Family Star First Song: ఫ్యామిలీ స్టార్ సందడి షురూ.. మెలోడియస్ సాంగ్ ప్రోమో రిలీజ్.. ‘ఇంకేం.. ఇంకేం కావాలే’ కాంబో రిపీట్
05 February 2024, 22:09 IST
- Family Star First Song - Nandanandanaa: ఫ్యామిలీ స్టార్ సినిమా నుంచి సర్ప్రైజ్ వచ్చింది. ఈ చిత్రం నుంచి ఫస్ట్ సాంగ్ ప్రోమో రిలీజ్ అయింది. ఫుల్ సాంగ్ డేట్ను కూడా మూవీ టీమ్ వెల్లడించింది.
Family Star First Song: ఫ్యామిలీ స్టార్ సందడి షురూ.. మెలోడియస్ సాంగ్ ప్రోమో రిలీజ్
Family Star First Song: రౌడీ హీరో విజయ్ దేవరకొండ నటిస్తున్న ‘ఫ్యామిలీ స్టార్’ సినిమా సందడి మొదలైంది. ఏప్రిల్ 5వ తేదీన ఈ చిత్రాన్ని రిలీజ్ చేయనున్నట్టు మూవీ టీమ్ ఇటీవలే పేర్కొంది. అయితే, ఇప్పటి నుంచే ఈ సినిమాకు బజ్ తెచ్చేందుకు రెడీ అయింది. గోతగీవిందం తర్వాత విజయ్ - దర్శకుడు పరశురాం కాంబినేషన్ మళ్లీ రిపీట్ అవుతుండటంతో ఈ చిత్రంపై భారీ అంచనాలు ఉన్నాయి. ఈ క్రమంలో ఫ్యామిలీ స్టార్ సినిమా నుంచి ఫస్ట్ సాంగ్ రెడీ అయింది. ‘నందనందనా’ అంటూ ఈ పాట ఉండనుంది. ఈ సాంగ్ ప్రోమో నేడు (ఫిబ్రవరి 5) రిలీజ్ అయింది.
ఫ్యామిలీ స్టార్ సినిమా నుంచి నందనందనా అంటూ ఈ పాట మెలోడియస్గా ఉంది. మ్యూజిక్ డైరెక్టర్ గోపీసుందర్ మరోసారి హృదయాన్ని హత్తుకునే ట్యూన్ ఇచ్చారని ఈ ప్రోమోను చూస్తే అర్థమవుతోంది. నందనందనా అనే హమ్మింగ్ ఆకట్టుకునేలా ఉంది. హీరోహీరోయిన్లు విజయ్ దేవరకొండ, మృణాల్ ఠాకూర్ ఈ ప్రోమోలో కనిపించారు. ఈ పాటను సిద్ధ్ శ్రీరామ్ పాడారని టీమ్ వెల్లడించింది. అనంత్ శ్రీరామ్ లిరిక్స్ రాశారు.
ఫుల్ సాంగ్ ఎప్పుడంటే..
ఫ్యామిలీ స్టార్ నుంచి ‘నందనందనా’ ఫుల్ పాట ఫిబ్రవరి 7న రానుంది. ఈ విషయాన్ని శ్రీ వెంకటేశ్వర క్రియేషన్స్ ప్రకటించింది. “ఫ్యామిలీ స్టార్ మ్యూజికల్ అడ్వెంచర్ ఓ మైమరిపించే మెలోడీతో మొదలుకానుంది. నందనందనా ప్రోమో వచ్చేసింది. పూర్తి పాట ఫిబ్రవరి 7వ తేదీన మీ ముందుకు రానుంది” ట్వీట్ చేసింది.
ఆ కాంబో మళ్లీ..
విజయ్ దేవరకొండ హీరోగా నటించిన గీతగోవిందం (2018) సినిమాలో ‘ఇంకేం.. ఇంకేం కావాలే’ పాట ఏ స్థాయిలో హిట్ అయిందో ప్రత్యేకంగా చెప్పాల్సిన అవసరం లేదు. ఆ పాటతో ఆ సినిమాకు ఫుల్ క్రేజ్ వచ్చింది. గోపీ సుందర్ స్వరపరిచిన ఆ పాటను సిద్ధ్ శ్రీరామ్ ఆలపించారు.
అనంత్ శ్రీరామ్ రిలిక్స్ అందించారు. డైరెక్టర్ పరుశురామ్ టేకింగ్ కూడా సరిగ్గా సరిపోయింది. దీంతో ఆ సాంగ్ ఫుల్ హిట్ అయింది. అయితే, ఫ్యామిలీ స్టార్లో ‘నందనందనా’ పాటకు అదే కాంబో రిపీట్ అవుతోంది. ఈ సాంగ్కు గోపీసుందర్ ట్యూన్స్ ఇవ్వగా.. సిద్ధ్ శ్రీరామ్ పాట పాడారు. అనంత్ శ్రీరామ్ సంగీతం అందించారు. ‘ఇంకేం.. ఇంకేం కావాలే’ కాంబో మళ్లీ రిపీట్ అవుతోంది. మరి.. ‘నందనందనా’ ఆ రేంజ్లో ఆకట్టుకుంటుందేమో చూడాలి.
ఫ్యామిలీ స్టార్ సినిమాలో విజయ్ సరసన మృణాల్ ఠాకూర్ హీరోయిన్గా నటిస్తున్నారు. ఈ చిత్రంలో పిల్లల తండ్రిగా పక్కా ఫ్యామిలీ మ్యాన్లా విజయ్ కనిపించనున్నారు. గ్లింప్స్లో ఉన్న ‘ఐరనే వంచాలా ఏంటి’ అనే డైలాగ్ బాగా ఫేమస్ అయింది. ఈ చిత్రాన్ని శ్రీ వెంకేటశ్వర క్రియేషన్స్ పతాకంపై దిల్రాజు, శిరీష్ నిర్మిస్తున్నారు.
ఎన్టీఆర్ హీరోగా నటించిన దేవర పార్ట్-1 వాయిదా పడడం ఖాయం కావటంతో ఇటీవలే రిలీజ్ డేట్ ఫిక్స్ చేసుకుంది ఫ్యామిలీ స్టార్. ఏప్రిల్ 5వ తేదీన ఈ చిత్రాన్ని రిలీజ్ చేయనున్నట్టు మేకర్స్ ప్రకటించారు. ముందుగా సంక్రాంతికే తీసుకొస్తామని ప్రకటించగా.. అప్పటికి సిద్ధం కాకపోవడంతో వాయిదా పడింది. ఎట్టకేలకు ఏప్రిల్ 5న ప్రేక్షకుల ముందుకు రానుంది.
టాపిక్