Corn Salad Recipe : టేస్టీ టేస్టీ కార్న్ సలాడ్.. ఇలా సింపుల్గా చేసేయండి..
02 November 2022, 6:49 IST
- Corn Salad Recipe : మొక్కజొన్నలు ఆరోగ్యానికి మంచివని తెలుసు. కానీ దీనిని మరింత హెల్తీగా ఎలా తీసుకోవాలో అందరికీ తెలియకపోవచ్చు. మరి దీనిని మరింత టేస్టీగా, హెల్తీగా, సింపుల్గా ఎలా మన డైట్లో భాగం చేసుకోవాలో ఇప్పుడు చుద్దాం.
కార్న్ సలాడ్
Corn Salad Recipe : మన డేని హెల్తీగా స్టార్ట్ చేయాలంటే పర్ఫెక్ట్ బ్రేక్ఫాస్ట్ ఉండాల్సిందే. అయితే ఇప్పుడు మనం తెలుసుకోబోయే రెసిపీ బ్రేక్ఫాస్ట్గా మాత్రమే కాదు.. లంచ్, డిన్నర్, స్నాక్లాగా కూడా తీసుకోవచ్చు. పైగా దీనిని తయారు చేసుకోవడం చాలా సింపుల్. మరి కార్న్ సలాడ్ని ఎలా తయారు చేసుకోవాలో.. కావాల్సిన పదార్థాలు ఏమిటో ఇప్పుడు తెలుసుకుందాం.
Patha Chinthakaya Pachadi: పాత చింతకాయ పచ్చడి ఇలా చేసుకున్నారంటే దోశె, ఇడ్లీ, అన్నంలోకి అదిరిపోతుంది
Diabetes and Methi water: ఖాళీ పొట్టతో మెంతి నీళ్లు తాగి చూడండి, నెలలోనే మ్యాజిక్ చూస్తారు
Cherakurasam Paramannam: పంచదారకు బదులు చెరుకు రసంతో పరమాన్నాన్ని వండి చూడండి, ఎంతో ఆరోగ్యం
Garlic Peel: వెల్లుల్లిని పొట్టు తీసి వాడుతున్నారా? ఎన్ని పోషకాలను నష్టపోతున్నారో తెలుసా?
కార్న్ సలాడ్ కోసం కావాల్సిన పదార్థాలు
* మొక్కజొన్న - 2 కప్పులు (ఉడకబెట్టినవి)
* బంగాళా దుంపలు - అర కప్పు (ఉడకబెట్టినవి)
* సేవ్ - పావు కప్పు
* ఉల్లిపాయలు - అరకప్పు
* కొత్తిమీర - 2 టేబుల్ స్పూన్స్ (సన్నగా తురిమినది)
* నిమ్మరసం - రుచికి తగినంత
* చట్నీ - 2 టేబుల్ స్పూన్స్
చట్నీ తయారీకి కావాల్సి పదార్థాలు
* కొత్తిమీర - 1 కప్పు
* మిర్చి - 1 టేబుల్ స్పూన్ (కట్ చేసినవి)
* వెల్లుల్లి - 1 టేబుల్ స్పూన్ (తరిగినవి)
* పంచదార - 2 టీస్పూన్
* ఉప్పు - 1 టీస్పూన్
* పెప్పర్ - 1 టీస్పూన్
తయారీ విధానం
ముందుగా చట్నీకి కావాల్సిన పదార్థాలన్నీ మిక్సీలో వేసి పేస్ట్ చేయాలి. ఇప్పుడు మొక్కజొన్న, ఉల్లిపాయలు, బంగాళదుంపలు, కొత్తిమీర, నిమ్మరసం, చట్నీ వేసి బాగా కలపాలి. దానిని సేవ్, కొత్తిమీర వేసి గార్నిష్ చేయాలి. ఇది ఏ మీల్గా తీసుకున్నా.. మీకు చక్కని టేస్టీ, హెల్తీ బౌల్ అవుతుంది.