Kantara IMDb Rating: వావ్‌ కాంతారా.. అత్యధిక రేటింగ్ పొందిన ఇండియన్‌ సినిమాగా రికార్డు
14 October 2022, 14:14 IST
- Kantara IMDb Rating: సంచలనాలు సృష్టిస్తున్న కాంతారా మూవీ మరో అరుదైన ఘనత సాధించింది. అత్యధిక రేటింగ్ పొందిన ఇండియన్‌ సినిమాగా ఈ మూవీ నిలవడం విశేషం.
కాంతారా మూవీలో రిషబ్ శెట్టి, సప్తమి గౌడ
Kantara IMDb Rating: కన్నడ సినిమా కాంతారాకు ప్రేక్షకులు ఫిదా అవుతున్నారు. ఈ సినిమా చూసిన ప్రతి ఒక్కరూ అద్భుతం అంటూ కొనియాడుతుండటంతో కాంతారా క్రేజ్‌ రోజురోజుకూ పెరిగిపోతూనే ఉంది. ఈ సినిమా శనివారం (అక్టోబర్‌ 15) తెలుగు, తమిళంలోనూ రిలీజ్‌ కాబోతోంది. ఈ నేపథ్యంలోనే కాంతారా మరో ఘనతనూ సొంతం చేసుకుంది.
OTT Web Series: నేహా శర్మ పాపులర్ వెబ్ సిరీస్ మూడో సీజన్ వచ్చేస్తోంది.. స్ట్రీమింగ్ డేట్ ఖరారు
Devara Fear Song: దేవర నుంచి వచ్చేసిన ఫియర్ సాంగ్.. పవర్‌ఫుల్‍గా ఫస్ట్ పాట: చూసేయండి
Adivi Sesh: హనీమూన్ ఎక్స్‌ప్రెస్ వదిలిన అడవి శేష్.. అన్నపూర్ణ ఏడెకరాల ప్రాంగణంలో అప్డేట్
Keerthy Suresh Kalki 2898 AD: కల్కి 2898 ఏడీలో కీర్తి సురేష్.. ప్రభాస్‌కు ప్రాణ మిత్రుడిగా మహానటి
అత్యధిక రేటింగ్ పొందిన ఇండియన్‌ సినిమాగా నిలిచింది. ప్రేక్షకులు సినిమాలకు ఇచ్చే రేటింగ్‌కు ప్రామాణికంగా భావించే ఐఎండీబీ (ఇంటర్నెట్‌ మూవీ డేటాబేస్‌)లో మరో కన్నడ సినిమా కేజీఎఫ్‌ 2ను వెనక్కి నెట్టి కాంతారా ఈ రికార్డు సృష్టించింది. కాంతారాకు ప్రస్తుతం ఐఎండీబీలో 9.4 రేటింగ్ ఉండటం విశేషం. ఇన్నాళ్లూ ఈ రికార్డు 8.4తో కేజీఎఫ్‌ 2 పేరిట ఉండేది. ఆ తర్వాత ఆర్ఆర్‌ఆర్‌ 8 రేటింగ్‌తో ఉంది.
కన్నడ స్టార్‌ రిషబ్ శెట్టి డైరెక్ట్‌ చేసి నటించిన ఈ కాంతారా మూవీ సెప్టెంబర్‌ 30న రిలీజైంది. అదే రోజు పొన్నియిన్‌ సెల్వన్‌లాంటి భారీ బడ్జెట్‌ మూవీ రిలీజైనా కూడా కాంతారా దానిని తట్టుకొని నిలబడింది. ఈ సినిమాకు వస్తున్న క్రేజ్‌తో కర్ణాటకలో క్రమంగా షోల సంఖ్యను పెంచుకుంటూ వెళ్లారు. హిందీ, తెలుగు, తమిళంలలోనూ డబ్‌ చేసి రిలీజ్‌ చేయాలని నిర్ణయించారు.
ఇప్పటికే ఈ సినిమా ప్రపంచవ్యాప్తంగా రూ.90 కోట్లు వసూలు చేసింది. ఈ వీకెండ్‌లో రూ.100 కోట్ల క్లబ్‌లో చేరనుంది. ఒక్క కర్ణాటకలోనే రూ70 కోట్లకుపైగా వసూలు చేయడం విశేషం. ఈ మూవీ శుక్రవారం (అక్టోబర్‌ 14) హిందీ రిలీజ్‌ కాగా.. శనివారం (అక్టోబర్‌ 15) తెలుగు, తమిళంలలో రిలీజ్‌ కాబోతోంది.
కాంతారా.. కచ్చితంగా చూడాల్సిన సినిమా: ధనుష్‌
ఇక ఈ కాంతారా సినిమా చూసిన తమిళ స్టార్‌ హీరో ధనుష్‌ ప్రశంసలు కురిపించాడు. మైండ్‌ బ్లోయింగ్‌ సినిమా.. కచ్చితంగా చూడాల్సిందే అని ధనుష్‌ శుక్రవారం ట్వీట్‌ చేశాడు. ఈ సినిమాను డైరెక్ట్‌ చేసి, యాక్ట్‌ చేసిన రిషబ్ శెట్టిని కూడా ఆకాశానికెత్తాడు.
"కాంతారా.. మైండ్‌ బ్లోయింగ్‌!! కచ్చితంగా చూడాల్సిన సినిమా.. రిషబ్ శెట్టి, నువ్వు చాలా గర్వపడాలి. హోంబలె ఫిల్మ్స్‌కు శుభాకాంక్షలు.. హద్దులను చెరిపేస్తూ ఉండండి. ఈ సినిమాలో నటించిన నటులు, టెక్నీషియన్స్‌ అందరికీ ప్రేమపూర్వక ఆలింగనం" అంటూ ధనుష్‌ ట్వీట్‌ చేయడం విశేషం.