Trusted Hatchback: 25 సంవత్సరాలు.. 30 లక్షల సేల్స్; ఈ కారు భారతీయుల ‘దిల్ కీ ధడ్కన్’
Trusted Hatchback: భారతీయులు అత్యంత విశ్వసించే కారు బ్రాండ్స్ లో మారుతి సుజుకీ. ఈ బ్రాండ్ ను భారతీయులు తమ సొంత బ్రాండ్ గా భావిస్తారు. మారుతి సుజుకీ కూడా భారతీయుల విశ్వాసాన్ని నిలబెట్టుకుంటూనే ఉంది. అలా మారుతి సుజుకీ నుంచి వచ్చిన ఈ హ్యాచ్ బ్యాక్ కూడా భారతీయుల ఫ్యామిలీ మెంబర్ గా మారింది.
Maruti Suzuki WagonR: మారుతి సుజుకి వేగన్ ఆర్ భారతదేశంలో 25వ వసంతంలోకి అడుగుపెట్టింది. 1999 డిసెంబర్ 18న తొలిసారిగా లాంచ్ అయిన వేగన్ఆర్ గత రెండున్నర దశాబ్దాలుగా మారుతి సుజుకి కి అత్యంత విజయవంతమైన మోడళ్లలో ఒకటిగా నిలిచింది. ప్రారంభంలో పట్టణ ప్రయాణ కారుగా స్థానం పొందిన మారుతి వ్యాగన్ఆర్ పట్టణ, సెమీ అర్బన్ ల మధ్య అంతరాన్ని పూడ్చగలిగింది. హ్యుందాయ్ (hyundai cars) శాంత్రో, టాటా ఇండికా, డేవూ మాటిజ్ వంటి దాని ప్రారంభ ప్రత్యర్థులు మరుగున పడిపోయినప్పటికీ, వ్యాగన్ఆర్ చిన్న కార్ల ఆటలో తిరుగులేని విజేతగా నిలిచింది.
30 లక్షల అమ్మకాలు..
గత 25 సంవత్సరాలలో, మారుతి సుజుకి దేశంలో మూడు మిలియన్ యూనిట్లకు పైగా (32 లక్షలు) వ్యాగన్ఆర్ కార్లను విక్రయించింది. బంగ్లాదేశ్, భూటాన్, నేపాల్ వంటి అనేక విదేశీ మార్కెట్లకు సుజుకి మోనికర్ బ్రాండ్ పేరుతో ఎగుమతి చేసింది.
మారుతి వ్యాగన్ ఆర్ ఎందుకు ప్రాచుర్యం పొందింది?
బయటి నుంచి వచ్చిన బాక్సీ స్టైలింగ్ కారణంగా వ్యాగన్ ఆర్ కు మొదట్లో మిశ్రమ స్పందన లభించింది. కానీ దాని విశాలమైన క్యాబిన్, విశ్వసనీయత, శక్తిమంతమైన 1.1-లీటర్ పెట్రోల్ ఇంజన్.. ఈ కారును ప్రజలు ఆదరించేలా చేశాయి. భారత్ లో చిన్న కార్లలో పవర్ స్టీరింగ్, ఫ్రంట్ పవర్ విండోస్ రెండింటినీ అందించిన మొదటి కారు వాగన్ ఆర్ అన్న మీకు తెలుసా?
అప్ డేట్స్ తో మరింత కొత్తగా..
కొన్నేళ్లుగా, కాస్మెటిక్, జనరేషన్ మార్పులు రెండూ భారతదేశంలో బడ్జెట్ కొనుగోలుదారులకు వాగన్ఆర్ గట్టి ఫేవరెట్ గా ఉన్నాయని నిర్ధారించాయి. ప్రస్తుత తరం వ్యాగన్ఆర్ విశాలమైనది. నమ్మదగినది. మంచి రీసేల్ విలువను కలిగి ఉంది. కొత్త వేగన్ ఆర్ రెండు పెట్రోల్ ఇంజన్ ఆప్షన్స్ తో పాటు కంపెనీ-ఫిటెడ్ సీఎన్జీ ఆప్షన్ తో లభిస్తుంది. ఇది 5-స్పీడ్ ఆటోమేటిక్ గేర్ షిఫ్ట్ లేదా ఏజీఎస్ ఆప్షన్లలో లభిస్తుంది.
డ్యూయల్-టోన్ కలర్స్ లో..
మారుతి సుజుకి (maruti suzuki) వ్యాగన్ ఆర్ టాప్ వేరియంట్స్ డ్యూయల్-టోన్ కలర్స్ లో, అల్లాయ్ వీల్స్ తో వస్తున్నాయి. 2024 ఆర్థిక సంవత్సరంలో, వ్యాగన్ఆర్ దేశంలో వరుసగా మూడవసారి అత్యధికంగా అమ్ముడైన ప్యాసింజర్ వాహనంగా అవతరించింది.
ఇవి మైనస్ పాయింట్లు..
కానీ ఇటీవలి సంవత్సరాలలో ఈ మోడల్ గట్టి పోటీ ఎదుర్కొంటోంది. అంతేకాదు, కొన్ని మైనస్ పాయింట్ల కారణంగా సేల్స్ మందగించాయి. ఆ మైనస్ పాయింట్లు ఏంటంటే.. గ్లోబల్ ఎన్సీఏపీ క్రాష్ టెస్ట్ లలో ఈ మోడల్ వన్ స్టార్ రేటింగ్ ను మాత్రమే సాధించింది. ఇది చాలా పూర్ సేఫ్టీ రేటింగ్. అయితే మారుతి తన అన్ని మోడళ్లు భారతీయ భద్రతా ప్రమాణాలకు అనుగుణంగా ఉన్నాయని పేర్కొంది. ఎస్ యూవీ బాడీ టైప్ కు కూడా వినియోగదారుల్లో ప్రాధాన్యత పెరుగుతోంది. దాంతో, నిస్సాన్ మాగ్నైట్ వంటి మోడళ్లు వేగన్ ఆర్ ధరలోనే అందుబాటులో ఉంటున్నాయి. రూ.10 లక్షల లోపు కేటగిరీలో మొదటిసారి కారు కొనేవారిలో.. ఒకప్పుడు వేగన్ ఆర్ ను కొనేవారికి ఇప్పుడు వేరే చాలా ఆప్షన్స్ అందుబాటులోకి వచ్చాయి.
