Venus transit: శుక్రుడి శుభ ప్రభావంతో ఈ రాశుల ఇంట దీపావళి ముందే రాబోతుంది- చేతినిండా డబ్బే

నవగ్రహాలలో సంపదను ఇచ్చే గ్రహంగా శుక్రుడిని భావిస్తారు. ఆసురుల అధిపతిగా పిలుస్తారు. నిర్ధిష్ట కాలం తర్వాత శుక్రుడు తన రాశిని మార్చుకుంటాడు. అలా ప్రస్తుతం తులా రాశిలో ఉన్న శుక్రుడు మరో మూడు రోజుల్లో వృశ్చిక రాశిలోకి ప్రవేశిస్తాడు.

దసరా మరుసటి రోజు అంటే అక్టోబర్ 13 నుంచి శుక్రుడు వృశ్చిక రాశిలో తన ప్రయాణం ప్రారంభిస్తాడు. ఈ రాశి మార్పు పన్నెండు రాశుల మీద ప్రభావం చూపినప్పటికీ కొందరికి మాత్రం సంపద, శ్రేయస్సు, ఆనందాన్ని ఇస్తుంది. మిగతా వారికి మాత్రం ఇబ్బందులు, వైవాహిక జీవితంలో సమస్యలు సృష్టిస్తుంది. వృశ్చికంలో శుక్రుడి సంచారం ఐదు రాశుల వారిని ధనవంతులను చేయబోతుంది. అందులో మీ రాశి ఉందో లేదో చూసుకోండి.

వృషభ రాశి

శుక్ర సంచారం వృషభ రాశి వారికి గొప్ప విజయాలను అందించబోతుంది. ఆరోగ్య సమస్యలు సమసిపోతాయి. మీరు తీసుకునే కొన్ని నిర్ణయాలు ఊహించని విధంగా ప్రశంసలు తీసుకొస్తాయి. వృత్తి, వ్యాపారాల్లో పురోభివృద్ధి ఉంటుంది. వ్యాపారం ప్రారంభించాలని అనుకుంటే అందుకు ఇది అనుకూలమైన సమయం. న్యాయపరమైన చిక్కుల నుంచి విముక్తి కలుగుతుంది. డబ్బు ఖర్చుల విషయంలో కాస్త జాగ్రత్త వహించాలి.

కర్కాటక రాశి

ప్రేమ, వైవాహిక జీవితం మీద శుక్రుడి శుభ ప్రభావం ఉంటుంది. ప్రేమికులు పెళ్లి పీటలు ఎక్కబోతున్నారు. విద్యార్థులకు ఈ సమయం ప్రయోజనకరంగా ఉంటుంది. పోటీ పరీక్షల్లో రాణిస్తారు. పిల్లల వైపు నుంచి శుభవార్తలు అందుతాయి. కుటుంబ సభ్యులు, ఉన్నతాధికారుల నుంచి సహాయ సహకారాలు లభిస్తాయి. వ్యాపారంలో పెట్టుబడులు పెడితే లాభాలు గడిస్తారు.

సింహ రాశి

శుక్ర సంచారం సింహ రాశి వారికి మేలు చేస్తుంది. వాహనం, ఆస్తి మొదలైన వాటిని కొనుగోలు చేస్తారు. వ్యాపారస్తులు చేతి నిండా సంపాదిస్తారు. ప్రభుత్వ ఉద్యోగాలు చేస్తున్న వారికి శుభ వార్తలు అందుతాయి. విదేశాలకు వెళ్లేందుకు ప్రయత్నిస్తున్న వారికి మంచి సదావకాశం లభిస్తుంది. పూర్వీకుల ఆస్తులకు సంబంధించి వివాదాలు పరిష్కారం అవుతాయి.

వృశ్చిక రాశి

శుక్రుడి సంచారం వృశ్చిక రాశిలోనే జరగబోతుంది. అందువల్ల ఏ పని తలపెట్టినా విజయం ఈ రాశి వారినే వరిస్తుంది. ఖరీదైన వస్తువులు కొనుగోలు చేస్తారు. కొన్ని పనుల్లో ప్రభుత్వం పూర్తి సహాయ సహకారాలు మీకు అందిస్తుంది. వ్యాపారాలు చేసే వాళ్ళు కొత్త ఒప్పందాలు చేపడతారు. కొత్తగా వివాహం చేసుకున్న దంపతులకు సంతానం కలిగే అవకాశాలు ఉన్నాయి. ఆర్థిక విషయాల్లో మనసు సంతృప్తికరంగా ఉంటుంది. దీపావళి పండుగ ఈ రాశి వారికి ముందుగానే వచ్చినట్టు అనిపిస్తుంది.

మకర రాశి

మకర రాశి వారికి శుక్రుడు వృత్తి, ఉద్యోగ జీవితంలో విజయాన్ని చేకూరుస్తాడు. ఈ సమయంలో మీరు అనుకున్న పనులన్నీ నెరవేరతాయి. ప్రభుత్వ ఉద్యోగం కోసం ఎదురు చూస్తున్న వారికి సమయం అనుకూలంగా ఉంటుంది. ఉద్యోగంలో ఉన్నతాధికారులు అండగా నిలుస్తారు.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.