Kia EV9 India launch : ఇండియాలో కియా ఈవీ9 లాంచ్పై సూపర్ అప్డేట్..
18 December 2023, 14:32 IST
- Kia EV9 India launch : ఇండియాలోకి కియా ఈవీ9 వచ్చేసింది! ఈ ఎలక్ట్రిక్ ఎస్యూవీ లాంచ్పై సంస్థ కీలక అప్డేట్ ఇచ్చింది.
ఇండియాలో కియా ఈవీ9 లాంచ్పై సూపర్ అప్డేట్..
Kia EV9 India launch : ఇండియాలో కియా ఈవీ9 ఎలక్ట్రిక్ ఎస్యూవీ కోసం నిరీక్షణకు తెరపడనుంది! ఈ 3- రో ఎలక్ట్రిక్ వెహికిల్ని 2024లో లాంచ్ చేయనున్నట్టు.. కియా మోటార్స్ సంస్థ అధికారికంగా ప్రకటించింది. ఈ నేపథ్యంలో.. ఈ మోడల్ విశేషాలను ఇక్కడ తెలుసుకుందాము..
Stock Market News: శనివారమైనా రేపు స్టాక్ మార్కెట్ పని చేస్తుంది.. కారణం ఏంటంటే..?
Personal loan for business : వ్యాపారం కోసం పర్సనల్ లోన్ తీసుకుంటున్నాారా? తప్పు చేసినట్టే!
Stocks to buy today : ట్రేడర్స్ అలర్ట్.. ఈ రూ. 390 స్టాక్ని ట్రాక్ చేయండి- భారీ లాభాలు!
Mahindra XUV 3XO : గంటలో 50వేల బుకింగ్స్.. ఇదీ మహీంగ్స్ ఎక్స్యూవీ 3ఎక్స్ఓ క్రేజ్!
కియా ఈవీ9 ఎలక్ట్రిక్ ఎస్యూవీ వచ్చేస్తోంది..
ఇండియాలో ఎలక్ట్రిక్ వాహనాల సెగ్మెంట్కు మంచి డిమాండ్ కనిపిస్తోంది. దీనిని క్యాష్ చేసుకునేందుకు దేశ, విదేశ ఆటోమొబైల్ సంస్థ పోటీపడుతున్నాయి. అయితే.. ఇండియాలో కియాకు ఇప్పటివరకు ఒక్కటే ఈవీ ఉంది. అది.. కియా ఈవీ6. ఇక ఈవీ9 కూడా యాడ్ అయితే.. సంస్థకు చెందిన ఈవీ పోర్ట్ఫోలియో మరింత బలంగా తయారవుతుంది.
ఈ కియా ఈవీ9 ఎలక్ట్రిక్ ఎస్యూవీని.. 2023 జనవరిలో జరిగిన ఆటో ఎక్స్పోలో ప్రదర్శించింది కియా మోటార్స్. అప్పటి నుంచి ఈ మోడల్పై మంచి బజ్ నెలకొంది. వాస్తవానికి.. 2025లో ఈ మోడల్ని లాంచ్ చేస్తామని, ఆ సమయంలో చెప్పింది కియా మోటార్స్. కానీ ఇప్పుడు.. ఆ టైమ్ని 2024లోకి తీసుకొచ్చింది. టాటా మోటార్స్ ఆధిపత్యం అధికంగా ఉన్న ఇండియా ఈవీ సెగ్మెంట్లో 15శాతం మార్కెట్ వాటాను సంపాదించడమే లక్ష్యంగా పనిచేస్తోంది కియా మోటార్స్. ఈ టార్గెట్లో భాగంగానే.. కియా ఈవీ9ని ఇండియాలోకి తీసుకొస్తొంది. అంతేకాకుండా.. రానున్న 3ఏళ్లల్లో.. మూడు కొత్త మోడల్స్ని కూడా లాంచ్ చేస్తామని, వీటిల్లో రెండు ఈవీలు ఉంటాయని స్పష్టం చేసింది.
Kia EV9 Price in India : ఈవీ6ని తయారు చేసిన ఎలక్ట్రిక్ గ్లోబల్ మాడ్యులర్ ప్లాట్ఫామ్పైనే ఈ ఈవీ9 కూడా రూపుదిద్దుకుంటోంది. ఈ ఎలక్ట్రిక్ ఎస్యూవీని ఒక్కసారి ఛార్జ్ చేస్తే 541 కి.మీల దూరం ప్రయాణిస్తుంది. ఇందులో 150 కిలోవాట్ ఎలక్ట్రిక్ మోటార్ ఉంటుంది. 0-100 కేఎంపీహెచ్ని కేవలం 9.4 సెకన్లలో అందుకోగలుగుతుంది. కియా ఈవీ9లో ఆర్డబ్ల్యూడీ వర్షెన్ కూడా ఉంది. ఇందులో పవర్ఫుల్ 160 కిలోవాట్ ఎలక్ట్రిక్ మోటార్ ఉంటుంది.
ఈ ఈవీని అల్ట్రా-ఫాస్ట్ స్పీడ్తో ఛార్జ్ చేయవచ్చు. అంటే.. కేవలం 15 నిమిషాల ఛార్జింగ్తో దాదాపు 240 కి.మీల దూరం ప్రయాణించవచ్చని సంస్థ చెబుతోంది!
Kia EV9 launch in India : కియా ఈవీ9 టాప్ ఎండ్ వేరియంట్ పేరు జీటీ-లైన్. ఇందులో సరికొత్త టెక్నాలజీతో పాటు లెవల్ 3 అడాస్ సెటప్ ఉంటుంది. డ్రైవింగ్ పైలెట్ ఫీచర్తో.. జాతీయ రహదారులపై మనం డ్రైవ్ చేయాల్సిన అవసరమే ఉండదు! భద్రత కోసం 15 సెన్సార్లు, 360 డిగ్రీ ఫీల్డ్ వ్యూ కెమెరా వంటివి కూడా ఇందులో ఉంటాయి.
కియా ఈవీ9 ధర ఎంత?
కియా ఈవీ9 ఎలక్ట్రిక్ ఎస్యూవీ ధరకు సంబంధించిన వివరాలపై ప్రస్తుతం క్లారిటీ లేదు. కాగా.. ఇండియాలో ఉన్న కియా ఈవీ6 ఎక్స్షోరూం ధర రూ. 60.95లక్షలు- 65.95లక్షల మధ్యలో ఉంటుంది. చూస్తే.. ఈవీ9 ధర.. ఈవీ6కి తగ్గట్టు లేదా దాని కన్నా కాస్త ఎక్కువే ఉంటుందని మార్కెట్ వర్గాలు భావిస్తున్నాయి.
KIA EV9 India price : మరోవైపు సరికొత్త కియా కార్నివాల్పైనా అప్డేట్ ఇచ్చింది సంస్థ. 2024లోనే దీనిని ఇండియాలోకి తీసుకొస్తామని స్పష్టం చేసింది. ఇటీవలే.. ఈ ఎంపీవీని అంతర్జాతీయ మార్కెట్లో రివీల్ చేసింది సంస్థ.