Weather update today : దక్షిణ భారతంలో భారీ వర్షాలు- ఈ ప్రాంతాలకు ఐఎండీ రెడ్​ అలర్ట్​.. జాగ్రత్త!

Hyderabad rain alert : నైరుతి రుతుపవనాల ప్రభావంతో దక్షిణ భారతంంలో వర్షాలు జోరుగా కురుస్తున్నాయి. ఈ నేపథ్యంలో.. కేరళ, కర్ణాటక, గోవాలో శనివారం భారీ వర్షాలు కురిసే అవకాశం ఉందని భారత వాతావరణ శాఖ (ఐఎండీ) హెచ్చరించింది. ఆయా రాష్ట్రాలకు రెడ్ అలర్ట్ ప్రకటించింది. దీంతో పాటు ఒడిశాకు ఆరెంజ్ అలర్ట్ హెచ్చరికలు ఇచ్చింది ఐఎండీ.

కాగా.. ఉత్తర భారతంలోని పలు ప్రాంతాల్లో మాత్రం భానుడి భగభగలు కొనసాగుతున్నాయి. ఈ రోజు వడగాల్పులు వీస్తాయని సూచిస్తూ ఉత్తర ప్రదేశ్​కు ఎల్లో అలర్ట్ జారీ చేసింది ఐఎండీ. నైరుతి రుతుపవనాలు రాబోయే మూడు రోజుల్లో ఈ ప్రాంతానికి ఉపశమనం కలిగిస్తాయని తెలిపింది.

Rains in Andhra Pradesh : జూన్ 25 నాటికి గుజరాత్, మహారాష్ట్ర, మధ్యప్రదేశ్, ఛత్తీస్​గఢ్​, ఒడిశా, పశ్చిమ బెంగాల్, ఝార్ఖండ్, బీహార్, ఉత్తరప్రదేశ్​లో నైరుతి రుతుపవనాలు మరింత పురోగతి సాధించడానికి వాతావరణ పరిస్థితులు అనుకూలంగా ఉన్నాయని ఐఎండీ వెల్లడించింది.

నైరుతి రుతుపవనాల ప్రభావం..

• పశ్చిమ బెంగాల్, సిక్కిం, అసోం, మేఘాలయ, అరుణాచల్ ప్రదేశ్​లలో రానున్న నాలుగు రోజుల్లో భారీ వర్షాలు కురిసే అవకాశం ఉంది. జూన్ 23, 24 తేదీల్లో పశ్చిమ బెంగాల్, సిక్కింలో, జూన్ 22న నాగాలాండ్, మణిపూర్, మిజోరం, త్రిపురలో భారీ వర్షాలు కురుస్తాయని వాతావరణ శాఖ తెలిపింది.
• జూన్ 21న ఐఎండీ విడుదల చేసిన వాతావరణ నివేదిక ప్రకారం 21-25 తేదీల్లో బీహార్, 21, 22 తేదీల్లో ఒడిశాలో భారీ వర్షాలు కురిసే అవకాశం ఉంది. జూన్ 24, 25 తేదీల్లో ఝార్ఖండ్, 22-25 తేదీల్లో అండమాన్ నికోబార్ దీవులు. 21న ఒడిశాలో, 24, 25 తేదీల్లో బిహార్​లో భారీ వర్షాలు కురిసే అవకాశం ఉంది.

• 21-25 తేదీల్లో కొంకణ్, గోవా, మధ్య మహారాష్ట్రలోని ఘాట్ ప్రాంతాల్లో భారీ నుంచి అతి భారీ వర్షాలు కురిసే అవకాశం ఉందని, 21, 23 తేదీల్లో గుజరాత్, 23 తేదీల్లో మరాఠ్వాడా, 21, 24, 25 తేదీల్లో ఆగ్నేయ రాజస్థాన్​లో భారీ నుంచి అతిభారీ వర్షాలు కురుస్తాయని తెలిపింది.

• జూన్ 25 వరకు కేరళ, కర్ణాటక, తమిళనాడు, జూన్ 22 వరకు తెలంగాణలో భారీ వర్షాలు కురుస్తాయని వాతావరణ శాఖ తెలిపింది.
• జూన్ 22, 23 తేదీల్లో కర్ణాటకలో, జూన్ 22, 24 తేదీల్లో గోవాలో, జూన్ 23న కేరళ, కర్ణాటకలో భారీ వర్షాలు కురుస్తాయని తెలిపింది.

Telangana rains : కానీ.. ఉత్తరప్రదేశ్​లో జూన్ 24 వరకు, జమ్ములో జూన్ 23 నుంచి 25 వరకు వడగాల్పులు వీస్తాయని ఐఎండీ తెలిపింది. పేర్కొన్న తేదీల తర్వాత ఈ ప్రాంతాల్లో వడగాలులు తగ్గుముఖం పట్టే అవకాశం ఉంది.

తెలుగు రాష్ట్రాల్లో వాతావరణం ఇలా..

హైదరాబాద్ లోని పలు ప్రాంతాల్లో శుక్రవారం వర్షం కురిసింది. మరో మూడు రోజుల పాటు కూడా తెలంగాణ వ్యాప్తంగా వర్షాలు కురిసే అవకాశం ఉంది. ఇక ఏపీకి కూడా ఐఎండీ వర్ష సూచన ఇచ్చింది. తాజా వెదర్ అప్డేట్స్ కోసం ఇక్కడ క్లిక్​ చేయండి.