Juneteenth day : బానిసత్వ సంకెళ్లకు విముక్తి.. అమెరికాలో 'జూనిటీన్త్​' చరిత్ర ఇది..

Juneteenth day significance : జూన్​ 19ని అమెరికావ్యాప్తంగా 'జూనిటీన్త్​' అని పిలుస్తుంటారు. జూన్​- 19 నెంబర్​ను కలిపి.. జూనిటీన్త్​ అని పిలుస్తారు. శతాబ్దాల క్రితం.. అమెరికాలో బానిసలకు విముక్తి కలిగిన రోజు ఇది! ఇదొక ఫెడరల్​ హాలీడే. ఇది.. అమెరికాకు రెండో స్వాతంత్ర్య దినోత్సవం అని, ఆఫ్రికన్​ అమెరికన్లకు సాతంత్ర్య దినోత్సవమని పిలుస్తుంటారు. ఈ జూనిటీన్త్​ వెనుక ఓ పెద్ద కథ ఉంది. అదేంటంటే..

లింకెన్​ ఆదేశాలు చేరేందుకు రెండేళ్లు..!

అవి అమెరికాలో అంతర్యుద్ధం జరుగుతున్న రోజులు. అమెరికా రెండుగా విడిపోయింది! ఒకటి తిరుగుబాటుదారులతో కూడిన కాన్ఫెడరేట్​ స్టేట్స్​, రెండు అధ్యక్షుడు అబ్రహం లింకెన్​ ఉన్న యూనియన్​. తిరుగుబాటుదారులు.. యూనియన్​లో చేరితే కాన్ఫెడరేట్​లోని దక్షిణాది రాష్ట్రాల్లో జీవిస్తున్న బానిసలకు విముక్తి కలిగిస్తామని.. 1862 సెప్టెంబర్​ 22న లింకెన్​ ప్రకటించారు. 1863, జనవరి 1న ఇది అమల్లోకి వస్తుందని స్పష్టం చేశారు. లింకెన్​ చెప్పినట్టు.. చాలా రాష్ట్రాల్లో ఆ రోజున ఆయన ఆదేశాలు అమల్లోకి వచ్చాయి. ఫలితంగా 30లక్షలకుపైగా మందికి బానిసత్వం చెర నుంచి విముక్తి లభించింది. వీరిలో చాలా మంది ఆఫ్రికన్​ అమెరికన్లే ఉన్నారు.

కానీ కొన్ని కాన్ఫెడరేట్​ స్టేట్స్​లో బానిసత్వం కొనసాగింది. వీటిల్లో టెక్సాస్​ కూడా ఉంది. కాగా.. బానిసత్వాన్ని అంతమొందించేందుకు యూనియన్​ ట్రూప్స్​ చాలా కష్టపడ్డాయి. ఒక్కో రాష్ట్రంలోకి వెళ్లి లింకెన్​ ఆదేశాలను అమలు చేశాయి. టెక్సాస్​ రాష్ట్రం.. అమెరికాలో మారుమూల ప్రాంతంగా ఉండటంతో అక్కడ యూనియన్​కు చెందిన దళాల ప్రభావం తక్కువగా ఉండేది.

Juneteenth day meaning : ఇలా రెండేళ్లు గడిచింది. చివరికి.. జూన్​ 19 1865లో యూనియన్​ దళాలు టెక్సాస్​లోకి అడుగుపెట్టాయి. ఆఫ్రికన్​ అమెరికన్లకు రెండేళ్ల క్రితమే బానిసత్వం నుంచి విముక్త లభించిందని ప్రకటించారు.

"అమెరికాలోని బానిసలకు విముక్తి లభించిందని టెక్సాస్​ ప్రజలకు చెబుతున్నాము. అంటే.. ఇక నుంచి మాస్టర్లు, బానిసలకు సమానమైన హక్కులు ఉంటాయి. ఎవరు మాస్టర్లు కాదు.. ఎవరు బానిసలు కారు. మాస్టర్లు, బానిసల స్థానంలో ఎంప్లాయర్​లు, లేబర్​- వర్కర్లు అని పిలవాలి," అని ఐల్యాండ్​ ఆఫ్​ గాల్వెస్టన్​లోని ప్రజలకు చదివి వినిపించారు యూనియన్​ మేజర్​ జనరల్​ గార్డన్​ గ్రెంజర్​. అలా టెక్సాస్​లోని బానిసలకు విముక్తి లభించింది.

ఆనందం.. సంతోషం..

What is Juneteenth day : ఇది తెలుసుకున్న ప్రజలు సంబరాలు చేసుకున్నారు. ప్రార్థనలు చేస్తూ, పాటలు పాడుకుంటూ, విందు భోజనాలు ఆరగిస్తూ ఆ రోజును గడిపారు. ఆ మరుసటి ఏడాదిన వచ్చిన జూన్​ 19ని జూనిటెన్త్​గా పిలిచారు. అప్పటి నుంచి ఆరోజున టెక్సాస్​ వ్యాప్తంగా వేడుకలు జరుగుతున్నాయి. కొన్ని సంవత్సరాల తర్వాత.. అమెరికాలోని ఇతర రాష్ట్రాల ప్రజలు కూడా జూనిటీన్త్​ని వేడుకగా జరుపుకోవడం మొదలుపెట్టారు.

జూనిటీన్త్​ను 1980లో అధికారికంగా గుర్తించింది టెక్సాస్​. 2002 నాటికి 8 రాష్ట్రలు జూనిటీన్త్​ను అధికారికంగా గుర్తించారు. 2008 నాటికి సగానికిపైగా అమెరికా దేశాలు ఈ చర్యలు చేపట్టాయి. 2019 నాటికి 47 రాష్ట్రాలతో పాటు డిస్ట్రిక్ట్​ ఆఫ్​ కొలంబియా సైతం.. జూనిటీన్త్​ని అధికారికంగా గుర్తించింది.