Crime news : దారుణం.. తల్లి, భార్యను చంపి- పిల్లల్ని మేడ మీద నుంచి పడేసి.. చివరికి..!-up crime news man shoots mother bludgeons wife throws children from roof ,జాతీయ - అంతర్జాతీయ న్యూస్
తెలుగు న్యూస్  /  జాతీయ - అంతర్జాతీయ  /  Crime News : దారుణం.. తల్లి, భార్యను చంపి- పిల్లల్ని మేడ మీద నుంచి పడేసి.. చివరికి..!

Crime news : దారుణం.. తల్లి, భార్యను చంపి- పిల్లల్ని మేడ మీద నుంచి పడేసి.. చివరికి..!

Sharath Chitturi HT Telugu
May 11, 2024 01:35 PM IST

UP crime news latest : మద్యం, డ్రగ్స్​కి బానిసైన ఓ వ్యక్తి.. తన తల్లి, భార్యను కిరాతకంగా చంపేశాడు. అనంతరం.. తన ముగ్గురు పిల్లల్ని మేడ మీద నుంచి పడేసి హత్య చేశాడు. చివరికి.. తాను కూడా ఆత్మహత్య చేసుకుని ప్రాణాలు తీసుకున్నారు. ఈ ఘటన ఉత్తర్​ ప్రదేశ్​లో చోటుచేసుకుంది.

తల్లి, భార్య, ముగ్గురు పిల్లల్ని చంపి.. ఆత్మహత్య చేసుకున్న వ్యక్తి!
తల్లి, భార్య, ముగ్గురు పిల్లల్ని చంపి.. ఆత్మహత్య చేసుకున్న వ్యక్తి!

Man kills wife and kids in Uttar Pradesh : ఉత్తర్​ ప్రదేశ్​లో షాకింగ్​ ఘటన వెలుగులోకి వచ్చింది. మందుకు, డ్రగ్స్​కి బానిసైన ఓ వ్యక్తి.. తన తల్లి, భార్య, ముగ్గురు పిల్లలను అతి కిరాతకంగా చంపేశాడు. అనంతరం.. తాను కూడా ఆత్మహత్య చేసుకుని ప్రాణాలు తీసుకున్నాడు.

ఇదీ జరిగింది..

ఉత్తర్​ ప్రదేశ్​ లక్నోకు సుమారు 90 కి.మీల దూరంలోని పహల్​పూర్​ గ్రామంలో ఈ ఘటన జరిగింది. అనురాగ్​ సింగ్​ వయస్సు 42ఏళ్లు. అతను చాలా కాలం క్రితమే.. మందు, డ్రగ్స్​కి బానిసయ్యాడు. అతడిని డీ-అడిక్షన్​ కేంద్రానికి పంపించాలని కుటుంబసభ్యులు చేసిన ప్రయత్నాలు విఫలమయ్యాయి. ఈ విషయంపైనే అనురాగ్​కి, కుటుంబసభ్యులకు మధ్య చాలాసార్లు గొడవలు అయ్యాయి.

UP crime news : శనివారం ఉదయం కూడా.. ఇదే విషయంపై గొడవైంది. మందు, డ్రగ్స్​ని వదిలేయాలని తల్లి, భార్య చెప్పారు. కానీ అప్పటికే మత్తులో ఉన్న అనురాగ్​కు తీవ్రంగా కోపం వచ్చింది! విచక్షణారహితంగా ప్రవర్తించి, అందరిని చంపేశాడు.

ముందు.. తన తల్లి, 65ఏళ్ల సావిత్రిని కాల్చి చంపాడు అనురాగ్​. ఆ తర్వాత.. తన భార్య, 40ఏళ్ల ప్రియాంకపై దాడి చేశాడు. గొడ్డలితో నరికి చంపేశాడు. ఆ గది అంతా.. రక్తపు మడుగుతో నిండిపోయింది. ఆ తర్వాత.. ముగ్గురు పిల్లలు.. అశ్విణి (12), ఆర్నా (9), అద్వైక్​ (6)లను ఇంటి మీదకు తీసుకెళ్లి.. పై నుంచి కిందపడేశాడు. ముగ్గురిలో ఇద్దరు ప్రాణాలు కోల్పోయారు.

ఇదీ చూడండి:- Man chops off girl's head: పెళ్లి క్యాన్సిల్ అయిందని మైనర్ తల నరికి, తీసుకువెళ్లిన యువకుడు

ఆ తర్వాత.. అనురాగ్​ కూడా, ఆత్మహత్య చేసుకుని ప్రాణాలు తీసుకున్నాడు!

UP man kill mother : అనురాగ్​ చేసిన పనిని చూసి స్థానికులు షాక్​ అయ్యారు. వెంటనే పోలీసులకు సమాచారం ఇచ్చారు. ఘటనాస్థలానికి పరుగులు తీసిన పోలీసులు.. ఇంటిలో, ఇంటి బయట పడి ఉన్న 5 మృతదేహాలను స్వాధీనం చేసుకున్నారు. గాయపడిన అద్వైక్​ని.. వెంటనే ఆసుపత్రికి తరలించారు. కానీ.. అతను కూడా ప్రాణాలు కోల్పోయాడని.. లక్నో ట్రామా సెంటర్​ వైద్యులు వెల్లడించారు.

పోస్టుమార్టం కోసం మృతదేహాలను ఆసుపత్రికి తరలించారు పోలీసులు.

"ఈ ఘటనపై పోలీసులు దర్యాప్తు చేపడుతున్నారు. ఫోరెన్సీక్​ టీమ్​ కూడా పని చేస్తోంది. అన్ని కోణాలను పరిశీలిస్తున్నాము. మత్తుకు బానిసైన అనురాగ్​.. కుటుంబాన్ని చంపేశాడని తెలుస్తోంది. పూర్తి దర్యాప్తు ముగిసిన తర్వాత, మరిన్ని వివరాలను వెల్లడిస్తాము," అని సీనియర్​ పోలీసు అధికారి చక్రేశ్​ మిశ్రా తెలిపారు.

Crime news latest : ఈ ఘటన స్థానికంగా కలకలం సృష్టించింది. ఈ విషయం విన్న వారందరు షాక్​కు గురవుతున్నారు. సంబంధిత ఇంటి ముందు.. భారీగా ప్రజలు గుమిగూడారు.

IPL_Entry_Point

సంబంధిత కథనం