Khammam Crime : దారుణం.. ఆస్తి తగాదాలో కూతుర్ని చంపేసిన తండ్రి

Khammam Crime News : ఖమ్మం జిల్లాలో దారుణం చోటుచేసుకుంది. ఓ తండ్రి తన కూతురు, అల్లుడుపై గడ్డపారతో అత్యంత కిరాతకంగా దాడి చేశాడు. వైరా మండలం తాటిపూడి గ్రామానికి చెందిన రాములు తన కూతురు ఉష, అల్లుడు రామకృష్ణలపై గడ్డపారతో ఏకకాలంలో విచక్షణారహితంగా దాడికి పాల్పడ్డాడు. ఈ దాడిలో తీవ్ర గాయాలపాలైన కూతురు ఉష అక్కడికక్కడే ప్రాణాలు వదిలింది.

అల్లుడు రామకృష్ణ ప్రాణాలతో కొట్టుమిట్టాడుతున్నాడు. ఆస్తి పంపకం విషయంలో గత కొద్ది రోజులుగా వారి మధ్య వివాదం చోటు చేసుకుంటుంది. ఈ క్రమంలో శుక్రవారం ఉదయం తీవ్ర ఆవేశానికి గురైన తండ్రి రాములు కూతురు, అల్లుడుపై దాడికి పాల్పడి కూతురు ప్రాణాలను పక్కన పెట్టుకున్నాడు. ఈ అమానవీయ ఘటన జిల్లాలో కలకలం రేపింది. మంటగలుస్తున్న మానవ సంబంధాలకు ఈ ఉదంతం మచ్చుతునకగా నిలిచింది.

రిపోర్టింగ్ - కాపర్తి నరేంద్ర, ఖమ్మం.