Mercury Transit: ఈ నాలుగు రాశుల వారికి ఇబ్బందులు! మరింత జాగ్రత్త అవసరం

గ్రహాలకు రాకుమారుడిగా భావించే బుధుడి సంచారానికి జ్యోతిషంలో చాలా ప్రాముఖ్యత ఉంటుంది. తెలివితేటలు, స్నేహం, వాక్చాతుర్యం, ఏకాగ్రతకు కారకుడిగా బుధుడిని భావిస్తారు. అందుకే బుధుడి సంచారం రాశులపై ఎక్కువ ప్రభావం చూపుతుంది. 

అక్టోబర్ 10వ తేదీన తులారాశిలోకి బుధుడు ప్రవేశిస్తాడు. అక్టోబర్ 29వ తేదీ వరకు తులాలోనే బుధుడు సంచరిస్తాడు. ఈ కాలంలో కొన్ని రాశుల వారికి ఇబ్బందులు ఎదురయ్యే అవకాశాలు ఉంటాయి. వారు మరింత అప్రమత్తంగా ఉండాలి. ఆ రాశులు ఏవంటే..

సింహం: ఈకాలం సింహరాశి వారికి కూడా శుభప్రదంగా ఉండదు. వీరి పని తీరు తగ్గే అవకాశం ఉంటుంది. కార్యాలయాల్లో మీపై ఫిర్యాదులు వచ్చే ఛాన్స్ ఉంటుంది. పొరపాట్ల వల్ల గౌరవం తగ్గే సూచనలు ఉన్నాయి. అందుకే ఈ కాలంలో మీరు మరింత అప్రమత్తంగా ఉండాలి. 

మేషరాశి: తులారాశిలో బుధుడి సంచారం.. మేషరాశి వారికి మంచిది కాదు. ఈ కాలంలో వీరికి ఆత్మవిశ్వాసం తగ్గుతుంది. శత్రువుల నుంచి ఇబ్బందులు తలెత్తవచ్చు. ఆదాయం తగ్గే అవకాశాలు ఉంటాయి. అందుకే ఈ విషయాల్లో మరింత జాగ్రత్తగా వ్యవహరించాలి. 

తుల: ఈరాశిలోనే బధుడు సంచరించనున్నాడు. ఈ కాలంలో తులారాశి వారికి కొన్ని విషయాల్లో కలిసి రాకపోవచ్చు. ఆర్థికంగా కష్టాలు ఎదురయ్యే అవకాశాలు ఉంటాయి. వ్యాపారాలు కాస్త మందకొడిగా సాగొచ్చు. విద్యార్థులు చదువుపై మరింత అధిక దృష్టి పెట్టాలి. 

కుంభం: తులారాశిలో బుధుడు సంచరించే కాలం కుంభ రాశి వారికి అంత ప్రయోజనకరంగా ఉండదు. ఆర్థికంగా సంక్షోభం ఏర్పడే ఛాన్స్ ఉంది. ఇంట్లో అశాంతి నెలకొనొచ్చు. ఆరోగ్యం విషయంలో మరింత జాగ్రత్తలు పాటించాలి. (గమనిక: శాస్త్రాలు, విశ్వాసాల ఆధారంగా ఈ సమాచారం అందించాం. వీటికి కచ్చితమైన ఆధారాలు ఉండవు. వ్యక్తిగత ప్రభావాలు, సందేహాలను తీర్చుకునేందుకు సంబంధిత నిపుణులను సంప్రదించవచ్చు.)