oats dosa: బరువు తగ్గించే ఓట్స్ దోశ..

బరువు తగ్గాలనుకున్నప్పుడు ఉదయాన్నే అల్పాహారం కోసం ఏం చేయాలా అని ఆలోచిస్తుంటారు. తక్కువ కేలరీలు, ఎక్కువ పీచు, కార్బోహైడ్రేట్లు ఉండే ఓట్స్ తో దోశ చేసి చూడండి. తయారీ కూడా సులభమే.

కావాల్సిన పదార్థాలు:

ఓట్స్ - సగం కప్పు

బియ్యం పిండి - పావు కప్పు

రవ్వ - పావు కప్పు

పెరుగు - సగం కప్పు

సన్నగా తరిగిన ఉల్లిపాయ ముక్కలు - పావు కప్పు

తరగిన అల్లం- 1 టీస్పూను

పచ్చిమిర్చి ముక్కలు - 1 టీస్పూను

సన్నగా తరిగిన కొత్తిమీర - 1 టేబుల్ స్పూన్

కరివేపాకు - 7 ఆకులు

జీలకర్ర - సగం టీస్పూను

మిరియాల పొడి - పావు టీస్పూను

నీళ్లు- రెండు కప్పులు

ఉప్పు- తగినంత

నెయ్యి లేదా నూనె - మూడు స్పూన్లు

తయారీ విధానం:

step 1: ఓట్స్ మిక్సీ పట్టుకుని పిండిలాగా చేసుకోవాలి. ఒక పెద్ద గిన్నె లోకి తీసుకోండి. దీంట్లోనే బియ్యంపిండి, రవ్వ(సన్నం) కలుపుకోవాలి.

step 2: కొద్దిగా పెరుగు, పావు కప్పు నీళ్లు పోసుకుని పిండి లాగా కలుపుకోవాలి. పుల్లగా కావాలనుకుంటే ఇంకాస్త పెరుగు కూడా కలుపుకోవచ్చు.

step 3: పిండిలో సన్నగా తరుగుకున్న ఉల్లిపాయ ముక్కలు, పచ్చిమిర్చి, సన్నగా తరిగిన కొత్తిమీర, కరివేపాకు కలుపుకోవాలి.

step 4: జీలకర్ర, మిరియాల పొడి, ఉప్పు కలిపి పూర్తిగా ఎలాంటి ఉండలు లేకుండా కలుపుకోవాలి. మిశ్రమాన్ని పది నిమిషాలు పక్కన పెట్టుకోవాలి.

step 5: పిండి పలుచగా ఉండాలి. చిక్కగా అనిపిస్తే ఇంకొన్ని నీళ్లు కలుపుకోవచ్చు. పెనం పెట్టుకుని వేడయ్యాక పిండిని పలుచగా పొరలాగా వేసుకుంటూ పోవాలి. ప్రతిసారీ దోసె పోసే ముందు అడుగు నుంచి పిండిని కలుపుకుంటూ ఉండాలి. లేదంటే పిండి మొత్తం అడుగుకు వెళ్లిపోతుంది. ఈ దోసెల్ని కొబ్బరి చట్నీతో లేదా పల్లి చట్నీతో తినొచ్చు.