయదు. మీ లక్ష్యాన్ని సాధించడంలో మీకు సహాయపడే ఏకైక విషయం మీ కోరిక మాత్రమే.
మీ శరీర సామర్థ్యాల విషయానికి వస్తే వయసు ప్రభావం పెరిగే కొద్ది.. మీలో ఉన్న చురుకుదనం, బలాన్ని కోల్పోతారనేది వాస్తవం. అయితే, మీ కోరిక తగినంత బలంగా ఉంటే, మీ లక్ష్యాన్ని సాధించడానికి మీరు మానసికంగా సిద్ధంగా ఉంటే.. మిమ్మల్ని ఎవరూ ఆపలేరు. మీరు చేయాల్సిందల్లా మానసికంగా మిమ్మల్ని మీరు సిద్ధం చేసుకోవడం. ఆత్మవిశ్వాసాన్ని పెంచుకోవడం.
టాపిక్