Unstoppable With NBK Episode 3: అన్‌స్టాపబుల్ మూడో ఎపిసోడ్ గెస్టులు వీళ్లే.. చూస్తే షాకే

Unstoppable With NBK Episode 3: బాలయ్య బాబు ఓటీటీ షో అన్‌స్టాపబుల్ విత్ ఎన్‌బీకే తాజాగా లిమిటెడ్ ఎడిషన్ తో ప్రేక్షకుల ముందుకు వచ్చిన విషయం తెలుసు కదా. ఈ ఎడిషన్ తొలి రెండు ఎపిసోడ్లలో ఓసారి భగవంత్ కేసరి టీమ్, మరోసారి యానిమల్ టీమ్ గెస్టులగా వచ్చారు. తాజాగా మూడో ఎపిసోడ్ గెస్టులను ఆహా ఓటీటీ రివీల్ చేసింది.

అన్‌స్టాపబుల్ విత్ ఎన్‌బీకే మూడో ఎపిసోడ్ లో శ్రియ శరణ్, సుహాసిని మణిరత్నం, జయంత్ సి పరాన్జీ, హరీష్ శంకర్ రానుండటం విశేషం. ఈ ఎపిసోడ్ గెస్టుల లిస్ట్ అభిమానులను ఆశ్చర్యానికి గురి చేస్తోంది. ఒకప్పటి టాప్ హీరోయిన్లు, కనుమరుగైపోయిన ఓ డైరెక్టర్, మళ్లీ గాడిలో పడటానికి ప్రయత్నిస్తున్న మరో డైరెక్టర్.. ఇలా అన్‌స్టాపబుల్ విత్ ఎన్‌బీకే మూడో ఎపిసోడ్ లో గెస్టులు అయోమయానికి గురి చేస్తున్నారు.

ఈ గెస్టులను బుధవారం (డిసెంబర్ 13) తమ సోషల్ మీడియా ఎక్స్ అకౌంట్ ద్వారా ఆహా రివీల్ చేసింది. మొదట ఆ గెస్టులెవరో చెప్పుకోండి చూద్దాం అని సవాలు విసిరిన షో మేకర్స్.. తర్వాత ఆ నలుగురిని రివీల్ చేశారు. "మిస్టరీ రివీల్ అయిపోయింది. ఇప్పుడీ స్టార్స్ తో అన్‌స్టాపబుల్ సరదాకి మీరు రెడీనా? అన్‌స్టాపబుల్ విత్ ఎన్‌బీకే త్వరలోనే ఆహాలో రాబోతోంది" అనే క్యాప్షన్ తో ఈ ఎపిసోడ్ ప్రోమోను పోస్ట్ చేసింది.

ఇందులో బాలయ్య కేవలం గెస్టులకు వెల్‌కమ్ చెబుతున్న వీడియో మాత్రమే ఉంది. వాళ్లతో ఎలాంటి టాక్స్ జరిగాయి? ఈ ఎపిసోడ్ ఎలా సాగిందన్నది ఇంకా రివీల్ చేయలేదు. అయితే ఎవరూ ఊహించని గెస్టులతోనే ఆశ్చర్యపరిచిన షో ఆర్గనైజర్లు.. ఆ ఎపిసోడ్ ను కూడా ఆసక్తికంగా ప్రేక్షకులు ముందుకు తీసుకొస్తారేమో చూడాలి.

అన్‌స్టాపబుల్ లిమిటెడ్ ఎడిషన్ తొలి రెండు ఎపిసోడ్లు బాగా ఆకట్టుకున్నాయి. తొలి ఎపిసోడ్ లో భగవంత్ కేసరి టీమ్ నుంచి అనిల్ రావిపూడి, కాజల్, శ్రీలీల వచ్చారు. వాళ్లతో ఈ మూవీ హీరో బాలకృష్ణ ఓ ఆటాడుకున్నాడు. ఇక ఈ మధ్యే యానిమల్ టీమ్ తమ మూవీని ఈ షో ద్వారా ప్రమోట్ చేసింది. దీనికి రణ్‌బీర్ కపూర్, రష్మికతోపాటు డైరెక్టర్ సందీప్ రెడ్డి వంగ కూడా వచ్చాడు.