Realme 14X 5G launch: మిలిటరీ గ్రేడ్ షాక్ రెసిస్టెన్స్ సర్టిఫికేషన్ తో రియల్మీ 14ఎక్స్ 5జీ లాంచ్

Realme 14X 5G launch: రియల్మీ తన లేటెస్ట్ బడ్జెట్ ఫ్రెండ్లీ స్మార్ట్ఫోన్ రియల్మీ 14ఎక్స్ 5జీ స్మార్ట్ ఫోన్ ను భారత్ లో లాంచ్ చేసింది. ఇందులో 6,000 ఎంఏహెచ్ బ్యాటరీ, మీడియాటెక్ డైమెన్సిటీ 6300 చిప్సెట్ ను అమర్చారు. ఇది ఎస్జిఎస్ మిలిటరీ-గ్రేడ్ షాక్ రెసిస్టెన్స్ టెస్ట్ లో ఉత్తీర్ణత సాధించి, మిలిటరీ-గ్రేడ్ షాక్ రెసిస్టెన్స్ సర్టిఫికేషన్ ను పొందింది.

రియల్మీ 14ఎక్స్ 5జీ స్పెసిఫికేషన్లు, ఫీచర్లు

రియల్మీ 14ఎక్స్ 5జీ 6.67 అంగుళాల హెచ్డీ+ డిస్ప్లే, 1604×720 పిక్సెల్ రిజల్యూషన్, 120 హెర్ట్జ్ రిఫ్రెష్ రేట్ తో వస్తోంది. రియల్మీ 14ఎక్స్ 5జీ లో ఆక్టాకోర్ మీడియాటెక్ డైమెన్సిటీ 6300 చిప్సెట్, 8 జీబీ వరకు ర్యామ్ ఉంటుంది. మైక్రో ఎస్ డీ కార్డు ద్వారా స్టోరేజ్ ను 2 టీబీ వరకు పెంచుకునే వెసులుబాటు ఉంది. అదనంగా, ఈ స్మార్ట్ఫోన్ 10 జీబీ వరకు డైనమిక్ ర్యామ్ ను సపోర్ట్ చేస్తుంది. ఈ స్మార్ట్ ఫోన్లో (smartphones) డ్యూయల్ సిమ్ కార్డులను ఉపయోగించవచ్చు. ఇది రియల్మీ యుఐ 5.0 తో ఆండ్రాయిడ్ 15 పై పనిచేస్తుంది. ఇందులో 50 మెగాపిక్సెల్ రియర్ కెమెరా, 8 మెగాపిక్సెల్ ఫ్రంట్ కెమెరా ఉన్నాయి. సైడ్-మౌంటెడ్ ఫింగర్ ప్రింట్ సెన్సార్, అల్ట్రా-లీనియర్ బాటమ్-పోర్ట్ స్పీకర్ దీని పనితీరును మరింత మెరుగుపరుస్తాయి. సోనిక్ వేవ్ వాటర్ ఎజెక్షన్, రెయిన్ వాటర్ స్మార్ట్ టచ్, ఐపీ69 డస్ట్ అండ్ వాటర్ రెసిస్టెన్స్ వంటి ఫీచర్లు కూడా ఈ స్మార్ట్ ఫోన్ లో ఉన్నాయి. కనెక్టివిటీ పరంగా రియల్ మీ 14ఎక్స్ 5జీ స్మార్ట్ ఫోన్ 5జీ, బ్లూటూత్ 5.3, డ్యూయల్ బ్యాండ్ వైఫైలకు సపోర్ట్ చేస్తుంది. 6,000 ఎంఏహెచ్ బ్యాటరీ 45వాట్ సూపర్ వూక్ ఫాస్ట్ ఛార్జింగ్ ను సపోర్ట్ చేస్తుంది.

రియల్మీ 14 ఎక్స్ 5 జీ ధర, లభ్యత

రియల్మీ 14 ఎక్స్ 5 జీ రెండు వేరియంట్లలో లభిస్తుంది. వాటిలో ఒకటి 6 జీబీ ర్యామ్ + 128 జీబీ స్టోరేజ్ వేరియంట్ . దీని ధర రూ .14,999. మరొకటి 8 జీబీ ర్యామ్ + 128 జీబీ స్టోరేజ్ వేరియంట్. దీని ధర రూ .15,999. ఈ స్మార్ట్ ఫోన్ క్రిస్టల్ బ్లాక్, గోల్డెన్ గ్లో, జువెల్ రెడ్ కలర్ లలో లభిస్తుంది. ఫ్లిప్ కార్ట్ (flipkart), రియల్మీ (realme) అధికారిక వెబ్సైట్, ఆఫ్ లైన్ స్టోర్ల ద్వారా కొనుగోలు చేయవచ్చు. అదనంగా, లాంచ్ ఆఫర్ (offers) లో భాగంగా, కస్టమర్లు బ్యాంక్ కార్డులపై రూ .1,000 తగ్గింపు (discounts), ఒక సంవత్సరం ఎక్స్టెండెడ్ వారంటీని పొందవచ్చు.