Drumstick Biryani : మునక్కాయ బిర్యానీ.. చేయడం సులభం.. రుచి అమోఘం

కొందరికి నాన్ వెజ్ తినడం ఇష్టం ఉండదు. కానీ బిర్యానీ తినాలనే కోరిక మాత్రం ఉంటుంది. వెజ్ బిర్యానీ చేసినా ఎప్పుడూ ఒకే విధంగా ఉంటుంది. తిని తిని బోర్ కొడుతుంది. అందుకే కాస్త వెరైటీగా మునక్కాయ బిర్యానీ ట్రై చేయండి. కొత్త రుచి ఉంటుంది. ఆరోగ్యానికి కూడా మంచిది.

మీరు శాఖాహారులైతే, కూరగాయలు తినడం మీకు ఇష్టంగా ఉంటుంది. వెజ్ బిర్యానీ కూడా మీకు ఇష్టమైన ఆహారం కావచ్చు. కానీ రెగ్యులర్ గా ఎంజాయ్ చేయలేరు. మీరు కొన్ని ప్రత్యేకమైన బిర్యానీలను తయారు చేయాలని ఆలోచిస్తున్నట్లయితే ఈ మునక్కాయ బిర్యానీని తయారు చేసి చూడండి.

మునక్కాయ ఉపయోగించి బిర్యానీ తయారు చేసుకోవచ్చు. చాలా టేస్టీగా ఉంటుంది. చికెన్, మటన్, గుడ్డుకు బదులు మునక్కాయతో బిర్యానీ చేస్తారు వెజ్ ప్రియులు. అయితే రుచిలో మాత్రం ఏ బిర్యానీ కంటే తక్కువ కాదు. అందరూ ఇష్టపడే ఆరోగ్యకరమైన బిర్యానీ స్టైల్‌లో ఇది ఒకటి.

మీరు వెజ్ బిర్యానీలో పుట్టగొడుగులను జోడించవచ్చు లేదా బంగాళాదుంపలు, సోయాబీన్‌లను ఉపయోగించి బిర్యానీ చేయవచ్చు. మీరు దానిని రుచి చూడవచ్చు. ఈ మునక్కాయ బిర్యానీ కూడా ఇలాగే చేసుకోవచ్చు. ఇంతకీ ఈ మునక్కాయ బిర్యానీకి ఏ పదార్థాలు ఉపయోగించాలి? ఎలా తయారు చేయాలి? దీన్ని చేయడానికి ఎంత సమయం పడుతుంది? బిర్యానీ చేసేటప్పుడు తీసుకోవాల్సిన జాగ్రత్తల గురించి తెలుసుకుందాం.

మునక్కాయ బిర్యానీ చేయడానికి కావలసిన పదార్థాలు

బాస్మతి బియ్యం - 400 గ్రాములు, మునక్కాయ 3, 2 దాల్చిన చెక్క - 2, ఏలకులు-4, లవంగం-8, ఉల్లిపాయ-4, టొమాటో-3, పుదీనా ఆకులు - 1, టేబుల్ స్పూన్ కొత్తిమీర, పచ్చిమిర్చి - 6, పచ్చి బఠానీలు - 1/2 కప్పు, పెరుగు, అల్లం వెల్లుల్లి పేస్ట్ - 1 1/2 టేబుల్ స్పూన్లు, బిర్యానీ ఆకులు-4, బిర్యానీ మసాలా - 1/2 tsp, కసూరి మేతి - 1 టేబుల్ స్పూన్, కారం పొడి - 1 టేబుల్ స్పూన్, బఠానీలు ఒక కప్పు, వంట నూనె కొద్దిగా, రుచికి ఉప్పు.

మునక్కాయ బిర్యానీ తయారీ విధానం

ముందుగా స్టవ్ మీద పాత్ర పెట్టి అందులో నూనె వేసి అందులో ఉల్లిముక్కలు, లవంగాలు, బిర్యానీ ఆకులు వేసి వేయించాలి.

దీనికి పుదీనా, కొత్తిమీర, కసూరి మేతి వేయాలి. తర్వాత అందులో పచ్చిమిర్చి, ఉప్పు వేసి కలపాలి. తర్వాత టొమాటో, పెరుగు, అల్లం వెల్లుల్లి పేస్ట్ వేసి కలపాలి. 3 నుండి 4 నిమిషాలు వేయించాలి. బఠానీలు వేసుకోవాలి.

తర్వాత బిర్యానీ పొడి వేసి బాగా కలపాలి. ఇది పేస్ట్ లాగా ఉండాలి. ఇప్పుడు కట్ చేసుకున్న మునక్కాయలు వేసుకోవాలి. దీని తరువాత గ్లాసులో నీటిని తీసుకోండి. బియ్యానికి సరిపోయేంత నీరు పోసుకోండి.

ఈ నీటిని మరిగించి అందులో నానబెట్టిన బియ్యాన్ని వేసి కలపాలి. తర్వాత మూసివేయండి. కొన్ని నిమిషాల తర్వాత మూత తీసి మిక్స్ చేయాలి.

తర్వాత మూత పెట్టి తక్కువ మంట మీద 15 నిమిషాలు ఉడికించాలి. మీ ముందు మునక్కాయ బిర్యానీ రెడీ. కావాలంటే కుక్కర్‌లో కూడా చేసుకోవచ్చు.