Jupiter transit: చంద్రుడి నక్షత్రంలో బృహస్పతి సంచారం- విదేశాల్లో ఉద్యోగం, వీరి కల నెరవేరే సమయం ఇది

నవగ్రహాలలో అత్యంత శుభకరమైన గ్రహంగా దేవగురువు బృహస్పతిని పరిగణిస్తారు. శుభకార్యాలు, వివాహాలు మొదలైన వాటికి బృహస్పతి స్థానం తప్పనిసరిగా చూస్తారు. అటువంటి బృహస్పతి ఏడాదికి ఒకసారి తన రాశిని మార్చుకుంటాడు.

నిర్ధిష్ట సమయం తర్వాత నక్షత్రాన్ని కూడా మారుస్తాడు. ఈ ఏడాది మొత్తం బృహస్పతి వృషభ రాశిలో సంచరిస్తాడు. ఇప్పుడు తన నక్షత్రాన్ని మార్చబోతున్నాడు. బృహస్పతి నక్షత్ర మార్పు కారణంగా అన్ని రాశిచక్ర గుర్తులు ప్రభావితమవుతాయి. నవంబర్ చివరి రోజులలో బృహస్పతి మృగశిర నక్షత్రం నుండి రోహిణి నక్షత్రంలోకి ప్రవేశిస్తాడు. దృక్ పంచాంగ్ ప్రకారం బృహస్పతి నవంబర్ 28 మధ్యాహ్నం 1:10 గంటలకు చంద్రుడికి చెందిన రోహిణి నక్షత్రంలో సంచరిస్తాడు. 2025 ఏప్రిల్ 10 వరకు బృహస్పతి ఇదే నక్షత్రంలో ఉంటాడు. ఈ నక్షత్రానికి అధిపతి చల్లని మనసు కలిగిన చంద్రుడు. బృహస్పతి నక్షత్ర మార్పు కారణంగా కొన్ని రాశిచక్ర గుర్తులకు సమయం చాలా అదృష్టమని భావిస్తారు. చంద్రుడి నక్షత్రంలో బృహస్పతి సంచారం వల్ల ఏయే రాశుల వారికి రోజులు లాభదాయకంగా ఉంటాయో తెలుసుకుందాం.

ధనుస్సు రాశి

బృహస్పతి నక్షత్ర సంచారం తులా రాశి వారికి ప్రయోజనకరంగా ఉంటుంది. ఆర్థిక సమస్యలు తొలిగిపోతాయి. వ్యాపారంలో డబ్బు విషయంలో నెలకొన్న ఒత్తిడికి తెరపడుతుంది. అదే సమయంలో మీ జ్ఞానంతో మీరు మీ పనితీరును కూడా మెరుగుపరుస్తారు. మీ జీవిత భాగస్వామికి సమయం ఇవ్వండి. ఆరవ ఇంట్లో సంచరించడం వీరికి అకస్మాత్తుగా డబ్బు చేతికి అందుతుంది. పొదుపు చేయగలుగుతారు. ఎప్పటి నుంచో ఎదురుచూస్తున్న కల నెరవేరబోతుంది.

కర్కాటక రాశి

బృహస్పతి ఈ నక్షత్ర సంచారము కర్కాటక రాశి వారికి చాలా ప్రయోజనకరంగా పరిగణించబడుతుంది. రాబోయే కాలంలో మీ వ్యూహం విజయవంతం కావచ్చు. ఉద్యోగ రీత్యా ప్రయాణం చేయవలసి రావచ్చు. ఆరోగ్యం మెరుగ్గా ఉంటుంది. ఆరోగ్యకరమైన ఆహారం తీసుకుంటూ ఉండండి. వ్యాపారంలో కూరుకుపోయిన డబ్బు తిరిగి పొందవచ్చు. బృహస్పతి ఈ రాశి పదకొండవ ఇంట్లో సంచరిస్తాడు. ఇది అదృష్టానికి గృహంగా భావిస్తారు. నిరుద్యోగులకు ఇది కలిసి వచ్చే కాలం. ఉద్యోగం కోసం ఎదురు చూస్తున్న వీరికి కొత్త ఆఫర్లు లభిస్తాయి. గౌరవం పెరుగుతుంది. నూతన ఆదాయ మార్గాలు ఏర్పడతాయి.

సింహ రాశి

సింహ రాశి వారికి బృహస్పతి సంచారం శుభప్రదంగా ఉంటుంది. పోటీ పరీక్షలకు సిద్ధమవుతున్న విద్యార్థులు చదువుపై ఎక్కువగా దృష్టి పెడతారు. మంచి ప్రణాళికతో వ్యాపారంలో లాభాలను ఆర్జించవచ్చు. మీ ఆరోగ్యాన్ని జాగ్రత్తగా చూసుకోండి, జంక్ ఫుడ్ తినకుండా ఉండండి. ఆర్థికంగా లాభపడే అవకాశం ఉంది. తల్లిని జాగ్రత్తగా చూసుకోండి. కొత్త వ్యాపారం ప్రారంభించాలనుకుంటే ఇదే అనువైన సమయం. విదేశాల్లో ఉద్యోగం చేసే అవకాశం దొరుకుతుంది. పెండింగ్ లో ఉన్న పనులు పూర్తవుతాయి.

గమనిక : పైన ఇచ్చిన సమాచారం నమ్మకాల మీద ఆధారపడి ఉంది. ఇంటర్నెట్‌లో దొరికిన వివరాల ఆధారంగా ఇచ్చాం. ఇది కేవలం సమాచారం కోసం మాత్రమే. పైన చెప్పిన విషయాలకు HT Telugu ఎలాంటి బాధ్యత వహించదు. మీకు ఏమైనా అనుమానాలు ఉంటే సంబంధిత నిపుణులను సంప్రదించండి.