poha dosa: అటుకులతో కమ్మటి, పుల్లటి దోశ

అటుకులతో ఆలూపోహానో, వెజిటేబుల్ పోహానో తినీ తినీ విసుగొస్తోందా. అయితే అటుకులు, బియ్యం కలిపి చేసే అటుకుల దోసె చేసుకుని చూడండి.

కావాల్సిన పదార్థాలు:

బియ్యం - 1 కప్పు

అటుకులు - సగం కప్పు

మినప్పప్పు - 2 టేబుల్ స్పూన్లు

పెరుగు - సగం కప్పు

బేకింగ్ సోడా - పావు టీస్పూన్

ఉప్పు - తగినంత

నూనె - తగినంత

తయారీ విధానం:

step 1: ఒక పెద్ద గిన్నెలో పెరుగు తీసుకుని దాంట్లో సగం కప్పు నీళ్లు పోసుకుని మజ్జిగ లాగా చేసుకోండి. మజ్జిగ ఉంటే అదే వాడండి.

step 2: మరో పాత్రలో బియ్యం, మినప్పప్పు, అటుకులు వేసుకుని శుభ్రంగా కడుక్కోండి. ఇప్పుడు నీళ్లన్నీ వంపేయండి.

step 3: ఇందులో మజ్జిగ కలుపుకోండి. మెల్లగా మజ్జిగలో బియ్యం, అటుకులు, మినప్పప్పు కలిసేలా చూసుకోండి. అలా కనీసం 4 గంటలు నాననివ్వండి.

step 4: తరువాత మజ్జిగను కాస్త వంపేసి మిగతాదంతా మిక్సీలో పట్టుకోండి. ఇప్పుడు మజ్జిగతో పాటూ సోడా, ఉప్పు కలుపుకోండి, నాలుగైదు గంటలు పులియబెట్టిన తరువాత కాస్త మందంగా దోసెల్లాగా వేసుకుంటే చాలు.