Expensive Potato Chips: ఈ ఆలూ చిప్స్ ప్యాకెట్ కొనాలంటే అందరి తరం కాదు, ఒక్క చిప్ ఎంత ఖరీదో తెలుసా?

Expensive Potato Chips: ఆలూ చిప్స్ బయట ఐదు రూపాయల ప్యాకెట్ల నుంచి లభిస్తాయి. ఎక్కువ మంది పిల్లలు ఇష్టంగా తినేది ఈ ఆలూ చిప్స్ నే. అయితే ప్రపంచంలోనే ఖరీదైన బంగాళాదుంప చిప్స్ ఉన్నాయి. వీటిని ప్యాకెట్ల రూపంలో కొనలేము. ఒక బాక్స్ లో వీటిని పెట్టి అమ్ముతారు. అది కూడా కేవలం ఐదు చిప్స్ మాత్రమే అమ్ముతారు. ఒక్కో చిప్ కొనాలంటేనే చాలా ఖర్చు అవుతుంది.

ఖరీదైన బంగాళాదుంప చిప్స్

ఈ చిప్స్ ను ప్రత్యేకమైన బంగాళదుంపల నుండి తయారుచేశారు. ఈ దుంపలను నిలువుగా ఉండే ఈ బంగాళదుంపలతో తయారుచేస్తారు. చేతితోనే ఈ పంటకు కావలసిన పనులన్నీ చేశారు. వీటిని కొండలపై రాతి ప్రాంతంలో పండిస్తారు. అందుకే ఇవెంతో ప్రత్యేకమైనవి.

ఇక ఈ చిప్స్ తయారీలో స్వీడన్లోని అడవుల్లో దొరికే పుట్టగొడుగులను కూడా వినియోగిస్తారు. అలాగే సముద్రంలో ఉండే సీవీడ్ కూడా వాడతారు. అలాగే విలువైన ఉల్లిపాయ జాతి అయినా లెగ్సాండ్ ఉల్లిపాయలను వినియోగిస్తారు. ఇవి వాతావరణంతో సంబంధం లేకుండా చిన్న స్వీడన్ పట్టణంలో పండుతాయి. బార్లీ మాల్ట్ బీర్ తయారీ ప్రక్రియలో వచ్చే పదార్థం వోట్. ఈ వోట్‌ని కూడా ఈ చిప్స్ తయారీలో వినియోగిస్తారు. సాధారణ చిప్స్ తో పోలిస్తే ఈ చిప్స్ తయారీ ఎక్కువ సమయాన్ని తీసుకుంటుంది. అందుకే ఇవి ప్రపంచంలోనే అత్యంత ఖరీదైన చిప్స్ గా మారాయి.

ధర ఎంత?

కేవలం ఒక బంగాళాదుంప చిప్ కొనాలంటే 900 రూపాయలు దాకా ఖర్చు పెట్టాలి. ఐదు చిప్స్ ను కలిపి ఒక బాక్స్ లో పెట్టి అందిస్తారు. ఈ ఐదు చిప్స్ కోసం మీరు దాదాపు 5వేల రూపాయలు చెల్లించాల్సి ఉంటుంది. నోట్లో పెట్టగానే టేస్టీగా కరిగిపోయేలా ఉంటాయి. వీటిని చేయడానికి తయారు చేసిన సంస్థ రూపొందించింది. మొదటిసారి కేవలం 100 చిప్స్ పెట్టెలను మాత్రమే రెడీ చేసింది. అవి హాట్ కేకుల్లా అమ్ముడుపోయాయి. ఒక్కో పెట్టెను దాదాపు 5వేల రూపాయలకు అమ్మారు.

ఇందులో వాడే బంగాళదుంపలను బాదం బంగాళదుంపలు అని పిలుస్తారు. అవే ఈ చిప్స్ కు ఎక్కువ రుచిని అందిస్తాయి. కేవలం రాతి కొండలపై మాత్రమే ఈ బంగాళదుంపలు పండుతాయి. ఇవి ప్రపంచంలోనే ఖరీదైన ఆలోచిస్తూగా పేరుపొందాయి.