ఐసీఐసీఐ క్రెడిట్ కార్డ్స్ ఫీ స్ట్రక్చర్‌లో మార్పులు

ఐసీఐసీఐ క్రెడిట్ కార్డ్స్ సంస్థ ఎస్‌బీఐ, హెచ్‌డీఎఫ్‌సీ తదితర సంస్థలతో పాటు అగ్రశ్రేణి క్రెడిట్ కార్డు సంస్థలలో ఒకటిగా నిలిచింది. వివిధ లావాదేవీలకు గాను ఈ సంస్థ ఫిబ్రవరి 10 నుంచి సవరించిన రుసుములను వసూలు చేయనుంది. ఈమేరకు సర్క్యులర్ జారీచేసింది.

పైకి కనిపించేవే ఇవి..

నిజానికి లేట్ పేమెంట్ ఛార్జీలు పైకి కనిపించేవి ఇలా ఉన్నప్పటికీ.. వాస్తవంగా క్రెడిట్ కార్డు బిల్లు ఏ నెలకు ఆ నెల కట్టనిపక్షంలో మరుసటి నెల తడిసిమోపెడవుతుంది. మరుసటి నెల వడ్డీ రహిత రోజులు వర్తించవు. పైగా డ్యూ ఉన్న కాలానికి మొదటి రోజు నుంచి క్రెడిట్ కార్డు వడ్డీ పడుతుంది. క్రెడిట్ కార్డు వడ్డీ అంటే సుమారు 36 శాతం నుంచి 48 శాతం వరకు ఉంటుంది. అలాగే క్రెడిట్ స్కోరు కూడా దెబ్బతింటుంది. అందువల్ల ఎప్పటికప్పుడు క్రెడిట్ కార్డు బిల్లులు చెల్లించడంలో నిర్లక్ష్యం అస్సలే వద్దు. అందువల్ల గోటితో పోయేదాన్ని గొడ్డలి వరకు తెచ్చుకోవద్దు. 

క్రెడిట్ కార్డు సక్రమంగా వాడుకుంటే అనేక ప్రయోజనాలు పొందవచ్చు. కానీ నిర్వహణలో ఏ చిన్న లోపం ఉన్నా నష్టాలే అధికం. క్రెడిట్ కార్డులు వచ్చిన కొత్తలో వడ్డీ రేట్లు, నిబంధనలు తెలియక అనేకమంది నష్టపోయి క్రెడిట్ స్కోరు పడిపోయింది. కానీ ఇటీవలికాలంలో క్రెడిట్ కార్డు బిల్లింగ్, క్రెడిట్ కార్డుల ప్రయోజనాలు, క్రెడిట్ కార్డు సంస్థల మధ్య పోటీతత్వం పెరగడం వల్ల ఖాతాదారులకు ప్రయోజనాలు పెరిగిపోయాయి.