Saturn Sun Conjunction: శని, సూర్యుడి కలయిక.. ఈ రాశుల వారిని అదృష్టం తలుపు తట్టనుంది

Saturn sun conjunction: న్యాయాధిపతి, కర్మల దేవుడిగా శని దేవుడిని పరిగణిస్తారు. ప్రస్తుతం శని కుంభ రాశిలో ఉన్నాడు. 2024 సంవత్సరం మొత్తం ఈ రాశిలోనే సంచరిస్తాడు. 2025 వరకు ఈ రాశిలోనే ఉంటాడు. శని శుభ స్థానంలో ఉంటే ఆ రాశి జాతకులకు అన్నింటా మేలు జరుగుతుంది. అదే శని స్థానం అశుభంగా ఉంటే మాత్రం కొన్ని కష్టాలు ఎదుర్కోవాల్సి వస్తుంది. కుంభ రాశిలో ఇతర గ్రహాల ప్రవేశం కారణంగా శని దేవుడితో అనేక గ్రహాల కలయిక ఏర్పడబోతుంది. గ్రహాల రారాజుగా పిలిచే సూర్యుడు శనితో కలిసి కొన్ని రాశుల వారికి అదృష్టం ప్రసాదించనున్నాడు.

ఫిబ్రవరి 13 సాయంత్రం సూర్యుడు కుంభ రాశిలోకి ప్రవేశిస్తాడు. ఇప్పటికే అక్కడ ఉన్న శనితో సూర్యుడి కలయిక కారణంగా కొన్ని రాశులకు చాలా అనుకూలంగా ఉండబోతుంది. కుంభ రాశిలో సూర్యుడు, శని కలయిక వల్ల ఏయే రాశుల వారికి అదృష్టం తలుపు తట్టనుందో తెలుసుకుందాం.

మిథున రాశి

శని, సూర్యుడి కలయిక వల్ల మిథున రాశి వారికి ఎంతో ప్రయోజనకరంగా ఉండబోతుంది. కెరీర్ లో పురోగతి సాధిస్తారు. ఎప్పటి నుంచో ఉద్యోగులు ఎదురుచూస్తున్న ప్రమోషన్ ఈ సమయంలో వీరిని వరించే అవకాశం ఉంది. పదోన్నతి పొందేందుకు అవసరమైన ముఖ్యమైన పనులు సకాలంలో పూర్తి చేయాల్సి ఉంటుంది. ఒంటరిగా జీవిస్తున్న వ్యక్తుల జీవితంలో ప్రత్యేకమైన వ్యక్తి ప్రవేశం ఉంటుంది. ఈ సమయంలో మీకు సమాజంలో మంచి గౌరవం, కీర్తి, ప్రతిష్టలు పెరుగుతాయి. పూర్తి ఆత్మవిశ్వాసంతో ముందుకు సాగుతారు. మీకు అప్పగించిన ప్రతి పనిని బాధ్యతతో పూర్తి చేసి ఉన్నతాధికారుల ప్రశంసలు పొందుతారు. శత్రువులపై విజయం సాధిస్తారు. ధార్మిక, ఆధ్యాత్మిక కార్యక్రమాల్లో పాల్గొనే అవకాశం ఉంటుంది.

సింహ రాశి

కుంభ రాశిలో సూర్యుడు, శని కలయిక వల్ల సింహ రాశి వారికి శుభ దినాలు మొదలవుతాయి. ఈ రాశి వారి వైవాహిక జీవితంలో ఏర్పడిన విభేదాలు తొలగిపోతాయి. భార్యాభర్తల మధ్య ప్రేమానురాగాలు చిగురిస్తాయి. వ్యాపారం చేసే వారికి మంచి ఇన్వెస్టర్స్ దొరుకుతారు. ఆర్థిక పరిస్థితి బలంగా ఉంటుంది. డబ్బు రాక వల్ల ఆదాయం పెరుగుతుంది. ప్రయాణాలు చేసే అవకాశం ఉంది. శ్రమకి తగిన ఫలితం పొందుతారు. అన్ని పనుల్లో ఆశించిన విజయం సాధిస్తారు.

మకరం

సూర్యుడు, శని కలయిక మకర రాశి వారికి శుభదాయకంగా ఉంటుంది. ఇతరుల్లో మీ గౌరవం రెట్టింపు అవుతుంది. పని చేసే ప్రాంతంలో మీరు ప్రశంసలు అందుకుంటారు. పోటీ పరీక్షలకి సన్నద్ధమవుతున్న విద్యార్థులకు సమయం అనుకూలంగా ఉంటుంది. ఈ సమయంలో మీ మనసు ఇతర విషయాల మీద కాకుండా చదువు మీద పెట్టాలి. ఆరోగ్య సమస్యలు తలెత్తే అవకాశం ఉంది. అందుకే ఆరోగ్యం మీద ప్రత్యేక శ్రద్ధ వహించండి.